تحذير من محور صفط ... للأهمية

**SYD** · 01-03-2012 09:17 PM

انا لسة داخل البيت حالا وكان في حادث علي محور صفط عافنا الله واياكم
الحادثة بالظبط كانت من حوالي نص ساعة
عربية ميكروباص فولكس (مش ميكروباصات فيصل وهرم الشهيرة لا الموديل التاني الأكبر)
كان طالع طلعة محور صفط من عند الكوبري الخشب وفي الملف الأخير (طبعا الملف دة معروف للي متعود يطلع الطلعة دى) يبدو كان واخده بسرعته والعربية لطشت منه في السور والبربريز الأمامي طار ووقع منه السواق والي كان راكب جمبه كرسيه اتكسر ووقع من الباب بتاعه والباب الجرار وقع بردو
والعربية كمللت لوحدها لحد لما دخلت في الجيب بتاع الطوارئ وخبطت في السور

الحادثة غريبة نوعا ما
بس انا كتبت الموضوع دة للتحذير من هذا الملف الخطير الي شوفت فيه اكثر من حادثة
ربنا يستر طريقنا جميعا

والله المستعان
،
،

**المنسي** · 01-03-2012 09:55 PM

ربنا يسترها على الجميع بصراحة محور صفط محتاج لعيبة جامدة من بتوع need for speed دول اللى يعرفو يسوقو ويمشو عليه

**dr_darsh** · 01-03-2012 11:18 PM

شكرا على التحذير وربنا يعافينا جميعا

**Sehsss** · 01-03-2012 11:23 PM

لا حول ولا قوة الا بالله، ربنا يسترها

**aboomar22** · 02-03-2012 12:06 AM

اللى مش هتصدقوه بقى مرة طالع من هذا التجاه تتوقعوا واحد نازل عكس فى اتجاه شارع السودان مش عارف ده بقى طلع من اتجاه الجامعة ونزل عكس فى السودان ولا طلع الطريق غلط ولما لقى الطريق مالوش منزل قريب رجع عكس المشكلة انى ساعتها كنت بظبط الكاسيت ومش باصص كويس لان الطريق فاضى والطريق فيه دوران يعنى مش هتشوف اللى جاى وفجاه لقيتة نزل عكس مش عارف ده عبيط ولا متهور ولا مجرم ولا نقول عليه ايه

**AhMeD MeTwAlY** · 02-03-2012 01:02 AM

المشاركة الأصلية كتبت بواسطة aboomar22

اللى مش هتصدقوه بقى مرة طالع من هذا التجاه تتوقعوا واحد نازل عكس فى اتجاه شارع السودان مش عارف ده بقى طلع من اتجاه الجامعة ونزل عكس فى السودان ولا طلع الطريق غلط ولما لقى الطريق مالوش منزل قريب رجع عكس المشكلة انى ساعتها كنت بظبط الكاسيت ومش باصص كويس لان الطريق فاضى والطريق فيه دوران يعنى مش هتشوف اللى جاى وفجاه لقيتة نزل عكس مش عارف ده عبيط ولا متهور ولا مجرم ولا نقول عليه ايه

في فئه لازم تنضرب بالنار يعني لك ان تتخيل واحد بتاع موتوسيكل ماشي في المخالف ولو حد لمسه هيموت هوشت علية وكنت لسه جايب السفتي وقولت لو اتكلم هنزل اجربها فيه
انا لما بشوف حاجه زي كدا لما بتكون عربيه بخبطه بالمرايا بتاعت الفليشيا اخر واحد عربيه لانسر بوما الراجل لقي الازاز بتاع المرايا بتعته علي رجله جوه

**Dr/ P.K.Sh** · 02-03-2012 01:06 AM

شكرا يا باشا

-

-

الموضوع: تحذير من محور صفط ... للأهمية

LinkBack

أدوات الموضوع

عرض

تحذير من محور صفط ... للأهمية - انشر الموضوع فى :

-

المواضيع المتشابهه

تحذير هام وفوري من تقاطع محور الشهيد مع ال na الآن, الناس بتتسرق

تحذير من محور صفط

دليلك الى محور القاهره العرضى الجديد ( محور منشيه الجمل أو سكه الوايلى )

تحذير: رادار محور 26 يوليو بيهيس

هام : تحذير من مطب خطير على محور 26 يوليو

الكلمات الدلالية لهذا الموضوع

المفضلات

المفضلات

ضوابط المشاركة