يا ترى فيه شكاوى من ميجان 2008 ؟؟
وهل الجنوط مازالت الومونيوم؟؟؟
عرض للطباعة
يا ترى فيه شكاوى من ميجان 2008 ؟؟
وهل الجنوط مازالت الومونيوم؟؟؟
لا يا باشا مفيش اى مشاكل و مشكلة الجنوط اتحلت متخفش
انا كنت ناوى خلاص على نيسان سوبر صالون بس سمعت عن مشاكل فيها ...
ولقيت الفرق بينها وبين الرينو ميجان فى الفلوس مش كبير أوى مع فارق الامكانيات الرهيب وفرق أسم الشركه طبعا ولكن طبعا سمعت عن الميجان ان الكاوتش فرقع علشان مش متستب على كمبيوتر العربيه والدركسيون سوجر والجنط اتكسر و مثبت السرعه علق والتكيف بيطلع هوا سخن وعلبة الدركسيون كل شويه بتتغير حاجات غريبه مبتحصلش فى ال 128 فبصراحه قلقت على الرغم من حبى الشديد جدا للعربيه دى يا ريت حد يفهمنى بس بصراحه يقولى ايه عيوب العربيه 2008 بس بصراحه لأن ثقتى اتهزت فيها بعد اللى قريته....
لأ لأ موضوع الكاوتش دة اشاعات مفيش حاجة اسمها الكاوتش متسطب
التكييف بصراحة مش قوى اوى بس كويس
الدريكسيون سوجر ؟؟؟؟ ازاى يعنى ؟ دة لو العربية مبطلة فقط و انت تتخيل عربية من شركة فرنسية محترمة و كبيرة جدا الدريكسيون يسوجر !
الجنط فعلا كان بيتعوج و دة كان فى الموديلات الاولى و دة بسبب شوارع مصر مش بسبب عيب فى الجنط و تم حل العيب دة فى الموديلات الحديثة
علبة الدريكسيون بصراحة معرفش بس اسمع انها بتتغير فى الضمان و دة برضة بسبب الشوارع الجميلة بس احنا بصراحة لسة معملناش كيلومترات كتيير علشان احددلك بالظبط العيوب بس هية لحاد دلوقتى ممتازة و مفيهاش عيب واحد والله
و الحاجة الوحيدة الى ممكن تضايق بس لو انت من هواة الشد و الحرق و كدة ان الفتيس استجابتة مش سريعة اوى
دة بس الحاجة الوحيدة هية مش عيب لأن العربية مش بتاعت شد و كدة بس ممكن تحل المشكلة دية انك تحولها للوضع الستيبترونيك و كل دة حيختفى !
و لو ليك اى استفسار الأخوة المحترمين و انا فى منتدى رينو موجودين
ميه ميه يا فهد انت هاتنافس شاركي ع لقب حامل لواء الميجان في المنتدى
اشاعات و كلام ما يدخلش دماغ طفل في اولى ابتدائي..و العجلة الي فرقعت عشان مش متستبة ع الكمبيوتر اجمد نكتة طلعت من ساعة نكتة الكارت الي ملح :friends:
يعنى معنى كلام حضرتك ان الجنط اتغير فى الموديلات الجديده ؟ والعربيه 2008 حتى الان مفيهاش عيوب ظهرت تماماً؟؟؟
وبالنسبه للتكييف .. يعنى ايه كويس بس مش حلو قوى هل معنى الكلام انه مش بيسقع العربيه؟؟؟
حلوة أوى الكارت ملح دى....فكرتنى بواحد عمل كريدت كارد فى البنك اللى أنا بشتغل فيه وبعد أسبوع جاى بيتخانق عشان " الكارته " مش شغالة مع أنه عشان يحافظ عليها راح غلفها !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !
موديل 2008 يا منير ما هو الا موديل 2004 مع اختلاف بعض الحاجات اللى مش جوهرية زى شكل الفوانيس, أضاءة التابلوه ..... وغير كده أى حاجة متغيرة عن موديل 2004 ما هى الا تحسين بسبب مشكلة الناس اشتكت منها أو تحسين جودة جزء معين مش على مستوى الكفاءة المتوقع
خلاصة الكلام أن مو 2008 ما هو الا تحسين وتنقيح للموديلات السابقة
يعنى بياخد 10 دقايق عشان يسقع العربية لو أنت راكن فى الشمس لمدة طويلة مش زى تكييف اليابانى فى 5 دقايق يكون ظبط الدنيا
على فكرة انا معايا لانسر و التكييف برضه بياخد 10 دقايق عشان يسقع الدنيا
ولو حر اوي ومفيش تعتيم على الزجاج حياخد 20 دقيقة