الموضوع: السايس ..... مشكله ملهاش اى حل فى بلدنا

المشاركة الأصلية كتبت بواسطة me_medoo

بحييك على الموضوع ده ... وانا هديلو تقيمي بصراحة ... لأن الموضوع ده كرهني البلد بالي فيها باليوم الي هطلع فيه ... كل ماتوقف بحته يجيلك واحد ابو فوطة صفرة يجري وراك ... أتاوة كده ويحسسك انها بلد ابوهم مش بلدنا خالص ... والي تستغرلبلوو انو بيجو من الارياف ومن حتت في اخر الدنيا علشان يمسك الرصيف من اول النهار ... مش ناقص غير تنزل تحت بيتكم تلاقي واحد ماسك الرصيف ... ومرة اتناقشة مع واحد قالي مأجرو قلتلو مأجروو من مين قالي من المحفظة ... قلتلو ليه هو الرصيف ده ملك المحفظة ولا ملك البلد ... المحفظة دي من كبيرهم لصغيرهم مرتباتهم بتتاخد مننا ... علشان يخدمونا مش علشان يحجرو علينا ... دي بلدي ودي منطقتي انا مووووووووووولود هنا من قبل مايكون في رصيف حتى هنا ... دي حتتي ودي منطقتي جيه انتا بسلامتك هتعملي اتاوة في الطلعة وفي النازلة ؟

وفي ناس بتقدر تتكلم معاها وتحس انهم غلابة وفي ناس متقدرش تفتح بقك معاها لأنهم من الاخر بلطجية ومش هتدفع هترجع مش هتلاقي عربيتك ... ومع الامن والامان الي أحنا عايشين فيه ززززززغرطي يا أم أحمد وأرقصي يا سعاااااااااااااااد ... ده غير قانون حزمني يا بابا الي بقالو تلاتين ســــــــــــــــــــنة . وهو هو لا بيقدم ولا بيأخر .


وأعمل أيه أذا أنا بحب أجمع كل مشاويري مره وحده وبقوف في تلاتين حتة ... كل ماهقف في مكان ... يجري ورايا واحد كأني حرامي ... وكلت عليه عرقوو وأجرتوو ... ده حتى مرة واقف صف تاني لقيت واحد بيقولي اهلا وسهلا ياباشا ... حمدالله على السلامة ياباشا ... قلتلو عاوز ايه ... قالي يابيه انا بحميلك عربيتك قلتلووو بتحميها وهيا واقفه صف تاااااااااااااااااااااااا ااااااااااااااااني يعني لو جه الوينش يشيلها هتقلوو لأ دي تبعي متشلهاش ولا أول واحد هيفلسع أنتا .. بصيت لقيتو بيقولي متخفش يابية محدش يقدر يشيلها وانا موجود ...

ياحبيبي يا حبيبي ... ده حتى اروح شركة الكهربا علشان ادفع الاقي واحد واقفلي عند شركة الكهربا اروح شركة المية نفس الحكاية السنترال نفس الحكايه ... ده حتى المرور وقسم الشرطة في واحد واقف هنا ... أنزل اجيب علبة سجاير الاقي واحد وقفلي ... أنزل أشتري كرت شحن من ابو عشرة جنية على السريع ابص الاقي واحد وقفلي ... أنزل اي حته أسئل عن حاجه وأمشي على طول الاقي واحد واقفلي حت تحت البيت يالهووووووووووووووووووووو ووووي انا طهقققققققققققققت ... ناس ملهاش اي لزمة في الكون ... وبيتحصلوو في اليوم مش أقل من 50 ل 60 جنيه وطالع لأن أقل حاجة هتيجي توقف ميت عربية كل يوم يعني 3000 جنية في الشهررررررررررررررررررررر ر .
لا ده من بكرة هجيب فوطة صفرة وأنزل أقف تحت بيتنا وقدم أستقالتي .

المشاركة الأصلية كتبت بواسطة me_medoo

هههههههههههههههههههه ... هو أحلى حاجه على بق كل مصري اليومين دول ما تخفشي ... ويجي يعملك حاجة خطيرة ... ويقولك متخفشي متقلقشي ... لدرجة واحد عاوز يسوق عربيتي يدخلها مكان قلتلو لا انا هدخلها بنفسي بصيتو لقيتو بيقلي متخفش يا بيه ... قلتلوو يعني أذا مكنتش أأأأأأأأأأأأأأأأأأأخاف على عربيتي وشقى عمري أخاف على أية ؟؟؟؟؟؟؟؟ أخاف على صحتك يعني ... ولا اخاف وأقلق على مستقبلك ؟ حاجة غررررررررريبة بجد بجد .

