الموضوع: تقرير مصور عن المقابلة الاولى لاسود هيونداى ( المقابلة الحلم )

السلام عليكم ورحمة الله وبركاتة

اعضاء قسم هيونداى
بعد التحية ..،،
اليكم التقرير الاول عن المقابلة الاولى لاسود هيونداى ( المقابلة الحلم )

الميعاد كان الساعة 2 ظهراً فى مراكب نايل هولندنج على النيل امام فندق الفور سيزونز

وصلت الساعة 2.15 وكنت متأخر بس شارع القصر العينى كان واقف شوية

وصلت على البوابة ولاقيت الاستاذ هشام رمضان مدير نايل هولدنج فى انتظارى على الباب وبجد انسان فى قمة الاحترام والزوق والتواضع وتحس اول لما تقابله انك تعرفه من زمان قوى

وصلنى للقاعة العلوية اللى لاقيت فيها الاستاذ كريم منير وابنه بيدو حبيب قلبى
والبشمهندس سامر والاستاذ سايمون ممثلون شركة Valvoline للزيوت

والحمدلله كنت من اوائل الحاضرين
وبعدها ب10 دقايق وصل الاستاذ محمود النحال
el_nahal2004

وبعدها على طول وصل البشمهندس سمير الشهاوى منسق قسم هيونداى
SE_Corsela
والاستاذ محمد الشنورى منسق القسم الاجتماعى
والستاذة سما المدير التنفيذى للمنتدى
والاستاذ جمال زوج الاستاذة سما

وبعدها على طول وصل الاستاذ ايمن احمد
ودار الحوار بينى وبين محمود النحال وكريم منير مع ممثلى فالفولين عن النوع الافضل ولية فالفولين اتأخرت فى نزول مصر ودار حوار كبير بينا عن الافضل لسيارتنا

من اليمين مع حفظ الالقاب
ايمن احمد - محمد الشنورى - سامر - سايمون

وبعدها اخدنا صورة جماعية للحاضرين

من اليمين
محمود النحال - كريم فوزى - سمير الشهاوى - كريم منير - جمال - ايمن احمد - محمد الشنورى ( مش باين ) - سامر - سايمون

ودى صور اثناء الحديث والحوار

وبعدها علشان الجو كان برد شوية اقترح علينا الاستاذ هشام رمضان النزول للقاعة السفلى

ونزلنا واخدنا صورة جماعية

من اليمين

سمير الشهاوى - كريم فوزى - محمد الشنورى - الحج احمد مشعل ( صاحب جينز كار ) - ابن الحج احمد مشعل
بيدو ابن كريم منير - احمد مصطفى ( منسق قسم نيسان ) - حسين ( مساعد منسق قسم نيسان ) - عضو من قسم نيسان مش متذكر اسمه الحقيقة - عضو من قسم نيسان مش متذكر اسمه الحقيقة -
جمال ( زوج الاستاذ سما المدير التنفيذى للمنتدى ) - احمد فتحى - احمد حمزه - ايمن احمد - محمد يسرى ( صاحب شركة Tires Mania ) - سامر ( المدير التنفيذى لشركة فالفولين )

الزيادة فى الصورة دى ظهور محمود النحال بضهره ههههههه

من اليمين

سمير الشهاوى - كريم فوزى - محمد الشنورى - الحج احمد مشعل ( صاحب جينز كار ) - ابن الحج احمد مشعل - كريم منير
بيدو ابن كريم منير - احمد مصطفى ( منسق قسم نيسان ) - حسين ( مساعد منسق قسم نيسان ) - عضو من قسم نيسان مش متذكر اسمه الحقيقة - عضو من قسم نيسان مش متذكر اسمه الحقيقة -
جمال ( زوج الاستاذ سما المدير التنفيذى للمنتدى ) - محمود النحال - احمد فتحى - احمد حمزه - ايمن احمد - محمد يسرى ( صاحب شركة Tires Mania ) - سامر ( المدير التنفيذى لشركة فالفولين ) - سايمون ( مندوب شركة فالفولين )

وبعد كدة قام الاستاذ سمير الشهاوى بالكلام
واتكلمنا عن خطة تطوير القسم اللى اتفقنا عليها هنا فى المنتدى
بس دى هنسيبها ساعت التنفيذ نتكلم عليها اكتر

[gdwl]وبعد كدة بدأت العروض من السادة الضيون واولهم الاستاذ احمد مشعل[/gdwl][gdwl][/gdwl]
[gdwl]

( صاحب جينز كار )

وبصراحة الراجل بجد مش عارفين نشكره ازاى وعرضه كان كالتالى

1- خصم 20% لحد اخر مارس لاعضاء هيونداى لحاملى استيكر Nilemotors

2- جميع حاضرى مقابلة الحلم ليهم ارضية شنطة جلد و cover للدركسيون وتنظيف السقف الداخلى بملمع امريكى لآخر يوم فى 2012 اكثر من مرة ان شاالله كل يوم

3- فرش تفصيل مجانى ليا انا والبشمهندس سمير الشهاوى وبجد انا مصدقتش نفسى من كتر المفاجئة بجد انسان فى قمة الاحترام

