حفل تأبين طرمبة البنزين - الجزء الرابع والأخير من موضوع طرمبة البنزين بعافية

انا بقالي حوالي 10 ايام مش بركب العربية
مش عشان حاجة بس لأني زهدتها نوعا ما وخصوصا ان دمي بيتحرق لما بسمع شخاليل وتخبيط
واخويا للأسف فتيس عربيته بعافية شوية (عمل كيك داون علي 180 قفل امبير عربيته راح الفتيس مودعه بعد ما ختم حياته العملية بموقف مشرف)
من كام يوم (الثلاثاء 28-فبراير) قابلت اخويا بليل وروحنا مشوار ورجعنا متأخر الساعة 3 الفجر
العربية اللذيذة الأعتمادية الموفرة الشيقة الثابتة الناعمة الجميلة القوية الألمانية عملتها معايا وبطلت
المهم نزلت وكالعادة وبكل ثقة وفخر وسهولة واطمئنان وغلب وبرد قولت لأخويا افتحلي الكبوت ومسكته طبعا بأيدي الشمال (مانا متعود ومتمرس ومحترف وخبرة وتقني وفني وميكانيكي فولكس قديم) وبأيدي اليمين فكيت فيشة الأسبراتير وركبتها تاني

ها يا محمود دوور
خخخخخخخخخخخ

طب ثواني

ورحت فاتح الكبوت بأيدي الشمال وبأيد واحدة فكيت الفيشة (لكل الأسباب والصفات السابقة) وروحت نافخ فيها نفخة كومبيرسور 1,5 حصان

ها دوور كدة يا محمود
خخ خخ خخ خخ خخ خخ خخ

طب خلاص استني

قولت بقي مابدهاش

روحت مضطر وغصب عني ومش بمزاجي وقهرا ولازاما روحت ساند الكبوت بالسنادة بتاعته واضطريت اتدخل بأيديا الأتنين (لأن كمان بصراحة ايدي الشمال وجعتني وخصوصا لما كنت بميل عشان انفخ في الفيشة وانا ساند الكبوت بيها)

المهم

افكها

انفخ

اركب

يدور

مفيش

بعد 30 - 40 محاولة وخلصت فيهم نص علبة الأسبراي wd-40

روحت فاتح الشنطة وجايب منها الأسبراتير القديم
ومطلع العدة ومديها

بدلت الأسبراتيرين

يالا يا محمود دور
خخ خخ خخ خخ

بردو مش بتدور

المهم الساعة جت علينا 4:30 وانا لسة عندي أمل وفاطمة وهناء وشيماء وسحر وناني ولبني وتهاني والشلة كلها

زقيت واخويا كان بيرمي بردو مارديتش تدور

نزل وزقيناها لحد البيت

ركنتها لحد النهاردة

اتصلت امبارح بعصام حبيبي
اتفقت معاه يجيلي هوا لأنها طبعا مش بتدور
وبسب سوء الأحوال الجوية لغيت الميعاد وقررنا نأجله لحد النهاردة

اتصلت بيه النهاردة وروحت جبته من الورشة بعربيته طبعا
الراجل والله كله رجولة وشهامة جه معايا بعربيته
المهم طبعا يمين شمال
قالي الموبينة ودعت (بس مش بموقف مشرف)
المهم اديتلو الأسبراتير القديم راح فاكك من الأسبراتير القديم الفيشة بتاعة حساس الهوول hall sensor وركبها في القديم وفك سلك الموبينة وركبه في الأسبراتير القديم وفك سلك بوجيه من البوجيهات وقالي افتح كونتاكت
وفضل يلف الأسبراتير بأيده وقربه من الموتور
لقيناه بيدي شرز

قولتله
ايه دهههههههههههههههه

طب ما كدة الموبينة شغالة وبترمي كهرباء

قالي ااه

قولتله امال دة ايه ؟؟؟؟؟

قالي طب دوور كدة

خ خ خ _______

البطارية نااااامت :36_1_50[1]:

معاك توصيلة ؟؟؟؟؟ هو بيسأل
لا والله - العبد لله

طب اركب ازقك - مش هقول مين قال لمين

هوووب

هوووب

هوووب

هوووووووووب

ها ها ها ها ها نهيج مش ضحك :8954[1]:

طبعا بصراحة هو الي كان بيزق من كرم اخلاقه وزوقه

لما اتكسفت من نفسي قولتله تعال ارمي انت
لقيته ماصدق وراح طاير علي الدريكسيون

هوووب

هوووووب

هووووووووب

ها ها ها ها :8954[1]:

قولتله اعتقد اخويا معاه توصيلة

روحت ضارب الجرس علي اخويا وقايله هاتلي توصيلة

بنفتح عربيته لقينا البطارية عنده هي كمان :36_1_50[1]:

صباحو مهلبية بالجنزبيل
بعد عدة محاولات بالمفتاح فتحنا شنطة العربية وطلعنا التوصيلة

اتلخبت وكنت هطير الكونترول لأني عكست الكهرباء مع الأرضي

المهم عصام لف وش عربيته وجابها قصاد عربيتي ودوررت

فضلت تدي مدافع والأر بي ام علي 0.5 وصوتها وحش اووي

المهم

قعد يظبط يمين شمال يعلي شوية ويوطي شوية

وفي النهاية

قالي الطرمبة ماتت :stink[1]:

لاااااااااااااااااااااااا اا

طب يا عصام بيه
يا عصام افندي
يا عصام باشا

مايمكن الفلتر مسدود ؟؟؟؟!!!!

