انا مش مأمن والمشكله في النتيجه اللي ممكن تحصل لو السمكري مش عرف يضبطها صح
عرض للطباعة
لو سمكري شاطر هيدق عليها دقتين و هتظبط
مش مستاهله ولا سخن ولا بارد
دي تتعدل يدوي !!!
سيبها تاخد العين
الخبطه مش جامده ومن السهل ردها على البارد ومش مستاهلا ابدا ترش الكبوت الاسبع دا الباب عندى اتخبط جامد وكانت دغنه والباب كله دخل فى بعضه والصنايعى الله يكرمه ردوا على البارد ولكن الدغنه كانت جامده ومقشره جزء من الباب وبنجت الصاج يعن مددت الصاج فاصبح جزء متنفخ واضطر يعمله كام بنطة تسخين بس حافظ على بوية الباب وبتاع الدهان عملها قلم بويه وقاللى امشى بيها كدا احسن من رشها
ودى صورة الباب وقت شغل السمكرى وقبل تشطيبه واتحصرت فى جزء صغير جدا
http://desmond.imageshack.us/Himg19/...jpg&res=medium
وممكن اصورلك الباب دلوقتى بعد تشطيبه
نصيحتي اعمله مؤقتا عالبارد
لأنك لو عملته عالسخن هتضطر ترش الكبوت كله ودي حاجة مش حلوة لأنك لو جيت تبيع العربية وقلت انك راشش كبوت هيفتكروا العربية كانت عاملة حادثة كبيرة من قدام
انا مش واخد بالي العربيه نوعها ايه
بس ممكن لو عربيه حاجتها مش غاليه يبقي تشتري كبوت جديد بنفس اللون ولا ترش ولا تعمل حاجه
مع اني مش شايفها مستهله كل دا
ياباشا ... صلي على رسول الله .
أولاً : الحمدالله جت سليمة ... وقضى أخف من قضى ... ثانياً بص حضرتك بالنسبة للخبطة بتاعت الكبوت لو مديقاك أعملها على البارد ورش على القد والحمدالله هيا جت على الاطراف وعلى فكرة الكبوت مبيعبش العربية ... وانا واحد من الناس مببصش على الكبوت خالص ... لأنو ممكن يكون سليم ميه ميه والزونب بتاعتو موجوده والفلتو بس تكون العربية مدعوكة قبل كده وصاحبها جاب كبوت استيراد نفس اللون وركبو ... فالزبون الي بيبص على الكبوت او على الاكصدمات ده زبون بيتلكك ومش عاوز يشتري ... لكن عن تجربة في البلد دي كل شيء بيتباع فيها وبسعر غالي كمان حتى عدم المؤخزة الزبالة او الروبابكية ... بتتباع ... حتى فضلات المواشي بتتباع (عدم المؤخذة ) فكل شيء بيتباع متزعلش نفسك نهائي ... أنتا أهم حاجة حافظ على العربية نضيفة وحافظ عليها ... ومتقلش يالله اهي مخبوطة خليني اكمل عليها ...
لكن ناصيحتي أعمل خبطت الباب ضروري علشان البارومة متسرحش ... وبما ان عربيتك جديدة فتقدر تجيب لونها بسهولة ، الصعوبة بتبقى ... في عربية لونها الشمس غيرتو ... ومتزعلش نفسك ... ولا تحرق في دمك (مع انها حاجة تحرق الدم ) بس صحتك بالدنيا .
وبعد كده لاتنسى تقرء قبل ماتركب العربية قل أعوز برب الفلق 3 مرات وأية الكرسي ... منها تحميك وتكفيك شر الطريق ومنها ثواب وحسنات . وربنا يستر طريقك وطريق كل الناس يارب ... وتحياتي .
نصحتى انك تسبها كدة احسن