عايز تعرف يعنى ايه تضخم شوف الهبل بتاع شيكولاته مندولين !!!

كانت زمان بربع جنيه وبنجيبها زى الفل
فخر الصناعه الوطنيه (من بم بم) وقلنا ماشى لازم نشجعها
صغروا حجمها مفيش مشكله
غلوها وبقت بنص جنيه وكبروها شويه عدينها
لكن توصل ان تلتها هوا يبقى لامؤاخذه دى عالم بتستهبل قوى
وكل يوم الحجم يصغر عن الاول
ولاحظت كده لانى بشتريها على طول من زمان
كان الهوا بيوصل لل N بس دلوقتى وصل لل L وطولوا الشراشيب على الفاضى
ده لما الشيكولاته جوه الكيس
من الاخر خلال 7 شهور بقت قد اللى كانت بربع جنيه ومش بعيد تصغر عنها مع الايام
وهو ده التضخم اللى بيتكلموا عنه :U_thin1[1]:
عموما مستنى اليوم اللى يغلوها تانى وتبقى ب75 وينضحك علينا تانى
حاجه تقرف :Copy of rfds:


http://s10.postimage.org/ape6zm80n/Untitled.jpg

http://s10.postimage.org/tvre2soif/Untitled1.jpg

http://s10.postimage.org/4r0dpdp1z/Untitled3.jpg

http://s10.postimage.org/551poz95j/Untitled4.jpg

----------
ملحوظه لاداره المنتدى:موقع نايل اب مش كويس فى رفع الصور وبيصغرها جدا لوحده على الفاضى
----------

‫التضخم وسعر الفائدة البنكية‬‎ - YouTube

التضخم طبيعي يحصل طالما توافرت عدة عوامل :
أولا زيادة الدخل لعدد كبير من المواطنين و لم يقابله زيادة في الأنتاج العام و بالتالي المنتجات و الخامات قليلة و يوجد طلب لشراءها فطبيعي أنها تغلى .
زيادة السكان المتواصلة و مع زيادة هؤلاء السكان لا ينتجون ما يأكلون بل على العكس يبنون على الأرض الزراعية.
طبيعي يحصل تضخم و طبيعي تحصل زيادة في الأسعار .
الناس عايزة الحاجة أيام ما كنا 40 مليون تبقى زي ما هي و أحنا 85 مليون مع وجود صفر زيادة في ا لأنتاج العام للغذاء ؟؟؟؟


معلش حاجة تانية عايزة أضيفها
تلاقي الواحد من دول عمال يشتكي الفقر و الحاجة و تلاقيه بيشتري علبة سجاير يوميا على الأقل ثمنها قول 7 جنيه يعني تقريبا في الشهر بحوالي 210 في المتوسط
طيب يا عم الحاج مش ولادك أولى بالفلوس دي ؟؟؟؟؟؟؟؟؟؟
تلاقي ردود غريبة من نوعية أنتوا كمان عايزين تقلوا مزاجنا و أنتوا مش عارف بتصرفوا كام في الشهر ؟؟؟؟؟؟؟؟؟؟

عندك حق
فعلا غليت و صغرت
بس مش مندولين بس .... ده حتى الطعمية و الفول و العيش نفس الكلام

هههههههه

كل حاجه قلت بركتها والله
اقل فلوس تدفعها عشان تجيب ساندوتشن تفطر بيها مش اقل مثلا من 5 جنيه
دا غير لو هتشرب حاجه معاهم مثلا

ياجدعاااااااااااااااااان انا وانا فى الجامعه يعنى من سنة 2000 كان عندنا سوبر ماركت فى اكتوبر وكنت بشتغل فيه
بص الاسعار كانت بكام ايام ماكنت ببيع من 2000 ال سنة 2004
جبنة اسطمبولى ب 10 جنيه دلوقتى حاجه وعشرين
طبق البيض من 5.50 ال 6 جنيه دلوقتى ب 17.5 ل 18.50
السكر ب 160 قرش
الارز الكيلو ب جنييييييييييييييييه
السجاير الكيلوباترا ب 1.60 قرش
المارلوبور ب 4 جنيه
الزيت العادى ب 2.5جنيه معرفش دلوقتى بكام وعباد الشمس ب 3 جنيه
الزيت الذره ب 4 جنيه
اللبن الكيلو ب 2 جنيه ودلوقتى ب 6 جنيه
الزبادى العلبة كانت ب 40 قرش دلوقتى ب 1.25
الفينو كان ب 10 قروش وب 15 ابو سمسم دلوقتى ب 40 قرش مفهوش كلام
الجبنه الرومى كانت القديمه ب 18 جنيه دلوقتى ب 48 جنيه
كفايه كدا بجد الواحد بيستغرب على غلو الاسعار بطريقه بشعه ربنا يرحمنا برحمته

السر في سعر الدولار

الدولار كان ب 3.7 جنيه

ولما عوموا الجنيه وصل ل 6 جنيه

وبعدين نزل ل 5.3

وراح رفع ل 6 دلوقتي

------------------

المشكله في اعتمادنا في حياتنا على الاستيراد من الخارج في المواد الخام
لو الحاجة مصنعة في مصر 100% مش هاتلاقي الزيادة الرهيبة ديه

مثلا السعودية مثبته سعر الدولار ل 3.75 ريال من يوم ما وعيت على الدنيا
تروح تلاقي الزبادي ب 1 ريال و كان البيبسي بحوالي 2 -3 ريال
نفس السعر من 20 سنة

التضخم مش كل حاجه يتهيالى الجشع دايس قوى فى الموضوع