حادثة بسيارتى اللوجان ... بعد 2600 كم

**darwish_ger** · 04-03-2012 10:13 PM

السلام عليكم..
اولا عايزكم تدعولى علشان انا حاسس انى مبتلى وربنا يكرمنى و يعوضنى
المهم ... امبارح راجع البيت بالليل وماشى على طريق سريع واحد قدامى فرمل وداخل البنزينة بدرجة 90 درجة
المهم لبست فية الرفرف و الكابوت و الفانوس والإكسدام الجنب اليمين مع السلامة ... انا مش مأمن على العربية و كلمنا الشرطة وكان الحل كل واحد يصلح عربيته..

انا رجعت بالعربية البيت الماتور تمام بس فيه صوت تكتكة عند الكاوتش وانا بلف شمال
انا مش مامن على العربية

هل التصليح لازم يكون جوا التوكيل ... هيقولى هتصرف 10 الاف جنيه
انا مش عارف اعمل ايه

**lord777** · 04-03-2012 10:54 PM

اولا الحمد لله على سلامتك
ثانيا ارجوا انك ما تتخضش و زى ما بنقول لازم العربية الجديدة تاخد عين
المهم الموضوع بسيط انت ممكن تشوف التوكيل ها يقولك كام و لو ما عجبكش اعملها بره و ممكن تجيب الرفرف و غطا الكبوت و الفانوس و الاكصدام من صقر قريش يوجد جديد و استعمال و ممكن تعمل زيى انا تعرضت لحادث شبه مماثل و تم عمل اللازم عند سمكرى محترم و بعد كده دوكو نضيف و كأن شىء لم يكن
مرة تانيه اهم حاجة انك بخير

**wassim_nasser** · 05-03-2012 01:01 AM

أولا حمدلله علي سلامتك وماتزعلش نفسك ده نصيب و قدر الله وما شاء فعل .

ثانيا نصيحة اخوية بلاش تروح للتوكيل وانت مش مأمن .. اختار سمكري شاطر وروحله و شوف ايه طلباته .. وان كان فيه حاجه تتغير رفرف أو اكصدام اشتريها من التوكيل أو من بره و خلي السمكري يركبها .. لاحظ ان قطع الغيار ف التوكيل سعرها معقول لكن اللي بيغلي الحكاية مصنعية التركيب .. و إن شاء الله كل اللي انت بتحكي فيه مش هايزيد عن 3 تلاف جنيه بأجرة السمكري والبقشيش

**georgedada82** · 05-03-2012 05:17 AM

معلوماتي ان في ورشتين لزملاءالمنتدي ... وهي ورشة العقيد خالد ... وورشة الاستاذ كريم منير رئيس المنتدي اعتقد الناس مش هتتاخر علي حضرتك وهيساعدوك حتي في الحاجات الميكانيكية والحاجات التانية بخلاف الصاج ممكن تتعمل فين لما لهم من خبرة ... والف سلامة علي حضرتك

**gebreel** · 05-03-2012 08:33 AM

حمد الله على سلامتك يا باشا

و زي ما وسي ما قال اشتري الحاجة بتاعتك من التوكيل و ركبها برة

بالنسبة لصوت التكتكة هل بيحصل في الملفات ولا على طول؟؟

**abd_elhalim85** · 05-03-2012 09:15 AM

الف حمدالله على سلامتك و ربنا يعوضك خير و يبعد عنك عيون الحاقدين بعد ما تصلحها و تبقى احسن من الأول

**ENGA7MED** · 05-03-2012 09:50 AM

أولا :الف حمد الله على سلامتك ربنا يكفيك شر الغربية ويعطيك خيرها وفداك اى حاجة ياباشا والحمد لله على كل شئ
ثانيا:انا كنت عملت حادثة واتصلت بالعقيد خالد ورحتله الحرفيين واشتريت قطع الغيار من عند عمران بالحرفيين ولو الكارتيرات واى حاجة فايبر متكسرة جمعها وخدها معاك علشان فى جنبه واحد بتاع فيبر بيلحم الفيبر المكسور وبعد ما خلصت السمكرة عندة رشيت عند كريم منير والحمد لله 100 100 .