الموضوع: نيون 2000-2004

تابع ContactCars وانت تلاقيها...
سعرها : من أول 38 ألف جنيه، بس دول بتبقي الحالة بتاعتهم زبالة و لا أنصح بشراءها مطلقا لأن الكرايسلر لما بتبقي حالتها وحشة هتكرهك في العربية و مش هتعرف ترجعها لحالة الفابريكة، لحد 45 ألف جنيه

في واحدة كويسة معروضة علي Contact Cars هتلاقيها علي اللينك دة :

[url=http://www.contactcars.com/UsedCars_Profile.asp?CarID=732296]ContactCars |

المشاركة الأصلية كتبت بواسطة rafatmr

في ناس قالولي انها 2 زجاج كهرباءي بس ده فعلن ولا بينزل منها فل اوبشن و ايه رايك في كرايسلر
Stratus
2000 احسن ولا neon 2000

هي 2 ازاز، و فيه موديل تاني بينزل بمثبت سرعة بس معرفش 4 ازاز ولا 2 بس...
Stratus و Neon مختلفين، فشوف انت احتياجاتك ايه و قرر تاخد العربية المناسبة، بس عامة Stratus فئة أعلي من Neon

المشاركة الأصلية كتبت بواسطة rafatmr

اصل انا معايه 65000 و عايز اركب حاجه نصيفه و فيها كماليات حلو و سال معلش بخصوص النيون هل من اللمكن اني اركبلها زجاج كهرباءي في البيبان اللي نقصه ولو ينفع يكلف كام و ممكن اركبه فين

هو 65 ألف ج تجيبلك حاجات طبعا أعلي من النيون...عامة، النيون متدفعش فيها أكتر من 45 ألف ج و دة بالنسبة للحالات الجامدة...
بص أنا معرفش ازاز الكهربا ممكن يتكلف كام، بس أنا عادة مانصحش انك تركب ازاز ورا، بس لو مصمم ممكن تكلم واحد في الحرفيين تسأله لو عنده المكنة اللي ورا، هو اسمه مايكل نزيه : 0108509456

المشاركة الأصلية كتبت بواسطة rafatmr

طب بدل ماتعب نفسي اشتري Stratus ولا ايه رايك من نحيت قطع غيارها وكده و ممكن سوال هو ليه Stratus و neon زخاص كده علي امكانياتهم وشكلهم الممتاز و اسم الماركه المرموقه معلش تعبتك

- اه طبعا ممكن تجيب Stratus بس هي مسألة أذواق : أنا مثلا مابيعجبنيش شكلها، بحس ان الشكل قديم، ممكن انت تكون شايف العكس.
قطع غيارها متوفرة بس أغلي حبة من Neon بس الفرق مش كبير، كلام فارغ.
اعادة بيعها هتلاقيها أصعب من Neon لأنها مش معروفة قوي، بس لو جيت حسبتها، في الأول أو في الاخر الأمريكي اعادة بيعه صعبة جدا في بلدنا بلد اللانوس و ال128.

- رخيصة عشان أمريكي. هتقول لي و ماله الأمريكي، هقول لك سمعته وحشة و في البلاد اللي زي مصر اللي فيها العربيات غالية، العربيات بصفة عامة بتبقي سمعة. ليه سمعتها وحشة ؟ ما تفهامش، شعبك كدة بيحب العك، يعشقوا اللانوس و الفيرنا و السيراتو، رغم ان أسعارهم بقيت غالية، لكن المستهلك المصري لسة بيبص علي سعر قطع الغيار من غير ما يبص علي العمر أو القدرة علي الاحتمال. فعقلية المستهلك المصري المعكوسة خللت عربيات ولا تسوي يبقي سعرها في السما و عربيات تانية ممتازة سعرها في الأرض. أنا طبعا عارف ان العربيات الكوري اتطورت، بس هل يعقل ان Elantra يوصل سعرها ل 150 ألف جنيه و 300M يوصل سعرها، حتي لو مستعملة ل 100 ألف جنيه، و مفيش مقارنة أصلا بين الاتنين.

انت عارف ان Neon تمنها زيرو ب 200 ألف جنيه ؟ طيب تعرف ان 300M زيرو كانت ب 650 ألف جنيه ؟ شوف دلوقتي سعرهم بقي كام...