لا يا استاذ محمد دي الطرمبة

وراح قايلي زي ماقال لأسلام
1000 جنيه مني لو ماطلعتش طرمبة

وبردو الطرمبة انهت خدمتها بموقف غير مشرف لما تخليني انا واخويا الراجل المحترم نفضل نزق في العربية الساعة 4:30 الفجر لحد البيت يبقي دي طرمبة قليلة الأصل وخسار حتي انها تضيع وقتي ووقتكم في الكلام عنها وخسارة فيها العنوان لأن تأبين دة معناه اني هذكر محاسنها لكن بصراحة دي ماشوفتش منها غير مساوئ

قبل ما أقلكم والله المستعان
ليا سؤال
هي كدة فعلا طرمبة ؟؟؟
وخصوصا ان لما العربية ظبطت ودارت زي الجزمة بعد ما عصام باشا ظبطها
كل لما ازود بنزين الاقيها بتزود بس علي مراحل وبصراحة مخنوقة

انا لحد دلوقتي مش مصدق نفسي
مصدوم :Copy of majd(4):

عملت اتصالاتي
سألت عليها لقيت قلب بس ب175
اتصلت بعصام بقوله - رفض بشدة
اتصلت بواحد تاني بيبيع جديد لقيت عنده قلب بردو صيني ب220
اتصلت بعصام بقوله - رفض بشدة
قالي لازم تجيبلي الطرمبة كاملة بالعوامة وافكها بأيدي من تانك

مصمم علي ام 350 جنيه

ارجوكم تفيدوني
هل فعلا طرمبة ؟؟؟ ولا فلتر ؟؟؟؟ ولا اسبراتير ؟؟؟؟؟ ولا موبينة ؟؟؟؟؟ ولا فيش ضفيرة ؟؟؟؟؟؟
ولو طرمبة اجيب انهي واحدة ؟؟؟؟؟
قلب بس استيراد ؟؟؟؟؟ قلب جديد صيني ؟؟؟؟؟ طرمبة كاملة ب350 جنيه ؟؟؟؟؟؟

معلش طولت عليكم

والله المستعان
،
،

ايه يا عم القصص دي كلها !!!!!!!!!!!
المهم اني مش مقتنع باللي بيحصل ده
ولكن من غير كلام كتير خليك وراه ولو مطلعتش الطرمبه مش هتخسر حاجه هتاخد منه ال 1000 جنيه تسدد ثمن الطرمبة و تشتري كنترول 1400 و تعمل سيرفيس و تظبط العربية كمان بالباقي !!!!!!!!!!!!!!

ايه سبب اني بقول كده
لو العربية واصلها بنزين مضغوط صح من الطرمبه و بتعمل كده و مش راضيه تدور يبقي مش عيب طرمبه يعني واحد + واحد = 2
بس كده

و أتمني من الله ان يطلع كلامه صح و انا غلط عشان نرتاح كلنا لأننا تعبنالك سلف بصراحة يعني لو أنا كان زماني أخدت العربية و علي أقرب ترعه كبيرة تغطس فيها و متطلعش و هدورها و اديها الأول وانا واقف بره و اوجها تتوكل علي الله في ستين داهية
ولو مش راضيه تدور هأجر اتنين يزقوها لحد ما تغطس متبنش تاني
والله المستعان

اقتباس:

---

المشاركة الأصلية كتبت بواسطة ehab_mansour

ايه يا عم القصص دي كلها !!!!!!!!!!!
المهم اني مش مقتنع باللي بيحصل ده
ولكن من غير كلام كتير خليك وراه ولو مطلعتش الطرمبه مش هتخسر حاجه هتاخد منه ال 1000 جنيه تسدد ثمن الطرمبة و تشتري كنترول 1400 و تعمل سيرفيس و تظبط العربية كمان بالباقي !!!!!!!!!!!!!!

ايه سبب اني بقول كده
لو العربية واصلها بنزين مضغوط صح من الطرمبه و بتعمل كده و مش راضيه تدور يبقي مش عيب طرمبه يعني واحد + واحد = 2
بس كده

و أتمني من الله ان يطلع كلامه صح و انا غلط عشان نرتاح كلنا لأننا تعبنالك سلف بصراحة يعني لو أنا كان زماني أخدت العربية و علي أقرب ترعه كبيرة تغطس فيها و متطلعش و هدورها و اديها الأول وانا واقف بره و اوجها تتوكل علي الله في ستين داهية
ولو مش راضيه تدور هأجر اتنين يزقوها لحد ما تغطس متبنش تاني
والله المستعان

---

مقتنع مليون فى الميه بكلامك يا هندسه

مش عارف ليه يا محمد مش مرتاح نفسيا لموضوع الطرمبه بايظه دى

والله يا باشمهندس ايهاب مش عارف اقولك ايه

انا كاره العربية بس هي مسألة عند ليس اكثر
وعن قريب مش هتكلم تاني خالص عنها بأذن واحد أحد

الصبح نزلت ادورها عشان البطارية ماتنامش من كتر القاعدة (لأني طبعا مش هقدر اصلحها اليومين دوول خالص) لقيت الأستاذة مش بتدور

رحت قافل عليا الباب وفاتح كونتاكت علي أمل اني اسمع صوت الطرمبة
بس ماسمعتش حاجة

روحت مادد ايدي فاكك قاعدة الكنبة
وفتحت كونتاكت
بردو ماسمعتش حاجة
اسكت الله حسها

بس بردو انا مازلت عند رأيي

روحت فاتح الكبوت وخالع خرطوم البنزين
فتحت كونتاكت
صحراااااااء
مفيش ولا نقطة بنزين نزلت من الخرطوم

بس الجديد بقي

بسمع صوت زنة من الأنجيكشن
كأنه صوت تعليقة زرار في الموبايل (يعني كأنك دايس علي زرار الموبايل) وشوية ويسكت الصوت

بردو مش هغير الطرمبة انشاء الله
انا مقتنع 100% بل 1000000000000000000000000000000000000000% انها عيب كهرباء
لية لما عصام امبارح عملها توصيلة بطارية من عربيته دارت ؟؟؟؟؟؟؟؟؟؟؟؟؟؟؟؟؟؟؟؟؟؟؟

