المصرية للسيارات

**MICRO** · 03-06-2008 03:47 PM

هل صحيح أن المصرية للسيارات بتقسط على خمس سنوات بدون فائدة ؟
لو حد سأل أو جرب ياريت يقول أيه الموضوع

**HESHAM AMIN** · 03-06-2008 04:00 PM

با راجل انت بتصدق كلام الجرايد
المصرية شغالة مع سيتى بنك
كفاية كلمة سيتى بنك وانت تعرف

**Islam_galal** · 03-06-2008 04:16 PM

المشاركة الأصلية كتبت بواسطة HESHAM AMIN

با راجل انت بتصدق كلام الجرايد
المصرية شغالة مع سيتى بنك
كفاية كلمة سيتى بنك وانت تعرف

+1
و بعدين المصرية سمعتها مش قد كده ، هما بيتساهلوا في الورق شوية ، هي دي الميزة الوحيدة

**hazem_khidr** · 03-06-2008 04:28 PM

المصريه كل كلمهم هلامي و مش بتاخد منهم حق ولا باطل
و اسوأ شركه في التقسيط و بياخدوا فلوس كتير.
عليك و علي كونتاكت او عبد اللطيف جميل او لو عاوز بنك يبقي باركليز

**som3aa** · 03-06-2008 05:17 PM

هل صحيح أن المصرية للسيارات بتقسط على خمس سنوات بدون فائدة ؟

منغير سؤال لا طبعا
دول لو عندهم سنة بدون فوايد يبقى ممتاز و اكيد معندهمش (لانهم موزع يعنى بيدفعوا تمن العربية و بيحطوا عليه مكسبهم فلو قسطوا باقى التمن على سنة واحدة بس فلوسهم هتبقى متعلقة يعنى تدفع مبلغ و تسترده بعد سنة اكيد لأ لان قيمة الفلوس بتقل جامد اوى فى مصر.
انسى اى تقسيط منغير فوايد فى مصر الا فى سلعة مش عارفين يبيعوها و عايزين يخلصوا منها

**karimalaa** · 03-06-2008 08:04 PM

معندهمش تقسيط بدون فوائد و أسعار التقسيط اللي فالجرايد كلها غلط وكذب و ده عن تجربة في الباليو كان مكتوب أقل قسط 538 ده لو حتدفع مقدم 10% و احنا دفعنا مقدم حوالي 75% و القسط كان 620 على خمس سنين بس الحمد لله ربنا تاب علينا و سددنا تمنها عشان لو كملنا قسط كانت حتفرق حوالي 16ألف فايدة!!!!!!! و حرمنا نجيب حاجة قسط بعد كده و أنصح الجميع بكده الا لو كان واثق فاللي بيقسط من عنده.

**goodwave** · 04-06-2008 11:01 AM

المصرية حرااااااااااااااااااااااا ااااااامية ..... كلام جرايد وفوائد عالية ......... وإشتغالات في التأمين
بنك إسكندرية محترم بيقسط على خمس سنين بدون مقدم وفايدة 7.2% بس لازم تحويل مرتب وقيمة القسط بتوصل لحد 50% من المرتب

بس إبعد عن الحرامية قصدي المصرية