ياريت حد يشرحلنا الفاميه وأسعاره وتركيبه وهل هو مخالف للقانون وإيه أسعاره وأنواعه وأضراره وفوايده ولو جيت تحوشه تانى بيسيب أثر ولا لا ؟؟؟؟؟؟؟؟
عرض للطباعة
ياريت حد يشرحلنا الفاميه وأسعاره وتركيبه وهل هو مخالف للقانون وإيه أسعاره وأنواعه وأضراره وفوايده ولو جيت تحوشه تانى بيسيب أثر ولا لا ؟؟؟؟؟؟؟؟
أنا هارد عليك في جزئيتين.. المخالفة وهو مخالف فعلا.. والتانية، إنه بيتشال عادي من غير مشاكل
هو ضرره ان الرؤية بتكون مش كويسة فى الضلمة او النور فى الشارع ضعيف .. حيضايقك شوية وانت بتركن
ولو نظرك ضعيف يبقى ابعد عن الدرجات الغامقة ... لكن للامانة مع التعود المشكلة دى بتنتهى
....
مخالف للقانون وبيتسحب الرخص لو وقفت فى لجنة وبتروح المرور تفحص وتدفع وتستلم الرخص
...
فوائده بتبان بالنهار علشان الشمس .. دة غير الخصوصية ... دة غير انه شكله بيكون حلو على العربية
....
اسعاره بتكون فيه حدود 60 جنيه للعربية كلها بالتركيب
......
لو فى مرة شيلته مش بياثر على حاجة
......
لا انصحك بتركيبه علشان المرور ولو مزنوق اوى ركب ستاير كبس علشان بتتشال بسهولة لو داخل على اى لجنة
حتي الدرجة الخفيفة اوي . ممنوع ؟
هو كله ممنوع بس دلوقتى عااادى اخف درجه الى هى l l black والى بعدها انا مركبها عندى l black وديه حلوه برضه ومركبها فى الازازين الى قدام وورا ستاير وبعد الدرجه ديه فى black وديه الى بتنزل فبريكه فى العربيات زى الكارينز وبعدهم فى الالترا دارك وديه صعب انك تشوف منها باليل وبعدها فى السوبر دارك وديه اكنك فى شقه مفروشه بالظبط مش بتشوف منه حاجه خااااااااااالص لا جوه والا بره
بالنسبه للاسعار الرول بيبدا من 8 جنيه وديه فى التوفيقيه وفى درجات دلوقتى هتلقيها مش موجودده علشان خلصت زى الدارك وكل الى موجود صينى وبالنسبه للاسعار حسب السياره يعنى لوكبيره زى الالنترا او هوندا يتكلف 80 جنيه لكله بشماسه قدام لو عربيه اصغر شويه يعنى فيرنا لانسر دايو 60
ولو ناوى الايام ديه شدو شويه فيم قدام وورا ستاير كبس
يعنى دلوقتى اذا ركبت لايت لايت بلاك او لايت بلاك فيهم مشكله فى مرور اول
وثانيا دول ينفع اشوف منهم بيلي من غير ما اقض حتى فى الازاز الامامي علشان مرايا وكدة وشكراااااا
هوه اللى بيكون مكتوب على علبته رقم 4 ده بلاك ؟
انا كنت مركب دارك بلاك و كان تحفة .. و لو اتعودت علية مش هيفرق معاك بالليل.. دلوقتي مركب لايت بلاك و هشيلة تاني
المرور دي انت و حظك بصراحة .. ممكن تعدي من غير حاجة و ممكن يقولك شيلة دلوقتي و ممكت تتسحب الرخص وتدخل فحص .. على حسب اللي قدامك