بخار زيت في المنطقه دي معناه ايه؟

**mero100** · 02-03-2012 02:56 AM

انا اول مره استخدم مركز تحميل نايل موتورز ....سامحوني لو فيه حاجه غلط بقه :-)

دلوقتي انا ظهر عندي بخار زيت من كام شهر ....زي ما هوه في الصور اللي علي الرابط ده :

http://www.nileup.com//uploads/image...87dfce4ff3.jpg

و زاد دلوقتي شويه اكتر من اللي في الصوره ......ده معناه ايه ؟

**asd21012101** · 02-03-2012 06:13 PM

حضرتك بتستخدم زيت اية

**A.samy** · 02-03-2012 06:35 PM

دة خرطوم الزيت ودة عادى عشان ممكن حضرتك بتحط 4كيلو زيت مع تغير الفلتر مع ان المفروض 3.75 كيلو واللى طلع دة بخر زيادة

**mero100** · 02-03-2012 10:26 PM

المشاركة الأصلية كتبت بواسطة a.samy

دة خرطوم الزيت ودة عادى عشان ممكن حضرتك بتحط 4كيلو زيت مع تغير الفلتر مع ان المفروض 3.75 كيلو واللى طلع دة بخر زيادة

لا ده بخار الزيت زي ما هوه في الصوره علي المنافولد ....بعيد عن خرطوم بخار الزيت ....
و أنا مهتم من اول ما جبتت العربيه اني احط 3.75 لتر شاملا الفلتر ...و عمري ما حطيت 4 لتر ابدا ....العربيه عامله 19000 كم دلوقتي و بقالها معايا سنه .

**asom_6** · 03-03-2012 09:01 AM

حصلت عندى نفس الحكاية وعملت موضوع عنها وفيه ردود مفيده جدا
http://www.nilemotors.net/Nile/271531-a.html

**mero100** · 03-03-2012 12:51 PM

المشاركة الأصلية كتبت بواسطة asom_6

حصلت عندى نفس الحكاية وعملت موضوع عنها وفيه ردود مفيده جدا
http://www.nilemotors.net/nile/271531-a.html

ربنا يخليك ....انا بشكرك جدا لاهتمامك.....نفس الوضع اللي عندي بالظبط ....و لسه موريتهاش للتوكيل ....بس انا عمري ما نضفت بلف الايدل كنترولر و لا التوكيل نضفه .....لازم اعرف السبب .....لان عربيه والدي مفيهاش التبخير ده خالص ....و زي ما مايلو قال : مش كل العربيات كده .

**asom_6** · 14-03-2012 11:59 AM

أمبارح روحت التوكيل عملت صيانة ال 10 الأف ووريتهم آثار الزيت على المانفولد .. المهندس هناك طمنى الصراحة وبرضه قاللى ان ده مش تسريب زيت ولا حاجة ده مجرد بخار زيت بيظهر فى المنطقة دى ومع التراب بيعمل شكل التسريب ووضحلى ان هما بينضفوه فى الصيانة ومش بيبقاله أثر وفعلاً بعد الصيانة الصراحة مالوش أثر أطلاقاً ... بس لما سألته أيه السبب أنه ظهر عندى وفى عربيات تانيه مبيظهرش فيها قاللى عادى مش كل العربيات بتجيلنا ظاهر فيها الأثر ده وعموماً مادام مهواش تسريب زيت وأنما مجرد بخار فامفيش مشكلة.

مش عارف هل أجابته دى كافيه بالنسبالك ولا لأ .. بس أنا الحقيقة أرتحت لكلامه.