طبعا العنوان باين من عنوانه عايز اشترى واحد من دول وحيران بين الاتنين
ولو اخترت اجيب الاسود ولا الابيض
وعايز اعرف كل كرتونة بييجى فيها يعنى متعلقاته وشكرا مقدما على الردود
عرض للطباعة
طبعا العنوان باين من عنوانه عايز اشترى واحد من دول وحيران بين الاتنين
ولو اخترت اجيب الاسود ولا الابيض
وعايز اعرف كل كرتونة بييجى فيها يعنى متعلقاته وشكرا مقدما على الردود
ياريت حد يرد عليا ضرورى عشان لو ليا عمر هشتريه بكرة
ان شاء الرحمن احاول على قد ما اقدر افيدك بحكم امتلاكى الجهازين حاليا
طبعا لا جدال على الاس 2 هو افضل ما انتج من الهواتف من وجهة نظرى حتى الان
سريع جدا
خفيف جدا
متين جدا
اختيار موفق لاى حد عايز يعرف يعنى اية قوة هاردوير مع اندرويد
النوت هو جهازى الجديد
فى الاول مش حترتاح معاة لعدة اسباب
وزنة (تقيل مقارنة بالاس2 )
حجمة (الاس2 ابنة الصغير ويعينى لو النوت وقع من غير جراب كل عام وانتم بخير)
وبطئة مقارنة بالاس 2 (ولكن دة راجع لسبب مهم حقولة بعدين )
المهم لو انت زى حالاتى بتحتاج القلم والشاشة الكبيرة فى النت وفى نفس الوقت تليفون ميبقاش شكلة بايخ على الودن وانت بتتكلم
يبقى النوت افضل خيار
وراجع لنقطة بطئة الملحوظ مقارنة بالاس 2 لان الروم (السوفتوير) الحالى (الجينجربيرد) مكتف البروسيسور بشكل كبير جدا لانة مبيتعرفش على تعدد الانوية (1.4 دوال كور دة بروسيسور النوت)
لكن اول ما ينزل الايس كريم ساندوتش (السوفت الجديد اللى رقمة 4.0 وكل اندرويدى مستنية ) حتحس سرعة وسلاسة النوت (بقول كدة وانا واثق لانى سطبت نسخة مسربة من الايس وعرفت الجهاز دة بيروح فين :) ) وطبعا رجعت تانى لنسخة جينجربيرد لان النسخ المسربة من الايس كلها مشاكل وغير مستقرة ولا تصلح للاستخدام اليومى
العلبة فى كل جهاز بيجى فيها الاتى
الشاحن
الكابل
السماعات (على فكرة سماعات الاس2 اقوى بكتير من سماعات النوت )
الكتالوجات
البطارية
اتمنى اكون افادتك وشكرا
ملحوظة هامة : لما روحت اشترى النوت سئلت الراجل سؤال
قلتلة لو الجراب والاسكرين بروتكتور موجودين حشترى
مش موجودين مش شارى
الجراب يفضل الاصلى وتشترية هوة والاسكرين قبل الجهاز
طيب بكام الجراب الاصلي والسكرين بروتكتور ؟؟؟
انت أفدتني أنا شخصيااقتباس:
المشاركة الأصلية كتبت بواسطة mido_soliman
شكرا جزيلا
أحسن مكان نجيبهم منه؟
جزاك الله كل خير وبشكرك بجد على مساعدتك ان فعلا مسكت النوت لاقيته كبير على الايد ومش هيبقى حلو وانا سايقاقتباس:
المشاركة الأصلية كتبت بواسطة mido_soliman
لا شكر على واجب يا جماعة انا تحت امركوا فى اى حاجة دى اقل حاجة الواحد ممكن يقدمها للاعضاء المحترمة
بالنسبة للجراب الاصلى انا كنت جايبة ب 150 والاسكرين اللى كنت جايبها كانت غالية اوى اعتقد فى ارخص منها كتير بس للاسف كنت مضطر لانى مكنتش حشترى من غيرهم
بالنسبة لحجمة فى السواقة هوة فعلا حجمة كبير ومينفعش وانت سايق
بس انا حاطة anti slip bad اللى بتتحط على التابلوة ومتخليهوش يتزحلق من علية دى ومش عايز اقولك حلتلى تقريبا مشكلة الحجم والتعامل معاة لانى مش محتاج غير انى ابص
ومعظم المكالمات ببقى فاتح الاسبيكر اللى نسيت اقول انة صوتة اعلى من سبيكر الاس2 بفرق واضح جدا
بص لو عايز نصيحة فعلا
