-
ضبط طارة البومة
الأخوة الأعزاء السلام عليكم
عندى مشكلة غريبة شويتين و هى ان الطارة من ساعة مغيرت اتياش و جلب مقصات و بعدها ظبطت زوايا و الطارة خلفت و مش عاوزة تتظبت .
على الجهاز مظبوطة اطلع اجرب الاقى الطارة فيها سنة شمال خفيفة . ارجع للفنى يعدل السنة و امشى الاقيها بقت يمين خفيفة و هكذا .....
بقالى حوالى 3 شهور فى الموضوع ده كل المحاولات فاشلة الطارة يا يمين خفيف يا شمال خفيف . و انا من النوع الى لو الطارة مش مظبوطة احس ان العربية كلها مش مظبوطة . و من كتر المحاولات بدأت احس ان ده عيب فى العربية مش من الفنى علما انى جربت اكتر من مركز ظبط زوايا منها عمرو بدوى فى مدينة نصر و فيت اند فكس عباس العقاد و واحد تانى فى الحرفيين . يا ترى دا ممكن يكون من ايه ؟؟؟؟ فعلا بدأت نفسى تشيل من العربية
-
انا كمان عندي نفس المشكلة بس انا غيرت المساعدين وفكيت التارة علشان اصلح الكلاكس في نفس الوقت ومش عارف العيب منين بالظبط !
-
معرفش ليه الموضوع مش ظاهر ضمن مواضيع المنتدى
-
بص يا باشا دا عيب فني الزاويا هو اللي مش عارف يظبطها ... أنا كنت بظبط زوايا في بنزينة موبيل الموجودة في آخر مترو النزهة عند مساكن شيراتون الفني الموجودهناك فاهم قوي وممتاز في شغله ولو فيه حاجة في العفشة هايقولك عليها. روحله وهويظبطها بس قولوا عاوزة مظبوطة على الشعرة وما تديلوش فلوس ألا لما تلاقيها مظبوطة اطلع جرب العربية وارجعله لوفيها حاجة يظبطها
-
و الله فكرتنى بيه انا اتعملت معاه قبل كده فى العربية اللانوس . اعتقد اسمه ابراهيم و مربى دقنه .
ان شاء الله اروح و اجرب عنده و ربنا يسهل .
-
كانت عندي المشكله دي وحليتها بظبط زوايا في مركز نظيف ... بص خلي الصنايعي يركب معاك عشان يشوف بنفسه عشان ميرحلهاش من ناحيه للتانيه وتخليك في الهسهس ده كتير .. خليه يركب ويسوق هوا ويشوف بنفسه
-
كلام الاخوة مظبوط لان كان عندى نفس المشكل ورجعتلة 3 مرات وف المرة الرابعة الحمد لله اتظبطت ف مكانها ( بس لسة الحدفة الشمال موجودة )
روح لصنايعى فاهاااااااااهم مش حافظ
-
مافيش صنايعى فاهم . تقريبا كلهم مافيش دماغ و لا ضمير . و مازلت احاول
-
نفس المشكلة تماما لكن الحدفة يمين بسيط وبدات تزيد مع الوقت غيرت جلب مقصات اصلى وطقم تيش وبارات اصلى (وكان فى صوت هسهسة على السرعات الواطية من العجل الأمامى فغيرت بالمرة 2 رومان بلى العجل الأمامى) المهم ضبط زوايا اكتر من 5 مرات عند اماكن مختلفى العربية مظبوطة على الجهاز حدفة يمين مستمرة غيرت 4 فرد سوموتومو يابانى اصلى ( لان الفرد القديمة قاربت على النتهاء ) وكنت شاكك فيهم وبردة حدفة يمين رصصت العجل وضبط زوايا لحد مازهقت كل مرة بيركب معايا الفنى الى ظبط الزوايا واخر واحد قالى بص بقا ياهندزة العيب كدة فى زيت الباور بتاع الدركسيون اةةةةةةةة اكيد هو بيدى عجلة اكتر من عجلة هى كدة الانسر على طول المهم كنت سايق على 40 تقريبا فى ملف فتحت باب العربية وزقيتو منها وهى ماشية اتعلمت من الصنايعية اول لما يحط ايدو جنبو ويشغل بقو اعرف انهو فاشللللللللللل مش عارف اعتقد انى اسستسلمت للمر الواقع واتعودت على الحدفة اليمين
Content Relevant URLs by
vBSEO 3.6.0 PL2