وبعدين مش من جمال الضفيرة عندي ولا من خلاص الكهرباء عندي مظبطة 10/10 علشان اشك في الطرمبة
دة عيب فيش وكهرباء واصلة للطرمبة

ومش هغيرها حتي لو طلعت بايظة مش هغيرها
وياانا يا العربية

والله المستعان
،
،

و الله يا محمد بيك مش عارف اقولك ايه انا لما عربيتى عملت كدة كان قدامى حلين الحل الاول مهندس ايهاب قالو الحل التانى كنت بدعى انى ارجع البيت الاقى العربيه مسروقه عشان ارتاح و قلت و الله ما هعمل محضر الله يبارك للى خدها الحل التالت البيع وزى ما تجيب اعلى سعر هنفز بيه ................. لانى كنت قرفت و الصنايعيه قرفو ا و كل اما اخش على حد الاقى الوش الخشب و محدش له نفس يشتغل فى العربيه ...............

اعتقد فشل فولكس فى التسعينات فى ضفيرة الكهرباء للسيارات من اول ما بدأو فى الانجكشن ...او فى التكنولوجيا العاليه اللى ملهاش لازمه و بدليل ان انواع عربيات تانيه انجكشن بردو و بدأو فى التسعينات و مفيش مشاكل من كهربتها

فشل فولكس فى الالفينات فى الاختراع الخزعبلى اللولبى المهلبى فتيس الدى اس جى يا دوب تستلم العربيه و خمس الاف كيلو و اطلع غير فتيس دا لو عرفت تحقق ال 5000 ك

موضوع الطرنبه احنا كلنا جبنا الصينى لعربيه باسات مع خالى كانت ب 250 و شغاله لحد الوقتى زى الفل عملت معانا 2000 كيلو لحد الوقتى جرب و 175 جنيه مش فلوس

العربيه الالمانى يا باشا من وجهه نظرى تعمل فيها اى حاجه موتور عفشه اى حاجه لكن تيجى ناحيه كهرباء الفابريقه انسى يبقى ترمى العربيه بعدها ....... لانك ركييب و مش هتعرف تستمتع بيها بعد كدة هتكون مقلق منها بردو لكن اللى يركبها واحد اول مرة يشترى و عايز عربيه تمشى اول تانى تالت و خلاص عدادات شغاله مش شغاله مش فارقهالموتور مظبوط مش مظبوط مش مشكله طالما ماشيه خلاص


و للحديث بقيه

السلام عليكم
اولا قلبى عندك وربنا يلهمك الصواب
ثانيا انا بشكر قلمك المميز فى قسم سيات واللى بجد هفتقده لو انت غيرت لانى حاسس انك عايز تمشى بره القاره دى وتروح قاره تانيه
ثالثا بغض النظر عن موضوع العربيه دى اعتماديه ولا لا بشكل عام اللى انا شايفه ان الحاله وعمر العربيه بيحددوا حاجات كتير فى تقييم العربيه بدليل انى تقريبا لما اشتريت العربيه ملحقتش اعرف عيوب المكنه الاصليه سقطت مكنه على طول بس اقدر اقول ان تقريبا معظم الحاجات اللى فى العربيه فيها مشاكل زى فرش الباب اللى معظم كليبساته ضايعه والفتيس اللى محتاج اولسيه والرف بتاع الشنطه اللى كان رجل فيه مكسوره للمساعدين للعفشه للسنتر اللى مش موجود الخ
اللى انا بس عايز اوضحه ان الابيزا فيها تفاصيل كتير ومعظم اللى بيمتلك العربيه دى بيبقى بيشوف التفاصيل دى لاول مره فلو باظت منه اكره او ضاع منه مسمار بيكيف نفسه ويمشى بيها على كده بعكس عربيات تانيه كتير تحس ان الحاجه موجوده قدامك باستمرار وسعرها مناسب انك تشتريها ومش لازم تروحلها مشوار كبير
مثلا انا مشاكلى مع العربيه انها وسخه جدا من جوه والتراب موجود فى كل حته وفرش الكراسى فى قطوع والكراسى مبترجعشى لورا والشنطه فرشها مش مستوى وكنت عارف العيوب دى كلها وساكت وبقول هبقى اعملها ولانها بعيده عن الموتور كنت ماشى بيها وخلاص
انت كانت مشكلتك عكس كده وهى ان العربيه من جوه تمام بس الحوارات بتطلعلك فى الموتور وكده بس انا هقولك على نصيحه وفكر فيها كده يمكن تخليك تغير رايك
انا من 5 ايام ركنت العربيه قدام البيت وقفلت تليفونى ونزلت فكيت الكراسى والكنبه وفرش البيبان وكل حاجه ينفع تتفك فى العربيه وطلعتهم عندى الشقه وقعدت اغسل فيهم يوم كامل وطلعتهم فوق السطح وصلحت الفبره اللى فى الشنطه وخيطت الكراسى وظبطت فرش البيبان وغسلت العربيه من جوه وشحمت الكراسى وركبت العضاضه اللى كانت مش راكبه اصلا وغسلت كل حاجه تتوقعها ونشفتها كويس وجبت جلد وفرشت الارضيه بس مش كلها يا دوب تحت الكراسى وفى الشنطه ده غير انى حاطط دواسات وركبت كل حاجه هى اخدت 3 ايام شغل او اربعه مش فاكر بس تقريبا ده غير وجع الضهر والاصابات فى ايدى بس اقدر اقول انها بقت عربيه وكل ده لانى والدى ركب معايا قبلها باسبوع وقاللى عربيتك وسخه اوى ومتربه
الملخص المفيد
حدد مشاكل عربيتك ككل وحتى الحاجات اللى بتهيس حطها تبع الحسبه وشوف الموضوع يتكلف كام كله من وقت ومجهود وفلوس ورتب اولوياتك بس لما تصلح تصلح الحاجات المرتبطه ببعض كلها مع بعض يعنى طرمبه البنزين يبقى مش قلب وبس لا يبقى طرمبه كلها اسبراتير وكده يبقى كله بالفيش اللى بتهرب وهكذا
انا مقتنع ان العربيه ينفع تتلم حبه حبه لو انت بتظبط فى الشكل الخارجى لكن الميكانيكا لازم كلها على بعض
اسف على الاطاله وارجو انى اكون افدت

