ازيكم يا جماعة .. عاملين ايه .. واحشني قوي واللهِ العظيم ..

تعالوا نبدأ بـ الموضوع بقى كفاية سلامات لحد كده هههههههههههه ..

من ساعة الموضوع ده : http://www.nilemotors.net/Nile/265510-a.html

و كمان ده بتاع ملك الاكسسوارات بيشوي بيه < peaceman > :
http://www.nilemotors.net/Nile/268455-a.html


و قاعدت افكر انني عمال اتاخر اتاخر اتاخر .. الناس كلها عمالة تركب حاجات حلوة و أنا جنب الحيط .. فقلت لاااااااااااا ....

المهم دماغي شخللت على موضوع السماعات ده لأن فعلا السماعات مش اد كده لكن الكاسيت محترم جدا اللي هو

kenwood kdc -3347


قصة التركيب ..


كنا في آخر مقابلة مش فاكر امتى < بصراحة من كتر المقبلات الجميلة اللي بتتعمل > .. المهم رسيت علينا أنا و عمرو بيه < amr2004ibm> ..فـقلنا نخرج مع بعض شوية .. فقعدنا نفكر كتييييييييير نروح فين ..

المهم قررنا نروح ادريان اللي في جامعة الدول < الفرع الرئيسي > .. فقعدنا نسمع من الراجل كلااام كتييييييييييييير .. المهم في الآخِر اقتنعنا إن السوني طبعا بيضاوي مش مدور احسن حاجة دلوقتي مع إن عنده كل حاجة pioneer و kenwood ..

في طبعا في الآخِر .. مشينا هههههههههههههه .. معملناش حاجة ...................

و كملنا خروجة و روحنا جاد بتاع الاكل و كلنا و ظبطنا الدنيا و كل حاجة الحمد لله ..

روحنا من هنا .. وانا دماغي مش هادية من هنا .......

التركيب ........

بعديها كده بـ اربع ايام .. قلت اروح اركبهم .. فتوكلت على الله و قلت إيه فيها لاخفيها هههههههههههههههه .. رحت على هناك و قلتله توكل على الله ..

نوع السماعات :
نوعها زي ما باين : sony xplod xs-gtf 6937
ديه سمعت 3 واي و ديه تعتبر أعلى حاجة بس 4 واي انقى شوية صغنين قوي بس مش محسوسة ..
60w..rms : و ده نسبة الوات اللي بيطلعها الكاسيت للسماعات .. بس الكاسيت بيطلع 50w..rms هتقولي ده كده السماعات اقوى من الكاسيت .. أيوه بس range اللي مسموح بييييييييه ..

دول اهم معلومات المفروض تاخد بيهم في أي سماعة ..
للمعلومة : ده كلام amr2004ibm بصراحة فادني قوي قوي قوي ربنا يكرموا و فعلا فوق كل زي علم عليم ..

مراحل تركيب السماعات < اسيبكم مع الصور > :

قبل ماتشوفه الصور عايز اقولكم إن السماعات 400 watt بيضاوي فلازم كان يقطع في الصاج

يلا بقى :









شكل السماعات بعد التركيب





الحساب :
350 بعد الفصال بـ التركيب و كله ..


رأي بقى الشخصي

بصراحة أنا لم اتوقع إن الصوت يبقى بـ الجمال ده و القوة ديه .. بجد ما شاء الله عليهم حاجة تانية خالص غير اللي راكبين في العربية

ملحوظة : أنا مش عايز ابيع القدام ههههههههههههه < فاهمني طبعا > ..


إيه ده إيه يا جماعة الصورة ديه !!!!!!!

أنا اقولكم ده الواد اللي كان عايز يمسح العربية و هي بتتعمل المهم قعد يزن .. المهم قلتله يعملها ..

في شافني وانا بصور الدينا و كده .. في قالي أنا نفسي اشوف نفسي لمرة واحدة في الكاميرا قلتله ايييييييييييه !!!!!!!!!
قال لي فعلا أنا عمري محد صورني و شفت نفسي كده كلي على بعضي ..

صعب عالية اوييييييييييي الواد ده و قلت ياااااااااااااااه الواحد فعلا في نعمة الواحد مش حاسس بيها ..

الواحد فعلا مرتاح و ربنا كرمه بحاجات كتيييييييييييير قوي محدش كان يتخيلها إنها عنده غير لما يشوف يا قلبي واد مايعديش 10 سنين عمال يمسح في عربيات في عز التلج و عمره ماشاف نفسه عامل ازاي و نفسه يشوف شكله ..

و الواحد رايح يركب سماعات و فرحان اويييييييييييييي .. و فيه ناس ياعيني مش لاقية تمن كرتونة السماعة تنام عليها حتى ..

معلش أنا نكدت علكم شوية ..
بس قوله الحمد لله على النعمة الاحنا فيها ..

 و مهما كان الإنسان في مشاكل ميزعلش .. لأن في ناس اقل منه كتيييييييييير و مشاكل و همووووم لا تعد ولا تحصى ..

ربنا يدمها علينا نعمة و يحفظها من الزوال .......

يا رب يكون التقرير عجبكم ..

اخوكم في الله الدكتور الصغنن أحمد ..