الموضوع: البرايد مجنناني

ياجماعه العربيه بتزن جامد اوي علي الغيار الاول والتاني وبحس ان الزنه في تابلوه العربيه ولما دققت شويه بصيت علي الفتيس لقيته زي مايكون بيعمل فيبريشن وبيرقص كده فحطيت الاول وطلعت وسندت ايدي علي الفتيس وهو ع الاول بطلت تعمل الصوت حد من الاخوه يقولي سبب الحدوته دي ايه وتتكلف كام العربيه كيا برايد 1998 سيدان مانيوال وشكرا لكل الاخوه

لسه والله ياشودي مروحتش للميكانيكي صحيح ياحازم لوطلعت قواعد فتيس متعرفش تتكلف كام للبرايد بتاعتي العربيه دي يااخوه والله مجنناني كل لما اعمل حاجه ملحقش اتهنا تطلعلي حاجه اولا عايز اغير مقصات واظبط زوايا والحم الشاسيه اللي اتشرخ ربنا يحفظكم يارب واروح للميكانيكي يشوفلي حكايه الفتيس وبعدين اخليه يظبطلي التاكيهات وانا اساسا معرفش البرايد فيها تاكيهات ولا لا بس هو وضميره لحسن العربيه عندي بتسخن اوي ودي مشكله جديده اضيفت للمشاكل اللي عندي والثرموستات سليمه والمروحه زي الفل والكتاوت تمام والريداتير لسه منظفه بصراحه انا اتخنقت ولولا ردودكم كنت اتشليت من العربيه دي