اقتباس:

---

المشاركة الأصلية كتبت بواسطة alzelafy

و الله يا محمد بيك مش عارف اقولك ايه انا لما عربيتى عملت كدة كان قدامى حلين الحل الاول مهندس ايهاب قالو الحل التانى كنت بدعى انى ارجع البيت الاقى العربيه مسروقه عشان ارتاح و قلت و الله ما هعمل محضر الله يبارك للى خدها الحل التالت البيع وزى ما تجيب اعلى سعر هنفز بيه ................. لانى كنت قرفت و الصنايعيه قرفو ا و كل اما اخش على حد الاقى الوش الخشب و محدش له نفس يشتغل فى العربيه ...............

اعتقد موضوع البيع محتاج تفكير شوية لعدة اسباب هقولها فيما بعد

اعتقد فشل فولكس فى التسعينات فى ضفيرة الكهرباء للسيارات من اول ما بدأو فى الانجكشن ...او فى التكنولوجيا العاليه اللى ملهاش لازمه و بدليل ان انواع عربيات تانيه انجكشن بردو و بدأو فى التسعينات و مفيش مشاكل من كهربتها

هو مش فشل اوي قد ماهو تعقيد احنا مش فاهمينه
انا شخصيا متعود علي الكربراتير ومشاكله وعربيتي اللادا كنت فاهم كل سلك فيها رايح فين وراجع منين والميكانيكا بتاعتها كلها كانت غاية في البساطة وماكنتش بقابل مشاكل عويصة للدرجة الي تخليني عاجز زي الأبيزا كدة
لكن لا اعتقد انه فشل
هو مجرد طفرة جامدة جدا وتطور كبير في عربية موديل قديم نوعا ما

فشل فولكس فى الالفينات فى الاختراع الخزعبلى اللولبى المهلبى فتيس الدى اس جى يا دوب تستلم العربيه و خمس الاف كيلو و اطلع غير فتيس دا لو عرفت تحقق ال 5000 ك

موضوع الطرنبه احنا كلنا جبنا الصينى لعربيه باسات مع خالى كانت ب 250 و شغاله لحد الوقتى زى الفل عملت معانا 2000 كيلو لحد الوقتى جرب و 175 جنيه مش فلوس

انا سألت علي الصيني لقيتها ب220
والأستيراد القلب بس ب175
والأستيراد اسلام جابها 350 جنيه

العربيه الالمانى يا باشا من وجهه نظرى تعمل فيها اى حاجه موتور عفشه اى حاجه لكن تيجى ناحيه كهرباء الفابريقه انسى يبقى ترمى العربيه بعدها ....... لانك ركييب و مش هتعرف تستمتع بيها بعد كدة هتكون مقلق منها بردو لكن اللى يركبها واحد اول مرة يشترى و عايز عربيه تمشى اول تانى تالت و خلاص عدادات شغاله مش شغاله مش فارقهالموتور مظبوط مش مظبوط مش مشكله طالما ماشيه خلاص

والله يا باشا الكهرباء بتاعتها انا مستعد اعيدها تاني من اول وجديد وخصوصا اني عندي الرسم التخطيطي بتاع الضفيرة بالكامل في الكتالوج وكمان المهندس ايهاب بعت الرسم بتاع الأبيزا تحديدا ومالقتش فرق بينه وبين بتاع البولو في الكتالوج
انا بس عايز كهربائي يراجعلي تاني علي الضفيرة واحدة واحدة من الكتالوج او الرسمة بتاعة المهندس ايهاب
مصطفي الكهربائي بتاع امبابة كان قايلي اروحله عشان يراجعلي عليها بس للأسف لحد دلوقتي ماروحتش
لكن انشاء الله في اقرب فرصة هروحله عشان بجد انا زهقت


و للحديث بقيه

---

شكرا ياباشا علي الرد
ومنتظر باقي حديث حضرتك

والله المستعان
،
،

اقتباس:

---

المشاركة الأصلية كتبت بواسطة acoal

السلام عليكم
اولا قلبى عندك وربنا يلهمك الصواب

ربنا يخليك يا باشمهندس

ثانيا انا بشكر قلمك المميز فى قسم سيات واللى بجد هفتقده لو انت غيرت لانى حاسس انك عايز تمشى بره القاره دى وتروح قاره تانيه

والله ياباشا فكرة تغيير القارة انشاء الله مستبعدة وهنروح من السيات فين ، باينها مكتوبالي

