امبارح كان يوم من اجمل الايام
ومقابله من اجمل المقابلات اللي حضرتها
واخص بالشكر اخي وحبيبي سمير الشهاوي اللي قطع القاهره بالعرض مرتين علشاني
علشان ياخدني من بنزينه الامارات وعلشان يرجعني وهو تعبان ومشغول ومطحون في تنظيم المقابله
وبشكر كريم فوزي علي مجهوده الكبير
والناس الكتير اللي اتشرفت بيهم لاول مره
الكبير ايمن احمد اللي سالته انت اسمك ايه 12 مره مع انه كان قاعد جنبي من اول المقابله استحملني وقالي اسمه كل مره هههههههه
مع انه كسل يضيفني علي الماسينجر هههههه
والبرنس احمد حمزه الجميل صاحب الابتسامه الطيبه اللي ما اسعفنيش الوقت اني اقعد معاه كتير
بس برضه قعدت معاه واتشرفت بيه
وجزيل الشكر للراجل اللي تعب معانا واستحملنا هشام باشا رمضان اللي اول ما شوفته حسيت اني اعرفه من زمان
وكانه اخ اكبر ليا او ابن خالي او قريبي اللي مشوفتهوش من زمان
او واحد معرفهوش برضه هههههههه(حبيبي يا هشام بيك)
والناس الكتير اللي اول مره اشوفهم
ونظرا لضيق الوقت وكثافه برنامج المقابله مقدرتش اقعد معاهم واتعرف عليهم بشكل اقرب
====================
نيجي بقي للناس الي اعرفهم من قبل كده
احمد مصطفي وسونا ستيل ووليد عادل وجروب نيسان الجميل
كنتم واحشينني كلكم والله واتبسطت اني شوفتكم
وطبعا مش حقول احمد مصطفي اللي كنت زعلان منه اتعاتبنا واتصافينا ازاي علشان منتوقفش انا وهو وكريم (باماره ال10 جنيه) ههههههه
====================
حبيبي محمد غزالي : الف شكر ليك انك سيبت شغلك واتاخرت عليه علشان تيجي تسلم علينا وتقعد معانا
ربنا يديم المعروف
====================
كريم منير : كنت واحشني اوي وبقالي كتير مكلمتكش وانا مهما اتكلمت مش حويك غلاوتك عندي
======================
الحاج احمد مشعل : يعني هو مفيش حاجه ممكن توصفه بصراحه
بس مختصر الكلام كده
من كتر كرمه وجود اخلاقه وطيبته
ممكن لو الحيت عليه شويه يديلك مفاتيح عربيه ويتنازلك عنها
ربنا يديم المعروف ويكتر من امثالك يا حاج احمد ويزيدك من كرمه
=========================
الساده ممثلي فالفولين وtts
مليون شكر علي عروضكم الجميله للمنتدي
ومنتجاتكم اللتي لا تعوض

مليش انا في الرسميات بقي
انتم ناس زي العسل وانا اتشرفت بيكم وكملتم جمال اليوم بوجودم وعروضكم الجميله
وروحكم العطره
واهلا بيكم اخوه لينا وسط اسره نايل موتورز
=================================
اسف لو نسيت ذكر حد بعينه
بس فيه فعلا ناس ما اسعفنيش الوقت اني اقعد معاهم بس اكيد الجايات اكتر ومش حسيبكم في حالكم
انا لسه صاحي من النوم وواخد دور برد معتبر بصداع
فسامحوني لو حصل سهو مني

مع كامل احترامي وشكري وتقديري لكل من حضر المقابله
ا

اخوكم :
محمد الشنوري