الموضوع: السايس ..... مشكله ملهاش اى حل فى بلدنا

المشاركة الأصلية كتبت بواسطة me_medoo

ياباشا بيجري ورااااااااااااااااااااااا ك ويطاردك ... وشوية شوية يصرخ بعلو الصوت ويقول حرااااااااااااااااااااااا اااااامي حرامي امسك حرامي الراجل ابن (تيييييييييت) بتاع الملاكي ركن ركن وخد بعضو وفلسع ... ومدفعش الاتاوة .

أحنا بقينا نتسحب لعربيتنا ... وانا واحد من الناس ببص واشوف السايس فين واستنى اول ما يخوش الحمام ولا يروح دورة المية واجري على عربيتي علشان اخودها .

أو أستنى أشوفو بيطلع عربيتو واقوم مدور العربية بسرعة واجري ...ههههههههههههههههه ... يعني من الاخـر تحولت أو الموضوع ده حولني من مواطن شريف ونزيه لمواطن خبيث ولئيم ... وهارب وفار من السايس .

وحتى السايس خد بالو من الحركة الي بعملها انا واني بهرب ومبدفعش الاتاوة ... فراح جاب مراتو وعيالو يحرسو العربيات ويقلها قعدي هنا ياولية مفيش عربية تطلع ولا تتحرك الاماتدفع المعلوم ... وفي منهم أتبعو نظام الكارت المدفوع مقدماً يعني أشحن الاول وبعدين اتكلم ... يعني أدفع الاول قبل ماتنزل من العربية ياخفيف ... مفيش حاجة اسمها لما ترجع او مفيش فكة ... يبقى السايس اتحول من راجل غلبان لراجل بلطجي وهاخود الاتاوة يعني هاخود الاتاوة ... وبعدين حتى لو طبقو العدادات هيجيبو عدادات لشوارع مصر منين ... ومرة كنت في التجمع الخامس ... من غير ذكر اسامي لقيت سايس هناك بيقولي ايوه يابيه قلتلوو ايوة يابية ايه ؟؟؟ ده انا في الصحرة قالي ماهو علشان كده اانا واقف احميهالك هههههههههههههههههههه .

يعني حتى الصحرة بقى فيها سايس بيحجز مكان من دلوقتي لأن بكره هتعمر المنطقة وميجيش سايس يعلم عليه في منطقتو وياخود المكانووو ... زمان كان في ورق الربع جنية لونو ازرق وحلو وجديد ... كنت تدفع الورقة وانتا باشاااااااااا ... دلوقتي اتسخط الربع جنية وبقة نكلة ... تعالة دلوقتي ادي اي سايس ربع جنية ... وشوف السايس الغلبان المسكين هيعمل فيك ايه ان مرمهوش في وشك مع شوية بلغم يبقى بحق هههههههه وان مشتمكش بكل شتايم الدنيا يبقى بحق ... مع انك بتديه فلوس ونعمة ربنا ... فلوس عملة معدنية مش بديه بنبوناية بطعم النعناع . والمصيبة انك لمن يكون وراك كزا مشوار في كزا مكان وكل شوية لازم توقف وتركن ...كل ما توقف تدفع ... علشان كده الشعب المصري زكي بقه لو لقى مكان فاضي ميركنش فيه لا ،يوقف جمب منو لاهو راكن فيه علشان مايدفعش للسايس ولا هو واقف صف تاني صف تاني علشان مايخدش مخلفه فتلاقيه سايب العربية بين البينين نصها جوه ونصها برة ههههههههههههه ياعيني على عندو عربية هيلاقيها منين ولا منين .

هههههههههههههه
ملكش حل كالعادة
مشاركاتك تحفه والله
الموضوع ده على مزاج مزاجك

http://www.nilemotors.net/Nile/219643-a.html

صفحة على الفيس بوك بعنوان "حملة لالغاء وظيفة سايس (بلطجي) في كل شارع"

الهدف من الصفحة اقتلاع البلطجي اللي واقف في كل شارع في مصر عشان ياخد منك اتاوة لمجرد انك معاك عربية ، مش مهم نوع العربية المهم طالما معاك فلوس تركب عربية يبقى لازم تدفع الاتاوة يا اما ترجع تلاقي عربيتك متخربشة او تسمع اقذر الالفاظ ، والادهى من كدة انه يقوم بتهديدك لو شاف عربيتك مرة تانية مش هيحصل كويس لانك دفعتله اقل من ما طلب

يا ريت كل من يملك عربية ونفسه يتخلص من ظاهرة السايس يدخل ويشارك لأن الظاهرة دي انتشرت بشكل غير طبيعي ولازم نردعهم

‫يا ريت كل من يملك... | Facebook‬