ثالثا بغض النظر عن موضوع العربيه دى اعتماديه ولا لا بشكل عام اللى انا شايفه ان الحاله وعمر العربيه بيحددوا حاجات كتير فى تقييم العربيه بدليل انى تقريبا لما اشتريت العربيه ملحقتش اعرف عيوب المكنه الاصليه سقطت مكنه على طول بس اقدر اقول ان تقريبا معظم الحاجات اللى فى العربيه فيها مشاكل زى فرش الباب اللى معظم كليبساته ضايعه والفتيس اللى محتاج اولسيه والرف بتاع الشنطه اللى كان رجل فيه مكسوره للمساعدين للعفشه للسنتر اللى مش موجود الخ
اللى انا بس عايز اوضحه ان الابيزا فيها تفاصيل كتير ومعظم اللى بيمتلك العربيه دى بيبقى بيشوف التفاصيل دى لاول مره فلو باظت منه اكره او ضاع منه مسمار بيكيف نفسه ويمشى بيها على كده بعكس عربيات تانيه كتير تحس ان الحاجه موجوده قدامك باستمرار وسعرها مناسب انك تشتريها ومش لازم تروحلها مشوار كبير
مثلا انا مشاكلى مع العربيه انها وسخه جدا من جوه والتراب موجود فى كل حته وفرش الكراسى فى قطوع والكراسى مبترجعشى لورا والشنطه فرشها مش مستوى وكنت عارف العيوب دى كلها وساكت وبقول هبقى اعملها ولانها بعيده عن الموتور كنت ماشى بيها وخلاص
انت كانت مشكلتك عكس كده وهى ان العربيه من جوه تمام بس الحوارات بتطلعلك فى الموتور وكده بس انا هقولك على نصيحه وفكر فيها كده يمكن تخليك تغير رايك
انا من 5 ايام ركنت العربيه قدام البيت وقفلت تليفونى ونزلت فكيت الكراسى والكنبه وفرش البيبان وكل حاجه ينفع تتفك فى العربيه وطلعتهم عندى الشقه وقعدت اغسل فيهم يوم كامل وطلعتهم فوق السطح وصلحت الفبره اللى فى الشنطه وخيطت الكراسى وظبطت فرش البيبان وغسلت العربيه من جوه وشحمت الكراسى وركبت العضاضه اللى كانت مش راكبه اصلا وغسلت كل حاجه تتوقعها ونشفتها كويس وجبت جلد وفرشت الارضيه بس مش كلها يا دوب تحت الكراسى وفى الشنطه ده غير انى حاطط دواسات وركبت كل حاجه هى اخدت 3 ايام شغل او اربعه مش فاكر بس تقريبا ده غير وجع الضهر والاصابات فى ايدى بس اقدر اقول انها بقت عربيه وكل ده لانى والدى ركب معايا قبلها باسبوع وقاللى عربيتك وسخه اوى ومتربه
الملخص المفيد
حدد مشاكل عربيتك ككل وحتى الحاجات اللى بتهيس حطها تبع الحسبه وشوف الموضوع يتكلف كام كله من وقت ومجهود وفلوس ورتب اولوياتك بس لما تصلح تصلح الحاجات المرتبطه ببعض كلها مع بعض يعنى طرمبه البنزين يبقى مش قلب وبس لا يبقى طرمبه كلها اسبراتير وكده يبقى كله بالفيش اللى بتهرب وهكذا
انا مقتنع ان العربيه ينفع تتلم حبه حبه لو انت بتظبط فى الشكل الخارجى لكن الميكانيكا لازم كلها على بعض
اسف على الاطاله وارجو انى اكون افدت

---

انا أحييك علي محاولتك ومجهودك
أنا نفسي افكك واركب زيك كدة بس ضيق الوقت والكسل مخليين الواحد مش بيعمل حاجة

انشاء الله انا حاطط جدول للعربية عشان اعملها مش اقل من 6 شهور انشاء الله

شكرا علي ردك ياباشا

والله المستعان
،
،

وصلت فين دلوقتي يا هندسة؟
طمني الله يكرمك

اقتباس:

---

المشاركة الأصلية كتبت بواسطة ehab_mansour

وصلت فين دلوقتي يا هندسة؟
طمني الله يكرمك

---

والله يا باشا انا لسة زي ما انا
والسبب اني مش لاقي عربية اخد منها وصلة
انا منتظر لحد لما عربية اخويا ترجع من عند الميكانيكي يوم الأثنين الجاي انشاء الله

وفي فكرة اقترحها عليا احد الأخوة الأعزاء من قسم اوبل
1- افك الطرمبة واجربها علي البطارية
2- لو اشتغلت اغطسها في بنزين واقلب اطرافها

بالطريقة دي هتشتغل عكس - يعني بدل ما هتشفط هتطرد - وبالتالي لو جواها اي اوساخ او شوائب او اي حاجة فكدة انا بنظفها وبنشطها شوية

قريبة اوي من الفكرة بتاعتك الي قولتلي عليها

مستني يوم الأتنين بفارغ الصبر

والله المستعان
،
،

اقتباس:

---

المشاركة الأصلية كتبت بواسطة syd

والله يا باشا انا لسة زي ما انا
والسبب اني مش لاقي عربية اخد منها وصلة
انا منتظر لحد لما عربية اخويا ترجع من عند الميكانيكي يوم الأثنين الجاي ان شاء الله

وفي فكرة اقترحها عليا احد الأخوة الأعزاء من قسم اوبل
1- افك الطرمبة واجربها علي البطارية
2- لو اشتغلت اغطسها في بنزين واقلب اطرافها

بالطريقة دي هتشتغل عكس - يعني بدل ما هتشفط هتطرد - وبالتالي لو جواها اي اوساخ او شوائب او اي حاجة فكدة انا بنظفها وبنشطها شوية

قريبة اوي من الفكرة بتاعتك الي قولتلي عليها

مستني يوم الأتنين بفارغ الصبر

والله المستعان
،
،

---

جميل ....توكل علي الله و ربنا يوفقك ولو محتاج اي حاجه كلمني و الله لو انت قريب مني كنت جيتلك و لكن ظروف شغلي و الوعكة الصحية اللي حكيتلك عليها تعباني شوية و الله الموفق

