معلش هو سؤال غبي شوية بس معلش انا لسة جايب العربية جديد
ازاي اضبط الساعة في رينو فلوينس ؟
عرض للطباعة
معلش هو سؤال غبي شوية بس معلش انا لسة جايب العربية جديد
ازاي اضبط الساعة في رينو فلوينس ؟
سهل جدا ... في زرارين بجانب الشاشة ... في التابلوه .. زر بيزود الساعة وزر آخر بيزود الدقائق ... فورمات الساعة بيبقى 24 ساعة مش 12 ساعة ...
وأي استفسار أنا في الخدمة :)
اولا مبروك عليك العربيه
هتلاقى فى كاسيت السياره زرار على اليمين مرسوم عليه شكل مفتاحين تقرييا وده خاص بكل تظبيطات العربيه,هتدوس عليه ومنه هتدخل على قائمه تقدر تنقل بينها عن طريق الزرار المدور الكبير فى نص الكاسيت ولو حبيت ترجع فى اختياراتاك عليك بالزرار(سهم شمال) ده وظيفته زى back بالضبط,هتلاقى فى خيارات الضبط بند خاص بالوقت والتاريخ
ملحوظه:الساعه بتبقى بنظام ال24 ساعه فقط,لا يمكن ظبطها بنظام ال 12 ساعه
تحياتى
الزرارين اللي جنب الشاشة دول مش موجودين عندي
انما الزرار اللي في الكاسيت دة موجود
شكرا للردود
يبقى الكاسيت اللي عن حضرتك اللي في البلوتوث .. عشان كده ... وشرح الأستاذ GMakram هيفيد حضرتك
اتظبطت من الكاسيت فعلا
شكرا ليكم
معلش سؤال تاني
انا ضغط العجل مش ظاهر في ال Trip Computer
و كمان انا مش عارف اعمل deadlocking و انا بقفل العربية...هل هو مش موجود اصلا و لا ايه ؟
ضغط العجل مش بيبان على الشاشه او بمعنى تانى مش بيتقاس عن طريق كمبيوتر العربيه,ده انت بتظبطه عادى زى اى عربيه وهتلاقى على الباب الامامى موجود مقاسات ضغط الكاوتش
الD-Lock بتظبطه عن طريق دراع المسساحات,هتلاقى الزرار الصغير اللى على طرف الذراع,اضغط عليه اثناء توقف السياره ضغطه طويله شويه لمده ثانيتين او ثلاث ثوانى,هيدخلك على قائمه صغيره من بندين فقط ومنهم تشغيل نظام الغلق التلقائى مع تحرك السياره,ودى الحاجه الوحيده اللى تقدر تعملها عن طريق الشاشه اللى فى التابلوه,باقى الاختيارات كلها عن طريق الكاسيت
تحياتى
على ما اظن ال Dead Locking مش موجود في الأصدارات اللي موجودة في مصر على حد علمي ...
بس ممكن حضرتك تجرب تشوف ... (الكلام ده من الكتالوج) ..
في الرينو كارد اللي مع حضرتك .. تدوس على الزر اللي عليه علامة القفل مرتين متتاليتين بسرعه أو تدوس على الزر الأسود اللي على أكره الباب من الخارج مرتين متتاليتين بسرعه ومفروض فلاشر العربيه ينور خمس مرات مش مرتين كالعاده ..
لو معملش كده ... يبقى العربيه مفهاش Dead Locking ..
لو حضرتك في أطفال أو أي حد خايف إنه يفتح الابواب/ الزجاج الخلفيه في زر بجنب حضرتك في الباب .. آخر زرار وعليه علامة X
حضرتك هتدوس عليه .. هينور أحمر ...
بالنسبه للمونتور بتاع ضغط الكاوتش ... دي مش نازله في الTrip Computer للميجان والفلونيس اللي نازله مصر ...