المشاركة الأصلية كتبت بواسطة moe86
بص يا عم أحمد
1- حتة إنها أكبر منك دى تخليك تعيد تفكيرك أكتر من مرة, لأن بعد كدة لما يبقى عندك 40 سنة إن شاء الله و حاسس إنك لسة شباب هى مش هتكون بنفس الشعور فى السن دة, ولو إقتنعت 100% إن مفيش مشكلة خش على رقم" 2"
2- إتقل ثلاث شهور على الأقل قبل ما تاخد أى قرار و إعتبرها فرصة حلوة جدا ليك إنك تعرفها أكتر على مهلك خالصصصصصص, خصوصا إنك لسة صغير
3- بعد كذا شهر لو وصلت لإقتناع كامل بيها, صلى صلاة إستخارة و خليك صريح و جيب من الأخر, عن تجربة الدخلة الdirect دى بتعجب بنات كتير جدا و بتحس إنك راجل و محترم ,خصوصا لو هى مش خبرة.
ممكن مثلا فى يوم بعد ما الشغل يخلص تقولها حاجة زى كدة "أنا حاسس إنى معجب بيكى يا فلانة, بس مش عارف شعورك إية, خدى وقتك وفكرى براحتك, لو الموضوع ok معاكى يبقى نتكلم مع بعض و نشوف لو فى توافق بيننا و هيبقى فى إرتباط رسمى بعدها إن شاء الله".
بعد كده لو وافقت يبقى تمام, لو قالتلك خلينا زمايل و بتاع يبقى دة قدرك و نصيبك وإن شاء الله ربنا كاتبلك الخير مع واحدة تانية, ساعتها قولها "مافيش مشكلة, خلينا زمايل زى ما إحنا عادى, أنا حبيت أخد رأيك بس ".
نصيحة, إوعى تجيب سيرة لحد فى الشغل عن أى حاجة تماما تماما حتى لو شخص صاحبك أو قريب منك.