كان الله في عونك ياسيد باشا بص لو هتجيب قلب طرمبة جديد احب افكرك بالمشاركة دي
"سيد باشا,,,,حصل معاي نفس المشكلة بعد تركيب عوامة وتجربتها لأن عندي العوامة بايظة وشايلها المهم ان شاء الله الطرمبة مفيهاش حاجة ,,,حصل عندي نفس الموضوع ونزلت خبطت عالتانك من تحت وسمعت الطرمبة بتحضر بنزين لكن ده حل مؤقت لما رحت للكهربائي فكها ولقي ان الصنايعي نسي يركب فيشة صغيرة جوه الطرمبة مش هتشوفها من عندك طبعا إلا لما تفك القربة كلها (جواها قلب الطرمبة والعوامة) وركبت واشتغلت الطرمبة الحمدلله وطلعت سليمة(كنت غيرت قلبها قبل كده متجيبش الصيني اللي ب70 جنيه ديه ابداااا لأن زي ما acoal قال المنطقة دي من العربية اللعب فيها عايز صنايعي وغالبا حاجات بتبوظ من كتر اللعب فيها زي خراطيم دي بلاستيك قاسي من كتر التني الخرطوم بيتقطع وتعمله افيز كاوتش وحوارات او تلحمه طبعا اللي بيتنيه صنايعي المفروض فاهم ويقلك مش هيحصل حاجة لكن بالعقل ده مش خرطوم طري ميحصلوش حاجة التني بيعلم عليه ويعمل تنيات فيه مع الوقت بتسرب بنزين ممكن تغرقه مياه دافيه تطريه شويه قبل الفك والتركيب) غير جوان القربة (دائري حول القربة) لازم يبات في مكانه كويس عشان تفول معاك ومتنزلش بنزين عالتانك ومنه للارض وريحة بنزين تقلبلك العربية قلب الطرمبة انا جبته زي اللي فيها vdo وبالمناسبة هي نفس الشركة اللي مصنعة عدادات العربية وبتاع باسات يعني البار بتاعه ميقلش عن 3.0 وب300 جنيه من الصفا فرمسيس مش فرمسيس الميدان في منطقة محيطة به وهي شكلها اصلي ومبرشمة بس صنع الصين ساعتها كنت جايب قلب بوش لون كرتونته اصفر ب400 جنيه مضروب والبشمهندس رشاد الكهربائي قاللي ارجعه لأنه مش اصلي وجبت الvdo من الصفا رمسيس او الصفوة مش فاكر اسمه بس هو فرمسيس المنطقة المحيطة(هحاول اشفلك الكارت) فمتسترخصش لو احتاجت تغيير قلب الطرمبة عشان كتر اللعب فالمنطقة دي ممكن يبوظلك عوامة او خراطيم بنزين (راجع,رايح,بخر بنزين) بس انا متفائل انها زي عندي سلكة فالته من ترمل كده فالقربة لما تفكها هتشوفها راكبه او لأ ,لو طلعت راكبه يبقي للاسف احتمال كبير الطلمبة ودعت,ده موقع شركة VDO فيه معلومات عن البار اللي محتاجه كل موتور فالطلمبة واكيد هيفيد بعد كده http://www.vdo.com/generator/www/com...e/home_en.html
"

اقتباس:

---

المشاركة الأصلية كتبت بواسطة ehab_mansour

جميل ....توكل علي الله و ربنا يوفقك ولو محتاج اي حاجه كلمني و الله لو انت قريب مني كنت جيتلك و لكن ظروف شغلي و الوعكة الصحية اللي حكيتلك عليها تعباني شوية و الله الموفق

---

ربنا يبارك فيك يا باشمهندس
انا بس مقيد شوية بموضوع البطارية دة وللأسف عربية اخويا بعد الميكانيكي بتاعه ماجاب الفتيس امبارح طلع مش كويس ورجعه وهيجيب لسة يوم الأتنين واحد تاني فبالتالي يمكن عربيته تتأخر لحد يوم الثلاثاء وبالتالي انا مس هقدر اعمل حاجة قبل يوم الأربعاء انشاء الله

والف سلامة عليك وربنا يقومك بالسلامة

والله المستعان
،
،

اقتباس:

---

المشاركة الأصلية كتبت بواسطة windofchange

كان الله في عونك ياسيد باشا بص لو هتجيب قلب طرمبة جديد احب افكرك بالمشاركة دي
"سيد باشا,,,,حصل معاي نفس المشكلة بعد تركيب عوامة وتجربتها لأن عندي العوامة بايظة وشايلها المهم ان شاء الله الطرمبة مفيهاش حاجة ,,,حصل عندي نفس الموضوع ونزلت خبطت عالتانك من تحت وسمعت الطرمبة بتحضر بنزين لكن ده حل مؤقت لما رحت للكهربائي فكها ولقي ان الصنايعي نسي يركب فيشة صغيرة جوه الطرمبة مش هتشوفها من عندك طبعا إلا لما تفك القربة كلها (جواها قلب الطرمبة والعوامة) وركبت واشتغلت الطرمبة الحمدلله وطلعت سليمة(كنت غيرت قلبها قبل كده متجيبش الصيني اللي ب70 جنيه ديه ابداااا لأن زي ما acoal قال المنطقة دي من العربية اللعب فيها عايز صنايعي وغالبا حاجات بتبوظ من كتر اللعب فيها زي خراطيم دي بلاستيك قاسي من كتر التني الخرطوم بيتقطع وتعمله افيز كاوتش وحوارات او تلحمه طبعا اللي بيتنيه صنايعي المفروض فاهم ويقلك مش هيحصل حاجة لكن بالعقل ده مش خرطوم طري ميحصلوش حاجة التني بيعلم عليه ويعمل تنيات فيه مع الوقت بتسرب بنزين ممكن تغرقه مياه دافيه تطريه شويه قبل الفك والتركيب) غير جوان القربة (دائري حول القربة) لازم يبات في مكانه كويس عشان تفول معاك ومتنزلش بنزين عالتانك ومنه للارض وريحة بنزين تقلبلك العربية قلب الطرمبة انا جبته زي اللي فيها vdo وبالمناسبة هي نفس الشركة اللي مصنعة عدادات العربية وبتاع باسات يعني البار بتاعه ميقلش عن 3.0 وب300 جنيه من الصفا فرمسيس مش فرمسيس الميدان في منطقة محيطة به وهي شكلها اصلي ومبرشمة بس صنع الصين ساعتها كنت جايب قلب بوش لون كرتونته اصفر ب400 جنيه مضروب والبشمهندس رشاد الكهربائي قاللي ارجعه لأنه مش اصلي وجبت الvdo من الصفا رمسيس او الصفوة مش فاكر اسمه بس هو فرمسيس المنطقة المحيطة(هحاول اشفلك الكارت) فمتسترخصش لو احتاجت تغيير قلب الطرمبة عشان كتر اللعب فالمنطقة دي ممكن يبوظلك عوامة او خراطيم بنزين (راجع,رايح,بخر بنزين) بس انا متفائل انها زي عندي سلكة فالته من ترمل كده فالقربة لما تفكها هتشوفها راكبه او لأ ,لو طلعت راكبه يبقي للاسف احتمال كبير الطلمبة ودعت,ده موقع شركة VDO فيه معلومات عن البار اللي محتاجه كل موتور فالطلمبة واكيد هيفيد بعد كده http://www.vdo.com/generator/www/com...e/home_en.html
"

