BYD Vs Proton Saga Vs Verna Vs used car

**MaSal** · 01-03-2012 01:36 PM

السلام عليكم جميعا

انا عايز اتكل علي الله في عربية في حدود 60 ألف الي 70 ألف وللاسف كان نفسي تكون أوتوماتيك بس مش لاقي بالسعر ده الا مستعمل

ممكن تطمنوني الله يخليكوا مين افضل بي واي دي ولا برتون ساجا ولا فيرنا ولا عربية مستعملة

أنا مش عايز عربية الف بيها علي المحلات كتير واقعد اغير في القطع بتاعتها

انا عاجبني البي واي دي في التاكسي جدا ومرتاحلها اوي بس بيقولوا لازم اغير حاجات كتير فيها الاول عشان تبقي كويسه

جزاكم الله خيرا

**bassem.naguib** · 01-03-2012 04:30 PM

أولاً بالمبلغ اللي بتقول عليه حضرتك ده مش حتجيب عربية أتوماتيك زيرو لأن البي واي دي الأتوماتيك سعرها 82 ألف والفيرنا والساجا في نفس الرنج تقريباً .

ثانياً اختيار العربية بيرجع في المقام الأول إلى قناعة الفرد بيها وبإمكانياتها .. بمعنى ممكن أكون مقتنع بالفيرنا أكتر من الساجا والبي واي دي .. وهكذا .

ثالثاً حاول تخش على كل قسم وتشوف مميزات وعيوب كل عربية (كل عربية ليها مميزات وعيوب حتى لو أفخم الماركات) وتشوف المناسب ليك أيه

في النهاية أنا عن نفسي لو مكانك حختار البي واي دي بدون تردد طبقاً لقناعتي الشخصية بيها وبعد تجربة للثلاث عربيات اللي أنت حاطهم في المقارنة .

**rti** · 01-03-2012 10:02 PM

عزيزي MaSal توكل على الله وهات f3 وصدقني مش هتندم و التجربة اثبتت ان اي حد بيحطها فى مقارنة مع اي عربية لها نفس فئة السعر هي اللى بتفوز بجدارة و عن استحقاق بفضل الامكانيات المحترمة اللى موجدودة فيها و متنساش انها من الناحية العملية ليست من فئة الفيرنا الفقيرة فى امكانيتها هي والانوس و كمان الساجا فئتها اقل و الخلاصة انت راكب عربية نفس فئة الانسر بومة والكورولا و اتمنى لك التوفيق الى الخير و اهلا بك .

**drpeter** · 01-03-2012 11:10 PM

رأى الشخصى وعن تجربة
BYD F3 2012 مانيوال زيرو فول اوبشن ( امتلك واحدة )
الموتور بتقنية ميتسوبشى 1600 سى سى
عفشة مثل التيوتا
ناقل حركة 5 سرعات
زجاج ومرايات كهربائية + وحدة تحكم بـ باب السائق
زجاجا خلفى فامية شيك
جنوط سبور 15 "
شنطة عربية واسعة جدا
السيارة من الداخل واسعة + عالية عن الارض
ثبات عند السرعات العالية ممتاز فانا جبت بيها 140 وبصراحة كانت ثابته وجيدة رغم انى لا احب السرعات العالية لكن من احساسى بالثبات دا اللى جرئنى شوية
السيارة بصراحة موفرة في البنزين والتنك 50 لتر سعته الرسمية

وسائل الامان من 2 اير باج + abs + ebd
سنتر لوك وانذار
تكيف بارد تلاجة وساخن فرن
فوج لايت خلفى
يوجد بها عداد رحلات TRIP A - TRIP B
امكانية تعديل وضع الطارة
CD AUDIO + وصلة MP3

للامانة المانيوال تقفيل مصرى جيدا جدا وليس سيئ ويعطيك اختيار بين فتحة سقف او بدون
المانيوال 74 الف
الاتوماتيك 84 الف

الاتوماتيك زيادة فيها بفتحة سقف
التكييف تاتش + الدريسكون ملتى اوبشن + الفتيس مثل النيسان 2008 او2009
باكرينج سينسور
ومميزات اخرى
تحياتى

**sv065** · 02-03-2012 02:19 PM

المشاركة الأصلية كتبت بواسطة masal

السلام عليكم جميعا

انا عايز اتكل علي الله في عربية في حدود 60 ألف الي 70 ألف وللاسف كان نفسي تكون أوتوماتيك بس مش لاقي بالسعر ده الا مستعمل

ممكن تطمنوني الله يخليكوا مين افضل بي واي دي ولا برتون ساجا ولا فيرنا ولا عربية مستعملة

أنا مش عايز عربية الف بيها علي المحلات كتير واقعد اغير في القطع بتاعتها

انا عاجبني البي واي دي في التاكسي جدا ومرتاحلها اوي بس بيقولوا لازم اغير حاجات كتير فيها الاول عشان تبقي كويسه

جزاكم الله خيرا

وعليكم السلام ورحمة الله وبركاته

أولا ارحب بحضرتك كعضو جديد معنا في منتدانا وفي قسم byd

وكما تفضل اللأخ باسام باشا بتوضيح أن الدخول في الأقسام المختلفة ومشاهدة التجارب العملية والخبرات الواقعية للسادة الأعضاء هي أفضل وسيلة للحكم علي السيارة وتحديد الأنسب بمعني إن دي خطوة بتسهل عليك الإختيار وبمجرد ما تحدد هدفك عليك بالإستخارة قبل الشروع في التنفيذ

وصراحة أول مرة أسمع عن موضوع ضرورة تغيير أي حاجة في السيارة BYD علشان تكون كويسة

وإسمح لي أن أخبرك أنك سوف تعاني لحد ما في العثور علي byd مستعملة وأعتقد إن الزملاء في القسم يقدروا يفسرو لك السبب في الموضوع ده

ادعو الله أن يوفقك ويرزقك من فضله

خالص تحياتي

**M_SALLAM** · 02-03-2012 03:33 PM

رأيى الشخصى خليك فى الساجا اوتو و دى عاملة 73000 جنيه او رينو لوجان اوتو و دى عاملة 79000 جنيه بس استيبترونيك و ماتور ميجان ( 1600 - 16 صباب - 110 حصان ) و فتيس رينو سينيك يعنى موتور و فتيس ميجان و سينيك اللى بيعملوا 130 الف و شاسيه و تكيف نيسان و الباقى رينو و البروتون و الرينو تقفيلهم افضل من التقفيل المصرى .
و نصيحة لوجه الله ابعد عن الصينى و عن تجربة و يكفى لما حد يكلمك يقولك يا عام دى صينى .