الكاتينة كده خلفت ولا ايه ؟ ..... لانوس 2

السلام عليكم و رحمة الله وبركاته

باختصار .. انا كنت عند ميكانيكى باكشف على ثرموستات الكوعة .... ظبط ترس الكامة الاول بحيث العلامة ( فى الترس ) قصاد العلامة ( فى غطاء السير )

وفك السير وبعدين فى مسمار وقع بين السير والترس اللى تحت .... فحرك العجل الامامى علشان الترس يلف ( على الرابع ) والممسار يتحرك من مكانه

المهم برضه ... علشان يظبط الكامة مع البستم ... فك البوجيه الاولانى ( من ناحية الكاتينة ) وحرك العجل لغاية ما البستم وصل لاعلى نقطة ( مع الحفاظ على علامة ترس الكاتينة فى مكانها ) وركب السير

فهل بكده تبقى الكامة مظبوطة ؟ ولو مش مظبوطة ايه الاعراض ؟

صعب الميكانيكى يغلط غلطة زي دى
اكيد واخد باله وحرك الكرنك بس ظبطه تانى عن طريق الحركة بتاعت تحريك البستم لاعلى نقطة

عموما لو الكاتينة مش مظبوطة العربية مش هتدور خالص
ولو خالفة حاجة بسيطة جدا
اعراضها ضعف جامد في السحب واستهلاك غير طبيعى للبنزين

اشكرا على الرد ...

العربية ماشية تمام الحمد لله ...

انا قلقت بس من الحركة دى ... فقلت اطمئن من المنتدى ( الواحد مش بيثق فى حد غير المنتدى هنا اليومين دول ) :)

و لية يضبط على حركة البستم؟؟... ما ترس الكرنك فيه علامة ضبط

MMamdouh

معرفتش موضوع علامة الكرنك دا الا بعد ما خلص :(

الميكانيكى الظاهر انه لسة جديد فى الكار

والحمد لله انه ما عكش

الميكانيكي استسهل علشان مايفكش الفبرة الي مغطية الترس السفلي بتاع الكرنك بس كلا الطريقتين تمام

شكرا على الرد أ/ طارق .... والحمد لله انها جت سليمة