---

الصفوة في شارع اسمه سليمان الحلبي
وفاتح علي الشارع برة امام السنترال

انا عارف الجوان الي بتقول عليه بس انا الجوان عندي منه فيه في الغطاء المدور ابو 3 مسامير

انت جربت القلب ابو 300 جنيه ال VDO دة ؟؟؟ ولا مجرد قابلته وماشتريتش ؟؟؟

انا دخلت علي موقع vdo ودي الصفحة الي لقيت فيها الكلام دة
VDO Webcatalog#

شكرا يا ايهاب باشا
وانشاء الله هشوف موضوع الطرمبة دة وارد عليكم

والله المستعان
،
،

بالفعل جربت الطرمبة الvdo وشغالة كويس بس شكلها كده هتحتاج تتغير قريب لأني معنديش مؤشر بنزين شغال ف4مرات تقريبا العربية فضت مني بنزين ودورت وهي فاضية وده غلط عالطرمبة علي مااسمع والسحب دلوقتي بتاع العربية بقيت انقل غيار علي 4 rpm لأن في lag بيحصل وصوت الموتور بيعلي من غير سحب وده ممكن يخليني اعمل حدثة خصوصا اني بجري علي 100 كتير فالبلد (اعتقد ده يافلتر بنزين ياطرمبة بنزين) وبيكشف علي قوتها وضغطها ك bar ميقلش عن رقم معين تبقي هي كده سليمة(بيركب عداد مطرح مخرطوم البنزين داخل عالرشاشات وتفتح كونتاكت)انا شفت رشاد الكهربائي بيعملها ,,,الجوان اللي في الغطاء 3 مسامير مش ده اللي اقصد عليه المقصود هنا جوان عامل ظي علبة الطعمة مثلثات بس اللي 32 قطعة او ال24 قطعة في سمكة بس قطره اكبر (قد الطرمبة مش قلبها لأ الحاوية البلاستيك اللي راكب فيها القلب)وده راكب فحاوية البلاستيك بيبان لما تفكها(بتتلف زي غطاء الزجاجة) عشان تغير قلب الطرمبة او تغير العوامة ولا اي اصلاح فالمنطقة دي

اللينك اللي انت حطه ياسيد باشا مش موضح غير موديلات العربيات اللي نزل فيها الvdo في حاجة تانية موضحها وانا مش واخد باللي ولاايه؟ ودخلت عليه ازاي ده بيدخل عليه ب username و كده ؟ :)

اقتباس:

---

المشاركة الأصلية كتبت بواسطة windofchange

بالفعل جربت الطرمبة الvdo وشغالة كويس بس شكلها كده هتحتاج تتغير قريب لأني معنديش مؤشر بنزين شغال ف4مرات تقريبا العربية فضت مني بنزين ودورت وهي فاضية وده غلط عالطرمبة علي مااسمع والسحب دلوقتي بتاع العربية بقيت انقل غيار علي 4 rpm لأن في lag بيحصل وصوت الموتور بيعلي من غير سحب وده ممكن يخليني اعمل حدثة خصوصا اني بجري علي 100 كتير فالبلد (اعتقد ده يافلتر بنزين ياطرمبة بنزين) وبيكشف علي قوتها وضغطها ك bar ميقلش عن رقم معين تبقي هي كده سليمة(بيركب عداد مطرح مخرطوم البنزين داخل عالرشاشات وتفتح كونتاكت)انا شفت رشاد الكهربائي بيعملها ,,,الجوان اللي في الغطاء 3 مسامير مش ده اللي اقصد عليه المقصود هنا جوان عامل ظي علبة الطعمة مثلثات بس اللي 32 قطعة او ال24 قطعة في سمكة بس قطره اكبر (قد الطرمبة مش قلبها لأ الحاوية البلاستيك اللي راكب فيها القلب)وده راكب فحاوية البلاستيك بيبان لما تفكها(بتتلف زي غطاء الزجاجة) عشان تغير قلب الطرمبة او تغير العوامة ولا اي اصلاح فالمنطقة دي

---

عرفت الجوان الي انت تقصده
عامل زي غطاء الجركن بس لونه رصاصي

انشاء الله هفك واجرب في اقرب فرصة

ويارب اعرف اصور واعمل بيها تقرير

والله المستعان
،
،

اقتباس:

---

المشاركة الأصلية كتبت بواسطة windofchange

اللينك اللي انت حطه ياسيد باشا مش موضح غير موديلات العربيات اللي نزل فيها الvdo في حاجة تانية موضحها وانا مش واخد باللي ولاايه؟ ودخلت عليه ازاي ده بيدخل عليه ب username و كده ؟ :)

---

يا باشا امشي خطوة خطوة مع اللينك هيوصلك للي انت عايزه

اختار سيات
بعدها ibiza mkII (6K1)
بعدها تختار الموتور 1.4i
بعدها تفتح الفئة الي انت عايزها وهي fuel supply system
وبعدها تفتح منها fuel pump
وبعدها تختار بردو fuel pump
هتلاقي الطرمبة بتاعتنا

