موضوع الطقطقة في الماتركس

**mohamedfadel** · 16-06-2007 11:52 AM

احب ان اوضح للسادة الافاضل اللي عندهم ماتريكس
كنت بأسمع صوت من الجانب اليمين امامي صوت تكتكة او طقطقة يظهر لما اعطي غيار و اتحرك بس, او في مطب احيانا
علي فكرة هو مش ملحوظ لاي حد يعني لازم يكون حساس جدا بالسيارة وودنك معها
انا ابلغتهم في توكيل قليوب عند عمل صيانة ال 5000 و قلت لهم ان في مشكلة في المساعد
و طبعا سلمولي السيارة بعد دفع الفاتورة و محدش اكلم معي خالص و بعدين جربت العربية وجدت ان الصوت مازال موجود, ذهبت بعدها بفترة الي مركز صيانة سيارات قريب مني فيها واحد اعرفه قلت له علي هذا الصوت
فنزل تحت السيارة بجوار العجلة اليمين امامي يوجد مسمار مربوط و به جلبة قصيرة هي عملة الصوت ده
فوضع لي جلبة في المسمار اطول شوية و ربط المسمار كويس و فعلا لم اعد اسمع هذا الصوت.
اللي خلاني اكتب الموضوع ده اني من يومين ركبت ماتريكس اوتوماتيك مع زميل و سمعت نفس الصوت بس الغريبة انه هو مش في دماغه يعني مش فارقة معه

الشيء الذي اكد لي ان المشكلة (موضوع هذا المسمار) اكيد موجودة في كل الماتريكس

**crossfire** · 16-06-2007 02:50 PM

ana lesa gayeb el automatic bas fe3lan makhatesh baly meno
harakez 7aba we 2a2olak isa
thnx anyways

**PAYOO** · 16-06-2007 07:12 PM

المشاركة الأصلية كتبت بواسطة mohamedfadel

فنزل تحت السيارة بجوار العجلة اليمين امامي يوجد مسمار مربوط و به جلبة قصيرة هي عملة الصوت ده
فوضع لي جلبة في المسمار اطول شوية و ربط المسمار كويس و فعلا لم اعد اسمع هذا الصوت.
الشيء الذي اكد لي ان المشكلة (موضوع هذا المسمار) اكيد موجودة في كل الماتريكس

شوف حضرتك فعلا الماتريكس بتنزل فيها صوت في طقه بسيطه امامي وده راجع لان (جلب الميزان) تكون قد تيبست (نشفت) من التخزين او ماشابه ذلك وأنا قمت بتغيير جلب الميزان في التوكيل دون دفع أي مقابل لأن السياره في الضمان

وعلى أي حال عند سماع أي صوت بالعفشه يجب التربيط عليها اولا وإذا ظل الصوت مسموع يجب تغيير جلب وكاوتشات الميزان والمقصات وإذا ظل الصوت مسموع يجب تغيير المساعدين بعد الكشف عليها والتأكد من عيبها وإن كان احتمال بعدي قليلا

**mohamedfadel** · 17-06-2007 11:41 AM

الف شكر للردود فعلا الصيانة القادمة ح اعملها ان شاء الله في كارتك و سوف اقول لهم علي الموضوع ده

**oousaoo** · 23-07-2008 12:02 AM

ارجو منك التوضيح اكثر حيث ان معي ماتريكس اتوماتيك موديل 2005 وصوت الطقة دي بقي عالي جدا في حالة طلوع العربية او الرجوع للخلف وخصوصا لوكانت العربة طالعة فوق رصيف او مطب وباقي مشي العربية والملفات لايوجد اي صوت ذهبت للتوكبل بالاسكندرية قالو لي بعد كشف كده اي كلام ان العربة محتاجة تغير كبالن وثمن الواحد 2500 بدون ثمن التركيب وطبعا انا مش مصدقهم علشان مش معقول عربية عاملة 40الف فقط وعمرها ثلاث سنوات فقط وتجيب كبالن لمؤاخذه دي تبقي عربية سكه قوي ده انا كان معاي لانوس قبلها وقعدت معاي 6سنين عامل فيهم 130 الف وعمري ماسمعت منها اي مشكله
ياريت توضحلي مكان الجلبة اللي انت غيرتها واسمها ايه علشان اروح لمكانيكي يكشف عليها يمكن تكون هيا مش الكبالن علشان الواحد ميتعقدش من العربية الماتريكس دي ويكون احنا واخدين فيها قلم علي الفاضي
وشكرا مقدما لاهتمامك بالموضوع