النوت دلوقتى هوة افضل اختيار (اصل انت مش عارف الشاشة دى فى النت عاملة ازاى ولا فى الشات كمان ايديك الاتنين بتستخدمهم بسرعة جدا وغالبا مبتغلطش فى الكتابة كمان
لكن لو حتقدر تستنى شهر يكون الاس3 نزل رسمى برة وتشوف مواصفاتة لانة غالبا حيكون كواد كور البروسيسور والرام 2 جيجا والشاشة ما بين 4.6 الى 4.8 وطبعا المواصفات دى ممتازة جدا باثتثناء الشاشة لانى اتعودت على الحجم النوت للاسف (تقريبا النظر باة هوة اللى حيجبرنا على موضوع حجم الشاشة دة :))
لما ينزل الاس3 حيبقى عندك الاختيار افضل اما انك تستناة لما ينزل مصر وتجيبة (ودة مش حيبقى اقل من 3 شهور من شهر جاى فعلا لو تم الاعلان عنة الشهر الجاى كما يزعم ) او انك تجيب النوت او الاس2 وساعتها حتوفر كمان لان سعرهم حينزل عن كدة
الخلاصة
لو حتشترى دلوقتى اشترى النوت (واشترى الاسود نصيحة لان الابيض مكبرة زيادة عن اللزوم الاسود مبين فية النيكل وغير كدة لامم حجمة دة غير ان فعلا الابيض فى النوت مش شيك زى الابيض بتاع الاس2 مثلا )
لو مش حتشترى دلوقتى استنى شهر لما الاس3 ينزل وقارن مع ان مش حيفع تقارن لان الاس 3 نازل يكســــــــــــــــــر الدنيــــــــــــــــــــ ـــــــــا :)
ال s3 ده بيفكرني ب عمر وسلمي 3 ههههه اتكل علي الله وهات النوت جهاز هيغنيك عن الاب توب.....وبالنسبه لسعر ال ss3اعتقد هيعدي ال 5 الاف.... متعرفش ياميدو الايس كريم نازل امتي للنوت
سامسونج اعلنت ان الاس2 والنوت نازلهم الايس الشهر دةاقتباس:
المشاركة الأصلية كتبت بواسطة ahmed_nubira
امتى باة الشهر دة
اتوقع اخر ساعة فى اخر يوم فى الشهر :) علشان تشلنا كعادتها فى تاخير الابديت
نصيحة هات السوني اكسبريا s الجديد .. احسن من الاتنين في رايي
لو مش فارق معاك الحجم هات النوت
بالنسبة لموضوع السماعات مفيش مشكلة لان في برنامج اسمه
Voodoo Sound Control بيخلي السماعات "HP" صوتها عالي جدا و مش هتفرق
ههههههههه اه والله ...بس كويس ان الشهر دة انا فاكر كمان 4 او 5 شهور زى تحديثات السمبيان اللى بتقعد بالسنين لما يجى تفه تحديثاقتباس:
المشاركة الأصلية كتبت بواسطة mido_soliman
بس ايه دليلك على ان الايس كريم ساندويتش هيبقى اسرع من جينجربريد؟
اتمنى يكون الكلام صح
اكسبيريا sاقتباس:
المشاركة الأصلية كتبت بواسطة mody3on
!!!!!!
ياراجل!!!! الشاشه والسرعه والرامات والفيديو والهاردوير والكاميرا الاماميه والبطاريه واعاده البيع كل دة لصالح الجلاكسى
بصراحة اخويا معاه اكسبيريا نيو v وحوووووت شبكة واستقبال رغم ان الشبكة عندنا ضعيفة جداااااااااااا وده اللي خلاني ابيع الجالاكسي اس تو وتمسكه تحس ان خامته قوية جدا وده اللي مخليني حاليا بفكر جديا في الارك اس وممكن اجرب النوت لأني سمعت ان استقباله افضل كتير من الاس تو
اقرا الجزء اللى بين الاقواس فى اول مشاركة ليا وانت تعرف انا دليلى اية :)اقتباس:
المشاركة الأصلية كتبت بواسطة ahmed_nubira
الف الف شكر لكل الاراء وبجد الواحد مبسوط من الناس اللى بتساعد الحمد لله ربنا كرمنى ب s2 اسود فيتنامى لان النوت شيلته لقيت صعب صعب
بس يافرحة ماتمت بعد مظبطته بليل وحطيته فى الشاحن صحيت الصبح اجى ارسم رسمة الباص وورد يقولى غلط اتضايقت اوى واتقفلت واضطلريت اروح لواحد حطلى سوفت وير من تانى وجديد وكان عايز 40 جنيه اخد 35 بالعافية و الحمدلله
هو موضع تنزيل السوفت وير صعب للدرجة دى!!!!!!!!
