امبارح و انا مروح و ماشي في صلاح سالم الساعه 4:30 ظهرا عند ميريديان هيلوبليس الطريق بعد الزحمه اتفتح انا كنت ماشي في الحاره اللي في النص و على يميني تاكسي ابيض وعلى الشمال من قدام عربيه باسات فضي راكب فيها 3 او 4 افراد مش متأكد
المهم اول الطريق ما فتح حطيت الفتيس على s و كبست عشان اعدي الباسات و بمجرد ما قربت منها لقيت الشخص اللي قاعد في الكنبه بيطلع ايده و فيها مسدس وده كان قبل ما اكون عنده بحوالي متر قمت دايس فرامل و كاسر دريكسيون يمين و كنت هاتخبط من اللي وراي و اللي جنبي لحد ما وقفت وطبعا الباسات كانت سبقت و التاكسي اللي كان على يميني في الاول جه جنبه وشفت المسدس بيتوجه لسواق التاكسي و العربيات ابتدت تتكدس وراهم وماشفتش بعد كده ايه اللي حصل
المهم فضلت واقف مده و بعدين مشيت و لقيت امين شرطه على مطلع الكوبري و قفت وبلغته بأوصاف العربيه و روحت وانا نفسيتي زي الزفت
ربنا يستر علينا جميعا