المشكلة الواحد مزبط ميزانيتوو على حاجة معينة ... دول زي السوس من غير ما تحس تلاقي نفسك دافع حاجة وتلاتين جنيه في اليوم ليهم هما وبس ... و30 جنيه في 30 يوم يعني 900 جنية في الشهر طلع من مرتبك ميزانية ليهم ... ده غير باند الشحتين ... يعني فوق فواتير المية والكهربا والتيلفون الي قطمه وسطنا والغاز الي بنجري وراه ونبوس الايادي علشان ناخود انبووبة نحط كمان بند للصدقة ... وبند للشاحتين الغتاتة والي بيلزقوو في الواحد كده وعلى والنبي والنبي والنبي وبند أخر للبلطجة ... وعيالي بأه ربنا يتوالهم يشوفوا أب تاني يصرف عليهم ... أو يلبسو مقطع وينزلو يشحتوو هما كمان ... على الاقل أبقى مطمن عليهم وعلى مستقبلهم ... أنهم حجزوو رصيف من دلووووقتي . قبل ماحد غريب يجي يحجزووو ..

المشاركة الأصلية كتبت بواسطة me_medoo

واللهي ماعاك حق ... هما فعلاً اعتراض لطريق المارة ... وكل ما تكلم حد يقلك اصل العيشة بقت صعبة تقلش العيشة بقت صعبة عليهم هما بس ... وأحنا الي في بقنا معلقة دهـــــــــــــــــــب ...
واللهي واللهي ... ربنا وحدوو العالم الناس المحترمة بتحاول تصمد وتكمل لأخر الشهر أزاي ... وناس راكبة عربية اخر موديل ... لكن مازالت ملك للبنك يعني عليه أقساط وديون متلتله مطررررر أنو يدفعها كل شهر ويطفح الكوته علشان يسدد أقساطها وكل ده علشان يضمن لعيالو وسيلة مواصلات كريمة وميتبهدلش في الموصلات هو ومراتو وعيال ... ودول كل الي همهم يهبشوووو منك الضريبة ... فانا بطالب يالحكومة ماتخودش مننا ضرايب وندفع للبلطجية دول وللمتسولين ... يا ندفع للحكومة الفلوس ديا بس يريحونا من قرفهم ... لكن ندفع للاثنين صعب واللهي العظيم صعب في ظل الظروف المنيلة الي الناس عايشة فيها وعلى قولت المثل خبطتين في الراس بتوجع ... هيبقى فواتير ومصاريف وشحاتين وبلطجية وكمان ضرايب ...

المشاركة الأصلية كتبت بواسطة me_medoo

هههههههههههههههههههه ده انتا الي هتجبلي شلل ... هههههههه أحنا في أيه وانتا في أيه خلاص يا عم الحج 50 جنية كويس .
ياحبيب قلبي ... احنا بندفع من غير ما نحس نص مرتباتنا ... كده على الفاضي في الهووووووووووى وياريت حتى بناخود حسنات عليها ... أستحالة لأنك كل ما تدفع جنية بتقول في سرك أستغفر الله العظيم حار ونار في جتتوووووووووووه .

ده غير انو موضوع خطير ... لأنووو بيفقد المواطن شعورو بالانتماء ..لأنك بتحس ان البلد دي مش بلدك ... والاخطر والأمرررررر أنك تحس بعدم الامااااااااااااااااااااا ااان على عربيتك ... يعني أرهــــــــاب ... فبأماااااااااااااااارت أيه بدفع 10% ضرايب على كل حاجة ساقعة بطفحها ... وعلى كل نفس بتنفسوووو وانا مش شاعر بالامان . بأمارت أيه بتاخدو مني ضرايب وجمارك وتامينات وهلماااااااااااا جررررره وانا في النهاية عايش في بلدي خايف وقلقااااااااااااااااااااا اااااان . بأمااااااااااااااااارت أيه ... جيوبي بتتنفض أول بأول ... ولمن يجي أبني عاوز جنية أقولوا لأه يا باباااااااااا مفيش يا حبيبي ... وانا غصب عني بدفع الجنيه والخمسة جنية ورجلي فوق رقبتي علشان محدش يشتمني او حد يجرحلي عربيتي او يسرقها بأمارت أيه تقدر تقلي .

المشاركة الأصلية كتبت بواسطة me_medoo

500 جنية ... طول عمري وقلبي حاسس أن البلد دي هتقوم فيها ثورة ... بسبب خصخصة الشوارع ممتلكات الشعب ... وتواجد الي بنقولهم عليهم سايس بصورة قانونية والكارت الايلكتروني الي ب 14 جنيه علشان تركن في وسط البلد ... وبسبب ان الشباب الصغيرة كمان معندهمش متنفس أو مكان يتفسحوو فيه ... وكل ما توقف في مكان يقلك يا ممنوع يا أدفع ... لدرجة أني مرة ركنت فوق كبري بالليل ... الساعه وحده بالليل أقلت أقف على النيل شوية أشم شوية هوى نضاف من بتوع الفجرية دووووول لقيت واحد بتاع حمص الشام بيجري عليا أيووه ياباشا أتفضل ياباشا قلتلو لا متشكر ... قالي حضرتك الوقفه هنا بفلوس ... شوف الموضوع وصل أزاي وأكتشف شب وبنت قاعدين هناك ومريحين على الاخر عيني عينك كده ... على الكراسي البلاستيك ... وعادي خالص ... بس اني مواطن شريف انزل اشم شوية هوى نضيف فوق الكبري بالليل ... وأريح من نفسيتي شووية ، أكتشف أن شمت الهوى النضيف بفلوووس في بلدي ... وطبعاً لو قلت للراجل اني عاوز أقف أستمتع بمنظر النيل وأشم شوية هوى نضيف مش هيفهمني ... لأنو هيقولي يا أخي روووح شم بعيد ... ده أيه البلاوي الي بتتحدف علينا فوق الكبري على المسااااااااااااااااااااا اااااااااا ... ناقصين قرف أحنا جي تشم فوق الكبري ... يابني أدم أنا جي أشم هوى هووووووى ... يقلي خلاص أدفع عاوز تشم أأأأأأأأأأأأأأأأدفع ... ولا خلاص من قلت الهوى في البلد جي تشم عندنا هناااااا ...... وحسرة عليكي يا بلد وحسرة عليك يا نيــــــــــــل ... حتى الوقفه قدامك بقت بفلووس .