يعني ايه ترسم رسمه البااس بورد!!!! تنزيل السوفتوير ببرنامج اسمه odin + اي سوفتوير يعجبك من موقع xda
لما تنسى الباسورد بتدخل اليوزر نيم و الباسورد بتاع جوجل اكونت بتاعك هيفتح على طول
بالنسبة للسوفتوير الموضوع سهل جدا و انا بعد ما جبت الموبيل بيوم واحد كنت مغيرله روم بس لازم قلب و تبقى عارف لما تعمل حاجة غلط او السوفت يقع هتعمل ايه
خالى بالك ال sii الى موجود كلة النسخة I9100G ودى ملهاش تحديث و اضعف فى البروسيسور و الجرافكس
ميدو باشا بما انك خبرة بالنوت عاوز مساعدتك :)
انا ناوي اجيب النوت وكنت محتاج اقدر استخدمه في الاتي
براوزنج بشكل سلس .... ابس كتيره ومتنوعه وخصوصا برنامج تسجيل للمكالمات لاني ساعات باخد معلومات ولازم تتكتب وبكون في الشارع مثلا .... جي بي اس قوي .... شاشه واضحه وياريت كمان تبقى متشافه في الاضاءة القوية زي الشمس .... والاهم بالنسبالي استخدام برامج الماسنجر عليه " ياهو .. هوت ميل .. سكايب .. جوجل توك "
المهم عاوزك تقولي رايك هل النوت مناسب لاحتياجاتي ؟ تاني حاجة عاوز تقييم لاداء الماسنجر عليه ... يعني هل عملي ؟ علو الصوت ؟ نقاء الصوت ؟ واخيرا ترشيح سماعة بلوتوث علشان تشتغل مع الماسنجر ... لاني سمعت ان مش اي سماعة ممكن تستخدمها في الماسنجر بتهيئلي سمعت ان السماعة دي اسمها Plantronics .... وهل السماعة الوايرد العادية بتشتغل مع الماسنجر ؟
بص انا قصدى انى عملت للجهاز باس وورد انك تمشى بصابعك على الشاشة برسمة معينة يقوم قفل الشاشة او هيفتحهااقتباس:
المشاركة الأصلية كتبت بواسطة ahmed_nubira
وبشكر حضرتك على التجاوب
طيب ممكن حضرتك تقولى على البرامج اللى هحتاجها بعد اذنك والخطوات اللى هحتاجها وكتر الف خيرك مقدمااقتباس:
المشاركة الأصلية كتبت بواسطة aly_hosny
اقتباس:
المشاركة الأصلية كتبت بواسطة Angel_wolf
الحمدى للى ربنا كرمنى بالنسخة العادية مش g
الله يحرقك يا ستيف
Galaxy S II Original Android Development - xda-developersاقتباس:
المشاركة الأصلية كتبت بواسطة freeman207
قلب و اقرا هنا عشان انا موبيلي مش زي موبيلك
و هتلاقي الموضوع سهل جدا
شكرا ربنا يخليك وميحرمنيش منكاقتباس:
المشاركة الأصلية كتبت بواسطة aly_hosny
اسف على التاخير يباشااقتباس:
المشاركة الأصلية كتبت بواسطة mrbebo
حضرتك مش محتاج غير النوت باحتياجاتك دى لانة جهاز انترنت من الدرجة الاولى
كل اللى حضرتك زكرتة بالتفصيل فى المشاركة موجود واكتر مما تتصور فى نظام الاندريود عموما وفى النوت خصوصا
الحاجة الاضافية اللى بيحققها النوت هو سهولة ووضوح التصفح وسهولة استخدام الكيبورد فى الشات بايديك الاتنين باريحية تامة ومن غير لغبطة
الماسنجر سواء كان ياهو او هوت او سكاى بى ممتاز ويعمل بكفاءة تامة وسهولة والفضل للاندرويد بالقطع مع هاردوير متميز وشاشة سوبر ام اوليد اتش دى انت مش محتاج حاجة تانية بالفعل
بالنسبة للسماعة مقدرش افتى فيها للاسف لانى فعلا مش عارف وان كنت اتصور ان اى سماعة وير حتقوم بالدور دة بكفاءة وسماعته خصوصا متميزة اما لو سماعة بلوتوث بيتهيالى حتحتاج سماعة بلوتوث ستيريو ودى موجودة بردة بس اغلى من البلوتوث العادية والله اعلم
اى استفسار تحت امرك