بجد عرض اكتر من ممتاز وكان رد فعل جميع الحاضرين التسقيف بحرارة جداً

[/gdwl]

وبعد كدة قام الاستاذ محمد يسرى صاحب شركة ttp Tire Mania بمناسبة افتتاح الفرع الجديد فى مدينة نصر وكان عرضه كالتالى

[gdwl][/gdwl][gdwl][/gdwl]

[gdwl]

1- 10% خصم لخد آخر مارس على جميع منتجات وخدمات Tires Mania لاعضاء المنتدى حاملى ستيكر Nilemotors

2- خصم 5% Extra لاعضاء هيونداى لحاملى استيكر Nilemotors وبكدة الخصم بقا 15% لاعضاء هيونداى لحد آخر مارس بردو

ودة الموضوع الخاص بالاعلان للشركة فى المنتدى

سلح كاوتش عربيتك - موضوع إعلاني

وعنوان الشركة هتدخل من شارع مكرم عبيد مدينة نصر لحد ما تلاقى البنزينة تدخل من جمبها يمين هتلاقيها تالت شارع على ايدك الشمال

[/gdwl]

[gdwl]وبعد كدة قام المهندس سامر رئيس شركة فالفولين مصر وقال عرضه وهو[/gdwl][gdwl][/gdwl]

[gdwl]

1- 10% خصم لحاملى الاستيكر الفرعى لهيونداى Hyundai Team حتى آخر مارس على كل المنتجات

2- 10 % خصم لحاملى الاستيكر الفرعى لهيونداى Hyundai Team حتى آخر مارس على الكروز كنترول ودة الموضوع الخاص بالاعلان عن الكروز كنترول فى المنتدى

مثبت سرعة السيارة الان في مصر لاي سيارة-موضوع اعلاني

[/gdwl]

وبعد كدة بدأنا الاحتفال وتقطيع التورته اللى البشمهندس سمير اهدى اعضاء المقابلة بيها وتحمل تمنها على حسابه

ودة فيديو للتورته بعد ما ولعنا الشمع

[youtube]http://www.youtube.com/watch?v=MSy7p05EHpA&feature=youtu.be[/youtube]

ودى صور التورته

وبعد كدة قومنا اتصورنا صورة جماعية مع التورته

من اليمين

ايمن احمد - كريم فوزى - كريم منير - سمير الشهاوى

من اليمين

ايمن احمد - كريم فوزى - كريم منير - سمير الشهاوى - احمد فتحى - احمد حمزه

وبعد كدة الحج احمد مشعل وزع علي كل واحد فينا هدية شنطة فيها هدايا قيمة جداً بجد ودى صورها

وكان جوا الشنطة معطر طابلوه ومعطر سيارة وعدد 2 قماشة ناعمة واحدة صغيرة للطابلوه

وواحدة كبيرة للعربية من بره

وبعد كدة البشمهندس سامر والاستاذ سايمون ممثلون شركة فالفولين وزعوا علينا هدية قيمة جداً

وهى دفتر ورق وكمان استيكر الفالفولين وقلم وكمان الكارت الخاص بالخصم لينا

وبعد كدة الاستاذ محمد يسرى وزع علينا الاستيكر الخاص بالخصم

وبعد كدة كلنا سلمنا على بعض ومشينا

طبعاً بشكر كل اعضاء قسم نيسان اللى جم يشاركونا المقابلة الاولى لينا

وكمان الاستاذة رنا عضوة قسم هيونداى اللى شاركتنا اليوم دة
الاستاذة دونزى من قسم كيا اللى شاركتنا اليوم الجميل دة
الاستاذة ميرا من قسم دايو اللى شاركتنا اليوم الرائع ده
الاستاذة سما مديرة المنتدى اللى شاركتنا مقابلتنا
الاستاذ هشام رمضان مدير نايل هولدنج على تعبه معانا بجد راجل قمة الاحترام والله

وفى النهاية كريم منير ادانى انا والمهندس سمير الشهاوى

استيكر نايل موتورز الفرعى والرئيسى علشان اوزعهم للى عايز
ودة رقمى
01110247080
وانا مسئول عن مدينة نصر وحلوان و15 مايو وممكن صقر قريش والمعادى بس بالاتفاق

الاستاذ سمير الشهاوى ودة رقمه

01118057400
وهو مسئول عن الرحاب والقاهرة الجديدة وباقى الاماكن حسب الاتفاق المسبق معاه

وسعر الاستيكر يا جماعة 50 جنيه للرئيسى او للرئيسي والفرعى مع بعض

دى صورة للاستيكرين الرئيسي والفرعى

بجد كانت مقابلة هايلة

وبشكر كل اللى نورونى انا والمهندس سمير الشهاوى فى اول مقابلة ننظمها سوا

بنوعدكم ان دى مش المقابلة الاخيرة وبأذن الله هنتقابل بأنتظام بعد كدة على الاقل مرة شهرياً

واشوفكم كلكم على خير فى المقابلة الجاية

بس دى هتبقى على مستوى المنتدى كله فى عيد ميلاد نايل موتورز يوم 15-4 ان شاء الله

تحياتى

كريم فوزى
منسق مساعد قسم هيونداى