المشاركة الأصلية كتبت بواسطة Ashraf_Ibrahim
اولا الف الف مبروك يا حج احمد
ثانيا بقا اديني جيت عشان اشوف ايه شكواك من الفيرنا
قول وانا اقول على طول :d
حبيبي والله يا استاذ اشرف الله يبارك فيك
1- اول حاجة ضايقتني من العربية هي المرايات ! المرايات مش بتكشف الطريق بشكل كويس يعني في الياريس المرايا بتبقى جايبلي الطريق كويس اوي بعكس في الفيرنا حسيت اني يدوبك ببقى شايف العربية اللى على بعد حارة واحدة مني ! ابعد من كدة مش بتجيب ؟ ؟ ودي حاجة خلتني مش عارف اركز في السواقة وملخوم ! هل ده الطبيعي بتاع مرايا الفيرنا ؟ ولا المرايا دي مش اصلية وملعوب فيها ؟
*أكيد المرايات دي مش أصلية
المرايات الأصلية بتكشفلك الطريق كويس جدا وبتكون كاشفالك على الاقل حارتين ولو ظبطت المرايا كويس هتكشفلك 3 حارات ومش هتعاني اوي من النقطة العمياء فيها
من كلامك وكلام الاعضاء بدات احس ان فعلا المرايا مش اصلية بس عايز اتاكد قبل ماغيرها هحاول كدة اعدي جمب اي فيرنا راكنة في الشارع وابص على المرايا بتاعتها واشوف
2- الدركسيون يعتبر نوعا ماتقيل شوية ! هو مايعتبرش تقيل بصراحة بس مقارنة بدركسيون الياريس تقيل على الرغم اني في الياريس مجنط وحاطط كاوتش عريض والدركسيون بعد الجنط تقل شوية عن الاول بس برضوا اخف وانعم من فيرنا ! ! فهل عشان الياريس باور كهرباء ؟ بس انا برضوا كنت بسمع كتير عن ان الفيرنا الدركسيون بتاعها ناعم وخفيف جدا ؟ ؟
يمكن انا مركبتش ياريس بس باور الفيرنا يعتبر من انعم الباورات اللي ممكن تتعامل معاها
مش هقدر أحكم على الباور بتاعها غير لو ركبتها!
هو جايز يكون حلو بس عشان انا اتعود على اللى اخف منه فحاسه تقيل شوية ؟ ؟
3- الكلاكس ! ! صعب اوي بصراحة هو لازم اضغط على كلمة هيونداي عشان تكلكس ؟ ؟ ايه الشلل ده ؟ انا ببقى عايز اكلكس وبدوس مافيش اكتشفت اني لازم اضغط على كلمة هيونداي ؟ ده الطبيعي برضوا ؟ ولو الطبيعي هل ليها حل ؟
تصدق اني ملاحظتش الملاحظة دي خالص :d
لأني بطبيعة الحال تلقائي ايدي بتيجي على علامة هيونداي
ههههههههههههه
بس تقريبا كدة كلامك سليم وملاحظتك سليمة ودا طبيعي جدا
ماهو المشكلة اني عشان متعود الكلاكس في الياريس من اي حتة ! فغالبا مابدوس كلاكس بطرف ايدي من الطرف الشمال او اليمين وانا بقلب نور ! فجيت اعمل كدة في الفيرنا مافيش ؟ ؟
4- بحكم ان العربية عاملة 150 الف كيلو المفروض اشيك على ايه عشان ابقى مطمن ؟ وايه احسن زيت ممكن احطه ؟ انا بفكر في ليكوي مولي او فولفين ؟
شيك على السيور بتاعتها لو تقدر تغير طقم سيور والبوجيهات والفلاتر يبقا زي الفل
بكرة ان شاء الله وانا بغير الزيت هشيك وان شاء الله خير
5- الدبرياش نوعا ما سعات كدة بحسه بيتقل مع الغيارات ! مش عارف ليه
بيتقل ازاي؟!
مش عارف يعني بحسه بقى تقيل مش ناعم خاصا لما ابقى مثلا ماشي على الرابع على سرعة 70 ولا حاجة واجي اهدي ادوس دبرياش الاقي تقل ! بعكس الغيار التاني والتالت بيكون ناعم اوي وجميل
والاول طبعا بكون متوتر ومش عايز العربية تفصل فا مش بركز مع الدبرياش <<< هههههههههه
6- العربية بتعمل صوت غريب كدة وانا برجع لورا خاصا وانا بركن ؟
بترجع بسرعة واللا بالراحة؟!
وصوت ايه اللي بتطلعه؟!
الصوت طلع بسبب فرامل الايد كنت ناسيها مرفوعة وانا برجع لورا
المفضلات