الموضوع: تقرير مصور عن المقابلة الاولى لاسود هيونداى ( المقابلة الحلم )

المشاركة الأصلية كتبت بواسطة mahmoud_afifi

ربنا يخليك يا جميل وانا والله كان نفسي اجي اشوفك عشان اخر مره مالحقتش اتعرف عليك, سبحان الله المقابله لو كانت في موعدها الاولاني كنت جيت.
وأشرف ربنا يعينه في الشغل, النهارده كلمني وانا في المحاضره ولما خلصت وكلمته كان للأسف اتشغل وماعرفتش اكلمه.

حبيبى المهم انت عامل ايه مع الميد تيرم. يارب يكون كله بخير بامر الله واشوفك على خير (عشان تشربنا حلاوة النجاح كمان. :)

اشرف ربنا يكون فى عونه مع خطوط التيلفون اللى محدش عارف هيصلحوها امتى وربنا يقويه فى شغله بامر الله.

كريم باشا فوزى الف مبروك على تدشين قسم الهيونداى (رسميا) بعد تولى اثنان من افضل الاعضاء واكثرهم تفانيا مثل حضرتك واستاذ سمير الشهاوى - حقيقى - كان باين حجم المجهود المبذول فى ترتيب المقابله اولا ثم الاشراف على كل التفاصيل ثم الاهم كم الافكار المذهله المعروضه من كلاكما للنهوض بالقسم وافاده اعضائه ثم المناقشات الجاده المثمره سواء مع الاستاذ كريم منير او مع الاخت الفاضله سما او صقور النيسان او باقى حاضرى الاجتماع.
فليفخر اعضاء القسم بوجودكم وليتفاءلوا خيرا بافكاركم.
جهد مشكور منكما وباذن الله تعالى يؤتى ثماره فى وقت قصير.
الشكر كل الشكر لكم ولا يفوتنى ان اشكر المهندس وسام(اول الواصلين) وكذلك الاستاذ محمد يسرى من الشركه المحترمه صاحبه الاختراع المذهل وفاكهه المقابله وكبيرها بمقامه واحترامه وايضا تفانيه الحاج احمد مشعل الذى احسست اننى تعاملت معه مرارا وتكرارا من فرط احترامه وحبه للاخرين وايضا تواضعه الجم.
الشكر كل الشكر ايضا لمن شرفونى شخصيا (صقور النيسان) لخالص مشاركتهم وتواجدهم .
ولا انسى ( ولا استطيع) ان نحيى ونشكر اخواتنا الساده العضوات المحترمات مدام سما انسه دونزى والاختين المحترمتين اللى للاسف لا اعرف اسمائهم الحركيه بالمنتدى شرفتونا جميعا ونرجو ان نكون قد ادينا ما تستحقونه وشكرا لكم لاعطائنا الفرصه لنكون فى خدمتكم.
شويه شعبى بقى !!!!!!!!!!!! ينفع كده ياعم كريم ؟؟؟؟ مفيش ولا صوره لى معاكم؟؟؟؟؟؟؟؟؟ ماشى ياعم تتعوض .

المشاركة الأصلية كتبت بواسطة el_nahal2004

تقرير اكثر من رائع ياكرريم تسلم على المجهود

بس محدش قالى ياجدعان ان فيه حاجة هتتوزع
ينفع كدددة انتوا مصدقتوا مشيت انا بدرى ولا ايه

ايه يااستاذ ايمن ينفع الكلام ده مش كنت تفكرهم وتقول طب ونايب محمود النحال انا كنت معتمد عليك فى الموضوع ده مليش دعووووووووووة
الحاجت الى انت اخدتها النوص بالنوص
الا كدة هاخد السماعة البلوتوث الى كانت معاك دى انت حر بأه

بس كان يووووم جامد عشان عرفت فيه ناااااس قمة الاحترام والزوق وان شاء مش هسيب مقابلة الا واكون موجود معاكم

مين-فين-سماعة-نص بالنص.حضرتك طالب رقم كام.ههههههه


يا حبيبى انت تنقى اللى انت عاوزه,انا بس هنزل اشيل المعطر فى كيسه تانى وهغسلك الفوطة حاضر والمعطر السايل هزودهولك عينيا يا غالى.

المشاركة الأصلية كتبت بواسطة harmadan

شويه شعبى بقى !!!!!!!!!!!! ينفع كده ياعم كريم ؟؟؟؟ مفيش ولا صوره لى معاكم؟؟؟؟؟؟؟؟؟ ماشى ياعم تتعوض .

والنبى ما تزعل نفسك يا جميل ولا تتضايق والغلطة من عندى عشان مبعتش الصور اللى عندى لكريم.

المشاركة الأصلية كتبت بواسطة Ayman-Ahmed

والنبى ما تزعل نفسك يا جميل ولا تتضايق والغلطة من عندى عشان مبعتش الصور اللى عندى لكريم.

حبيبى حبيى ياللى مظبطنى ومصيتنى ايه ياعم اللغه دى ؟؟؟؟ مالها قلبت لغه تكاتك !!!!!!!!!!
الف شكر يا استاذ ايمن واعتبر المناسبه اللى حضرتك قولت لى عليها اتعملت خلاص وعندى انا ياباشا دا انت حبيبى وانا باتلكك علشان اشوفك ثانى. شكرا على الصوره ياكبير.