ميجان 2008؟؟؟

**Amr_Moh** · 03-06-2008 08:59 PM

المشاركة الأصلية كتبت بواسطة momoneer

يعنى معنى كلام حضرتك ان الجنط اتغير فى الموديلات الجديده ؟ والعربيه 2008 حتى الان مفيهاش عيوب ظهرت تماماً؟؟؟

moshkelet el gonoot kanet fe 2005 bas

**Amr_Moh** · 03-06-2008 09:00 PM

المشاركة الأصلية كتبت بواسطة momoneer

وبالنسبه للتكييف .. يعنى ايه كويس بس مش حلو قوى هل معنى الكلام انه مش بيسقع العربيه؟؟؟

ya3ni 2a2al men el yabani wel kori

**Sharky** · 03-06-2008 09:33 PM

حلوة قوى الإشاعة إللى بتقول إن الكاوتش فرقع علشان مش متستب على الكمبيوتر

هى الناس فاكرة الميجان دى إختراع جديد غير بقية العربيات و لا إيه ؟

**momoneer** · 03-06-2008 11:32 PM

متشكر جدا على اراء حضرتكم وان شاء الله هجيب الميجان ادعولى بس .... ويظل عيب الميجان سعر اعادة البيع لأننا فى مصر بلد العجائب ( على فكره رينو ميجان السياره رقم واحد فى المبيعات فى فرنسا وهولندا)

**Ayman_A1** · 08-06-2008 12:57 PM

أنا أعتقد أن السوق المصرى بيخاف من أى تكنولوجيا حديثة .. وبيفضل أى منتج منتشر ولو ذو تكنولوجيا قديمة (ميل لسياسة القطيع.. مع الأعتذار للفظ) .. ودة فى أى منتج مش السيارات بس .. زى الموبايل مثلا، أغلب الناس بتجيب نوكيا رغم وجود تكنولوجيا أحدث بكثير فى ماركات تانية .. هى دى ثقافة الشعب
إحتمال يكون دة راجع لأرتفاع الأسعار عامة فالناس بتخاف تجرب أى جديد

**momoneer** · 08-06-2008 04:52 PM

كلامك صح جدا
بس نوكيا منتشر لسهولة التعامل معه وقوة التحمل اللى بتفتقدها اجهزه تانيه كتير زى سامسونج
وتانى حاجه نوكيا فيها تكنولوجيا عاليه بس بسعر أغلى من المركات الأخرى اللى فيها نفس التكنولوجيا

ولكن بالنسبه للرينو ميجان تتفوق على مثيلاتها فى التكنولوجيا والثبات والشكل وبلد المنشأ والسعر أيضا ..
وسر عدم انتشارها صعوبة تعامل البسطاء معها لأن نسبه كبيره من اللى بيركبو عربيات مش بيعرفو يتعاملو مع التكنولوجيا الحديثه كويس بيكون عاوز عربيه يحط المفتاح فى الكونتاك ويدور وخلاص.... لا تكنولوجيا ولا بتاع!!! واللى نعرفه أحسن من اللى ما نعرفوش!!!

**som3aa** · 11-06-2008 12:25 AM

أنا أعتقد أن السوق المصرى بيخاف من أى تكنولوجيا حديثة .. وبيفضل أى منتج منتشر ولو ذو تكنولوجيا قديمة (ميل لسياسة القطيع.. مع الأعتذار للفظ) .. ودة فى أى منتج مش السيارات بس .. زى الموبايل مثلا، أغلب الناس بتجيب نوكيا رغم وجود تكنولوجيا أحدث بكثير فى ماركات تانية .. هى دى ثقافة الشعب
إحتمال يكون دة راجع لأرتفاع الأسعار عامة فالناس بتخاف تجرب أى جديد

معلش اسمحلى اختلف معاك , الميجان طلع عليها اشاعات تخلى العربية تشك فى نفسها!!!!!! و بعدين اللى طلعوا الاشاعات دى (دى لو كانت اشاعات بس مش حقيقة ) اصحاب العربيات و هما اللى قالوا عليها وحشة (نايل موتورز مش مقياس يعنى انا شفت الموضوع بتاع الملاك و العيوب 8 بس اللى ردوا )
موضوع النوكيا دا عندك حق فعلا.

**Sharky** · 11-06-2008 12:35 AM

المشاركة الأصلية كتبت بواسطة som3aa

معلش اسمحلى اختلف معاك , الميجان طلع عليها اشاعات تخلى العربية تشك فى نفسها!!!!!! و بعدين اللى طلعوا الاشاعات دى (دى لو كانت اشاعات بس مش حقيقة ) اصحاب العربيات و هما اللى قالوا عليها وحشة (نايل موتورز مش مقياس يعنى انا شفت الموضوع بتاع الملاك و العيوب 8 بس اللى ردوا )
موضوع النوكيا دا عندك حق فعلا.

الميجان طلع عليها إشاعات اكتر من الناس الغير ملاكها

**mohamed ibiza** · 11-06-2008 01:02 AM

عربية ممتازة علي حسب معلوماتي عنها

**LUX** · 11-06-2008 01:33 AM

حلوة نكتة ان الكاوتش مش متستب دي؟
و اللهي انا حزين علي اللي بيحصل ده
العربية دي فعلا كويسة جدا .
بس هو فعلا من الواضح ان الناس بتخاف من التكنولوجيا المتقدمة شوية و مش قادرة تستوعب ازاي يبقي في سوبر كممبيوتر بيتحكم في العربية.
مش كمبيوتر عادي زي بتاعنا اللي بنستخدمه في بيوتنا!
بكره نسمع ان لما الازاز ماتعرفش تشوف منه تغير كارت شاشة
و او ممكن يطلعله اسم و يبقي كارت ازاز:):)!!!!!
و عجبي :(
_________________