الموضوع: مساعدة لشراء سماعات للكمبيوتر

فى حدود الميزانية الى انت محددها الخيارات حا تبقى مش كتير أوى
الصب الكريتف ال 2.1 سعرة حوالى 130 جنية و بيطلع 5 rms
الصب الكريتف ال 5.1 يعنى صب و خمس سماعات دة افضل لانة بيطلع 15 rms و سعرة 265 جنية و دول فى تكنولوجى مول الى جنب السراج مول فى مدينة نصر
===============
أى صب و سماعات عموما سيبك من الكلام الى مكتوب على الكرتونة ب الوات دة اشتغالة كبيرة جدا القوة الحقيقية بتقاس بأنة بيطلع كام rms

=========
زود المبلغ شوية و هات الكريتف 5.1 و دة بيطلع 15 RMS و سعرة 265 جنية

المشاركة الأصلية كتبت بواسطة greenday

طيب لو جبت باذن الله الكريتف ال 5.1 هل هيشتغل كويس على كارت الصوت الداخلى لانى معنديش كارت صوت خارجى وبصراحة مش ناوى حاليا ويالنسبة لل sonic gear 5.1 سعره اقل من الكريتف راى حضرتك فى ايه

حسب البوردة بتاعت الكمبيوتر الى عندك و خلى بالك 15 rms حا يبقى كويس جدا مع الكمبيوتر عندك حتى لو مفيش عندك كارت صوت خارجى
انا كنت جايب زمان كارت صوت كريتف 5.1 و كان ممتاز جدا لو انت حابب تجيب واحد أعتقد حا تلاقية استعمال و حا يى كويس بس لا أظن انك حا تحتاجة
و بالنسبة لماركة الصب الاخر بصراحة ما اعرفهوش فمش عاوز اقولك معلومة و السلام و تطلع غلط
بس الكريتف اعتقد حا تعجبك جرب اسمعها فى المحل اعتقد حا تبقى كويسة جدا .
لو جيت تجيب الكريتف فى ظهر الكارتونة حا تلاقى تيكت ابيض مكتوب علية كام وات و كام RMS
سيبك تماما من الى مكتوب فى وش الكرتونة بص على التيكت الابيض الصغير الى فى ظهر الكرتونة بتاعت الصب