المشاركة الأصلية كتبت بواسطة me_medoo

هههههههههههههههههه أه واللهي ... يانهر أزرق ده الوقت سرقنا وبقينا الفجر دلوقتي ... بس بجد بجد أنا من جوايا هنفجر ... مش علشان جنية ... بس جنية في ديل جنيه في ديل جنية ... وشاحيتن ورى شحاتين لغاية مابقيت حاسس أنو ده هيبقى مصيري أنا وأسرتي الصغيرة ... حتى لمن بقفل الشباك العربية ... أبص الاقي بت صغيرة جية دددددب ددددددب على القزاز ... وشوية شوية هتخلعو أو تكسرو في ايديها وتقلي ونبي ونبي ياعموو أي حاجة ... وأذا أديتها تلاقي جيش وراها جيين بيجروو عليك ... وتبقى عاوز تنزل تبوس ايديهم والنبي ابعدو عن العربية ... الاشارة فتحت ... طيب بعدين بعدين ، ياحبيبي شيل رجلك من تحت العربية ، أنزل من على الكبوت ياولة ... يابني وسع خليني أمشي الاشارة فتحت ... والي يدخلك ايدو جوا الشباك علشان يحطلك علبة مناديل ...وهو بيحطلك علبة مناديل الغبي راح لاطش في وشي ومطير النظارة تحت رجل المدام ... والتاني الي فوق الكبري قام حدف علبة مناديل وجية في عين المدام معوراها لما بقت عنية حمرة وخد بعضوو وجري ... وعند فرغلي بشرب كبايتين فخفخينه من نفسي ... الاقي بياع فل راح دخل ايدوو فجئة علشان يحط الفل على المرايا وبصيت لقيت المرايا أتخلعت من مكنها .

دي غير المناظر البشعة الي على الاشرات الي محروق والي مشوه والي شايله عيل والي رجلو مقطوعة وحاجة بقت أخر قرف ... وتخلص من دول ومن قرف المشي في الشوارع ... تخش بقى على السايس تعاله تعاله ، أيواااااااااااااااااااااا ااااااا .... أيواا ياباشا تعاله تعاله ... حاجة تكفر يا أخي ... ده مره ركنت مستني المدام تنزل من بيت ابوها وساند على الباب وسرحان ... بصيت لقيت نفسي أتكفيت ووقعت في الشارع لأني كنت قاعد في العربية ساند على الباب ... بصيت لقيت واد بيفتح الباب هههههههههههههه وبيقلي حمدالله على السلامة ياباشا ... قلي تعمل ايه لو كنت في مكاني . هو بالعافية هنزل من العربية .

وتيجي تركن في اي حته يجي واحد يقلك هتغييييييييييييب ... هتقعد قد أيه ... تبقى عاوز تقلوا وانتا مال أهلك ... أنتا هتحقق معايا ... يقلك لا ياباشا انتا مشرفنا بس علشان أبقى عارف ... ههههههههههههههههههه تقلش عمدة المنطقة ولا الاستخبارات المركزية ... ده أيه الحشرية الي هما فيها دي ... والي بعد ماتركن يجيلك واحد معندهوش عربية ولا من المنطقة ولا ليه اي لزمة في الدنيا يقلك نزل فرامل اليد ياباشا ... علشان يقعد يزق في العربيات يزق في العربيات ويكحت امهم ويحشرهم في بعض حشر كده كده .... حاجة بقت تغيظ فعلاً والمشكلة الناس الزبالة دي رغم قلت عددهم الا انهم بيتعاملو مع كل طبقات المجتمع الشريفة وبجميع شرائحو ... ويكفرو الناس في عيشتها .

وانا واحد من الناس كنت بتدايق قووي من الاعلام لمن بيتكلم على الناس الي بترمي نفسها في البحر علشان تسافر اوروبا وبيوعوهم ... يا سيدي متسبهم يرموو نفسهم في البحـــــــر وخلينا نرتاح والبلد تفوق شووية ... ضروري تقعد تنبهم لخطورة السفر ... سيبهم يسافرووووووووووووو .

أنا مش هأقول غير جملة واحدة < أنت بروووووووووووووونس > ..