السلام عليكم ورحمة الله
امبارح بالليل كنت فى مشوار فى روكسى وركنت العربيه فى الشارع الخلفى للميريلاند (الشارع اللى قصاد رشدان ورويال هاوس) رجعت لقيت العجله اللى ورا شمال مسروقه والعربيه على الأرض.
أنا عملت الموضوع ده لثلاثة أسباب:-
ألأول:احذر الناس من الركنه مده طويله فى الشارع ده أو فى أى شارع جانبى ومفيهوش حركه كتير خصوصا لو هتسيب العربيه مده طويله لأنى غبت عن العربيه حوالى ساعتين عشان كنت بكشف فى مستشفى العيون اللى فى المنطقه دى.
ثانيا:عشان كنت عاوز أعرف من أصدقائى فى المنتدى أشترى جنط جين 2 2009 منين وبكام وهل محل مكه أو المدينه اللى فى شارع دمشق عندهم الجنوط دى ولا لأ.
ثالثا:الدعاء على كل نصاب وحرامى وبلطجى بيستحل أموال الناس اللى تعبت فيها بالباطل.
حفظنا وحفظكم الله من كل سوء.