الموضوع: تفصيل كفر فتيس اللانوس ( بالصور)

بسم الله الرحمن الرحيم

اولا احب اشكر كل الناس اللى فى المنتدى هنا و بدعيلهم من قلبى يا رب يزيد من علمهم و يديهم على قد اعمالهم

طبعا انا بقالى كتير بدخل على المنتدى بستفيد بس و جه الوقت اللى قلت لازم افيد بقى

فقلت اعمل موضوع جلد الفتيس استكمالا لما بدأه استاذنا طارق و ابدا من مكان ما هو انتهى

و لازم طبعا نقرا موضوعه كويس جدا علشان نعرف ازاى بنفك الفريم و نستفيد قبل ما نخش فى التفصيل


http://www.nilemotors.net/Nile/249791-a.html

و نبدا و نقول بسم الله


اولا الادوات
1-الجلد نفسه : انا عن نفسى مركب فرش جاد فبييجى معاه 4 كفرات لمسند الراس و احنا عندنا فى اللانوس 2 بس و بكده بقى عندى 2 مش محتاجهم اجنا هنا هنحتاج 1 منهم بس
و لو معندكش 0.5 متر من اى نوع جلد هيفى بالغرض
2- افيز بلاستك من اللى بيثبت الطاسات فى العجل
3- دباسه بصحه جيده
4- مكنه خياطه لو وجدت


ثانيا الطريقه
1 هتقطع من الجلد المسافات دى و الموجوده على الصوره و نخلى بالنا انه المسافات دى كبر بحوالى 1.5 سم علشان نشتغل براحتنا

]

و بعد ما تركب و تمام المفروض انه يبقى كده






لو سيادتك معندكش مكنه خياطه هتخيط بابره و فتله عاادى خالص و تخلص و لما تخلصها بالابره تنزل على اى واحد بيصلح احذيه و تديهاله هيخيطهالك فى 3 دقايق و تديله 2 جنيه حلو اوى
انما بقى لو سيادتك عايز تعمل زيى و تعملها فى البيت و توفر ال 2 جنيه هههههههههههه
هتعمل زى الصور كده
اول حاجه هتخيط واحده صغيره مع واحده كبيره و بعد كده جمب الكبيره خيط الصغيره فالكبيره







و نخلى بالنا منضيقش الخياطه اوى نحاول نوسعها على قد ما نقدر علشان لو وسعت فى ايدينا نضيقها انما لو اضيقت هنغلب نفسنا

المهم بعد ما نخيط الاربع حتت و قبل ما نقفل اخر حته هنعمل الاول السفل اللى بيخش فيه الافيز و ده حوالى 1 سم و نخيط



و بعد كده نخيط اخر حته


نيجى بقى للقديم نبدا نفك الدبابيس اللى فى الكفر علشان نطلع الجلد القديم







نشد بقى الجلد القديم

و هوبا هنلاقى البلاستيكه السودا دى طلعتلنا





نقيس الكفر ( الجديد ) فى البلاستيكه دى



لو طلع مقاسه مظبوط و داخل بالظبط يبقى تمام

لو لا يبقى نضيق الخياطه فى الحته اللى مش مظبوطه على حرف الفريم البلاستيك لغايه ما يتظبط


و بعد كده نبدا ندبس بالدباسه على الفريم من تحت

و حط يا معلم دبابيس على قد ما تقدر

و هتلاقيه بقى كده فى الاخر




بس تقول الحمد لله و تقوم تصلى ركعتين شكر لله

و تنزل تركبه فى العربيه
و طريقه تركيبه مشروحه فو اللينك الاولانى بتاع الاستاذ طارق و انا اكيد مش هعرف اشرح احسن منه
و ادى اللينك اهو علشان لو حد مكسل يطلع فوق


http://www.nilemotors.net/Nile/249791-a.html




و دى كانت نهايه فيلم صراع فى الفتيس

اتمنى ان اكون افدت و لو 1 % منكم

و اوجه الشكر لاسره نايل موتورز كلها و خصوصا اساتذه الدايو اللى بجد لو مكانوش موجودين مش عارف كنت هبقى فين دلوقتى

و اوجه الشكر لاستاذ طارق مفجر الفكره فى دماغى


مع السلام عليكم
اخوكم
م / مصطفى عمار