ودة لينك بالمعلومات التكنيكال بتاعتها أضغط هنا

وعلي العموم هي 1.2 بار وبتركب علي عربيات كتير جدا سيات وفولكس بالمواتير من 1.0 لحد 2.0
بتركب علي كل الأبيزا (الأنجيكشن طبعا) والتوليدو والقرطبة
والجولف من اول 3 والبولو والباسات

والله المستعان
،
،

محمد باشا سيد .. واحشنى والله يا مان
بص يا سيدي .. أنا كنت مغير طرمبة بنزين العربية قريب .. وغيرت القلب علطول من طرمبة استيراد
وانا انصحك تعمل كده .. هتوفر على نفسك فلوس والأداء انشاء الله يبقى كويس
وانا مانصحكش بموضوع الطرمبة الصينى دي لأنها غالية وبرضه صينى .. مش هيبقى زي الألمانى أو الأسبانى أبدا
وانا وقت ماكنت بغير كل الصنايعية خوفونى من الصينى وقالولى انها بتضرب علطول
فرأييى يا اما تغير الفلب استيراد أو تجيبها كلها استيراد لو لقيت الفرق مش كبير .. شوف كد وقرر
وربنا يصلحلك حال العربية .. ونشوفك على خير قريب باذن الله

اقتباس:

---

المشاركة الأصلية كتبت بواسطة gomaro2

محمد باشا سيد .. واحشنى والله يا مان
بص يا سيدي .. أنا كنت مغير طرمبة بنزين العربية قريب .. وغيرت القلب علطول من طرمبة استيراد
وانا انصحك تعمل كده .. هتوفر على نفسك فلوس والأداء إن شاء الله يبقى كويس
وانا مانصحكش بموضوع الطرمبة الصينى دي لأنها غالية وبرضه صينى .. مش هيبقى زي الألمانى أو الأسبانى أبدا
وانا وقت ماكنت بغير كل الصنايعية خوفونى من الصينى وقالولى انها بتضرب علطول
فرأييى يا اما تغير الفلب استيراد أو تجيبها كلها استيراد لو لقيت الفرق مش كبير .. شوف كد وقرر
وربنا يصلحلك حال العربية .. ونشوفك على خير قريب باذن الله

---

ربنا يخليك يا احمد بيه علي النصيحة
انا فعلا فكرت في الموضوع دة بس الميكانيكي مخوفني مش عارف ليه من الطرمبة لوحدها من غير العوامة

وايهاب بيقولي اجيبها vdo من الصفوة ب300 جنيه

تفتكر vdo هي كمان مضروبة ؟؟

والله المستعان
،
،

الموضوع اتحل بتغيير الطرمبة بأخري جديدة صيني
جبتها من فتح الباب في الحرفيين
وغيرتها بنفسي بمساعدة من المهندس ايهاب منصور واحنا واقفين جمب المحل
والحمد لله الأداء مرضي

اقتباس:

---

المشاركة الأصلية كتبت بواسطة SYD

الموضوع اتحل بتغيير الطرمبة بأخري جديدة صيني
جبتها من فتح الباب في الحرفيين
وغيرتها بنفسي بمساعدة من المهندس ايهاب منصور واحنا واقفين جمب المحل
والحمد لله الأداء مرضي

---

يا عمونا سيد .. انت من الاول خالص دخلت نفسك في متاهات .. و هي زي ما ايهاب قالك 1+1=2
و الدفيرة يمكن بايظة و مش عارف ايه .. كان ممكن تتاكد انك تجيب طرمبة من حد و تجرب و تريح دماغك
انت عارف ان عيوب الدفيرة ما بيكشف عليها غير باجهزة معينة بتعرفلك العيب فين بالظبط في الدفيرة
دي حوارات يا عمونا امال انت فاكر ايه .... انت وهمت نفسك على قلة فايدة .. المهم ان النتيجة في الاخر انك صلحت العربية و بقت تمام
عاوزك بقا زي الشاطر كدا يبقا معاك في عربيتك احتياطي الادوات الاتية :
1- مشترك توصيل
2- جهاز فاحص دفيرة
3- بطارية جديدة احتياطية
4- طرمبه جديدة
5- اسبراتير جديد و موبينة
6- عربية ابيزا جديدة .... هههههههههههههههههه

حبيبي يا ابو السيد اوعى تزعل مني انا بحب ارخم على اصدقائي :grinder:
مبروك تصليح السيارة يا كبير :Bravo:

يا باشا انت قريت نص الموضوع بس ولا ايه ؟؟؟
مانا قايل اني مجرب بطرمبة ايهاب اسماعيل ومجرب بطرمبة جولف 4
وفي الأخر خالص اشتريت طرمبة جديدة
وبالفعل انا بمشي بعربيتي وفيها بعض قطع الغيار وكام حتة عدة
ان شاء الله رب العالمين - هشتري موبينة وامشي بيها احتياطي معايا تحسباً لأي drop

تحياتي
:bye2:

اقتباس:

---

المشاركة الأصلية كتبت بواسطة syd

يا باشا انت قريت نص الموضوع بس ولا ايه ؟؟؟
مانا قايل اني مجرب بطرمبة ايهاب اسماعيل ومجرب بطرمبة جولف 4
وفي الأخر خالص اشتريت طرمبة جديدة
وبالفعل انا بمشي بعربيتي وفيها بعض قطع الغيار وكام حتة عدة
ان شاء الله رب العالمين - هشتري موبينة وامشي بيها احتياطي معايا تحسباً لأي drop

تحياتي
:bye2:

---

الحمد لله يا باشا انك عملتها و خلص منها .. ده العربيات دي صدااااااااااع و خنيقة
ربنا يستر طريقنا و طريقك يا ابو السيد
لك خالص التقدير و التحية