السلام عليكم
أنا مفروض أجدد العربية بكره بإذن الله علشان العربية رخصتها هتخلص يوم 8 و انا كنت ماشى بالرخصة اللى كنت شارى العربية بيها بس عاوز أنقل ملكية فى المرور بس معايا عقد مسجل

المشكلة فى الأتى ...العربية مرور فيصل وو انا مرور الشروق و حسب ما عرفت الترخيص و نقل الملكية هيحتاج الأتى:
1-شهادة مخالفات... و مش هحتاج شهادة بيانات علشان الرخصة سارية
2-هروح مرور الشروق أشترى ملف و هخلص موضوع الطفاية و شنطة الإسعافات و الورق يتختم
3-هيرفع بصمة الموتور و الشاسيه
4-هروح بالبصمة مرور فيصل أعمل مطابقة البصمة و يختموا عليها فى مرور فيصل (مرورها الأصلى)
5-هرجع بالمطابقة على مرور الشروق و أخلص الورق و أخد سماح 6 شهور لحد اما الملف ييجى من مرور فيصل
6-هاخد ورقة استعجال ملف من مرور الشروق موجهة إلى مرور فيصل و اوديها مرور فيصل

السؤال بقه ...ينفع أروح مرور الشروق علشان أعمل الخطوة رقم 2 من غير شهادة مخالفات و اجيبها لما أروح اطابق البصمة ؟؟