صيانه 10000 للافيو الاوتوماتيك ومشكله التزييييييييييق
روحت انا يوم الجمعه 2-3-2012 عشان اعمل صيانه ال 10000 واقلهم على مشكله التزييق مع انى عارف
وناس كتير قلتللى حاول تتكيف
المهم روحت التوكيل اللى فى رابعه العداويه مدينه نصر
روحت الساعه 8.30 قابلنى مهندس الاستهبال ( مش مهندس الاستقبال ) :)
وقلتله على اانى عايز اعمل صيانه ال 10000
وقلتله على مشكله التزييق ان العربيه بتزييق من وراء
وقلى بتزيق من وراء وافيو كأنو مثلا اول مره يسمعها
المهم روحت قعت فى الاستراحه ومستنى
الساعه 10.30 كده قلولى العربيه خلصت روح ادفع
ماشى ياعم ندفع
كام يابرنس
قلى 200 ج صيانه ال 10000
وادفع 18 ج عشان الشحم + والمياه
استغربت الصراحه قلت ماانا بدفع ال 200 ج دول ليه مدام بدفع تمن الشحم حاجه قذره يعنى
انه يدفعك 18 ج عشان شويه شحم
المهم دفعت فين العربيه ياعم
قلى بره اتفضل ياباشا كان صنيعى قلى ظبطلك ومش عارف ايه واى حوار بيتقال
عشان اغمزه باى حاجه
المهم استلمت العربيه يامسهل بدور واجرب بقى هتزيق ولا لا
اول مطب مفيش نزييق قلت اشطا ده فرجت اهى بس انا عربيتى مكنتش بتزيق من المطبات قوى يعنى
قلت اجرب مطلع كده العربيه تميل فيه لانها لاما بتميل بتزييق
يالا نطلع المطلع هوووب التزييق ظهر يافرج الله
قلت ارجع اقلهم
مع انى مش عارف اازى يسلموك العربيه من غير ميجربوها اساسا
االمهم روحت هناك الصنيعى قبلنى قلى اازى ياباشا لا يمكن وبتاع
قلتله ياعم طيب تعالى معايا
جيه معايا قلى مالمطب اهو وزى الفل
قلتله اطلع الطلعه ديه كده
طلع الطلعه راحت مزييقه راح تنج
المهم قلى طيب انزل كده نبص يمكن الشنطه فيها حاجه قلتله ماشى قعد يبص وبتاع
وجرب برده زى ماهيه قلى نرجع بقى المركز ونكلم المهندس هناك
ماشى ياعم
روجت اطلعتلى هناك ربع ساعه محدش عبرنى رحت للراجل بتاع الاستقبال ياعم الحج عايز مهندس او اى حد يجرب قلى حاضر عشر دقايق كمان جالى المهندس قلتله المشكله زى ماهيه قلى طيب نجرب
نفس الحوار لقى تزييقه قلى يراجل التزييقه ديه امرها سهل
كنت عايز اقله كلمه قبيحه مدام امرها سهل متعملتش فى ام الصيانه ليه
قلتله طيب اتفضل قلى المشكله وحلها
قلى طيب استنى
راح فاكك الكنبه اللى وراء وقلى يالا نجرب صوت التزييق اختفى
قلى مش قللتلك الموضوع بسيط
قلتله يعنى انا همشى بالكنبه مفكوكه ده الحل يعنى :)
قلى لا طبعا راح مركب الكنبه تانى راح رجع التزييق
قلى يبقى المشكله من هنا
قلتله طيب عايز حل فى السريع
قلى فى السريع مفيش
قلتله مش فاهم
قلى المشكله ان عندك الكنبه بتحك فى العربيه لاما العربيه بتميل بسيط
قلتله طيب يعنى اعمل ايه
قلى اطلع على فرع الهرم هناك يحلوهالك
قلتله اشمعنا يعنى
قلى اصل معندناش هنا سورجى وهناك فيه هيحللك المشكله
قلتله طيب اروح عند اى سوروجى يعملهالى بره وخلاص
قلى براحتك بس روح هناك اضمن وتوكيل وعشان الضمان وكده
قلتله طيب متشكرين ياعم
قلى العفو
واتكل على الله
ملاحظاتى بقى
من الاخر التوكيل بيسيب العربيه للصنيعيه وهما يعيشو معاها والمهندس ولا بيستلم اى حاجه ولا بيجرب حاجه هو من الاخر موجود عشان لاما تستلم العربيه وتكتشف انت ان فيها حاجه مش متظبطه يعملهالك
والحاجه التانيه لاحظت ان كل العملاء اللى كانو معايا واقفين مع عربياتهم جوه الورشه وفى الاغلب بيظبطو الصنيعيه عشان يظبطو العربيه مع ان فيه ورقه قد كده ممنوع اى عميل يخش الورشه الا لو معاه المهندس
الحاجه الاخيره اللى لحظتها ان الصنيعيه هناك عايزين اكراميات عشان الدنيا تمشى ويظبطلك العربيه
حاسس انى فى ورشه مش توكيل والله
بس عماتا يعنى الوضع مش سيىء يعنى معقوله
واهو الواحد عرف التزييق منين ويارب لاما اروح فرع الهرم تتحل المشكله
ومعلش لو طولت عليكم بس قلت يمكن حد يستفاد من اللى قلته
