الموضوع: خايف اشتري باسات 1999 او 2000 بسبب قطع الغيار

ومعلش سؤال تاني اسعار مواتير الاكتر من 1600 منيول يعني 1800 او 2000 بكام علما اني ليا علاقات جيده جدا في بورسعيد

متخافش خالص ارخص من البومه الوقتى بس مش زى الكرستاله اغلى حاجه فيها العفشه الاماميه 2500 استيراد بس عقشه ملهاش حل متعملتش فى الجيب ...... موتورها ال 1600 الاصلى مش هتلاقيه لكن ال 1800 بالهبل و هيعملو 7000 جنيه بفتيسو المانيوال بس موتور حكايه 20 صباب .... صاجها و فوانيسها رخيص سيرفيس الموتور بردو رخيص يعنى زود على سعر كل حاجه فى الكريستاله 20 او 30 جنيه السيور و الفلاتر ....تيل الفرامل التركى ب 90 طبعا فى ناس هتقولك 350 و الاصلى و الكلام دة سيبك منهم التركى شغال معانا بقالو سنتين و زى الفل و لسه بخيرة الفانوسين قدام 500 ورا 500 ..... ايه تانى اسال و انا اجاوبك ..... عربيه حكايه و الله انا لسه نازل منها من ساعتين هى مع خالى و كلنا لسه عاملين سيرفس و طالعين نجرب عربيه وحش فى الجرى تحس انها عايزة تطير بس نسيو يركبولها جناحات و ثبات القطر و قوة و اتزان على الطريق منقطع النظير .... توكل على الله و هقلك كلمه اللى مركبش المانى مركبش عربيات

عزيزي انتا جبتلي من الاخر وتسلم ايديك الحلوه الي كتبت الكلام ده انتا طمنتني واول ما هشتريها ان شاء الله هكتب تقرير كامل عنها وطبعا ان شاء الله
بس المشكله الي بس هتقابلني اني اكشف عن العربيه قبل ما اشتريها
هل لازم الروح التوكيل ؟
ولا فيه حد بمستوى التوكيل في الكشف عن العربيه ؟
ورنج السعر الطبيعي بتاعها كام دلوقتي ؟
اسف على الازعاج والاسئله الكتيره

كلام سليم ومحترم وزي الفل، عائلة الألماني مفيش بعدها، والباسات b5 موديل بدأ من 1996 من أفضل ما انتجته شركة فولكس واجن، ركبتها قبل كده وحاليا بورا، قطع غيار تستغرب لها فعلا، وعشان تتأكد انزل وشوف شارع زكي والتوفيقية محلات فولكس فيها كتير، واتصل بعلاء هاشم في المهندسين 0106555017 اسعاره ممتازة، وفي شارع دمشق في مصر الجديدة. المهم تشتري حاجة حالتها كويسة وافحص الشاسيه والموتور كويس، وبالتوفيق

المشاركة الأصلية كتبت بواسطة alzelafy

متخافش خالص ارخص من البومه الوقتى بس مش زى الكرستاله اغلى حاجه فيها العفشه الاماميه 2500 استيراد بس عقشه ملهاش حل متعملتش فى الجيب ...... موتورها ال 1600 الاصلى مش هتلاقيه لكن ال 1800 بالهبل و هيعملو 7000 جنيه بفتيسو المانيوال بس موتور حكايه 20 صباب .... صاجها و فوانيسها رخيص سيرفيس الموتور بردو رخيص يعنى زود على سعر كل حاجه فى الكريستاله 20 او 30 جنيه السيور و الفلاتر ....تيل الفرامل التركى ب 90 طبعا فى ناس هتقولك 350 و الاصلى و الكلام دة سيبك منهم التركى شغال معانا بقالو سنتين و زى الفل و لسه بخيرة الفانوسين قدام 500 ورا 500 ..... ايه تانى اسال و انا اجاوبك ..... عربيه حكايه و الله انا لسه نازل منها من ساعتين هى مع خالى و كلنا لسه عاملين سيرفس و طالعين نجرب عربيه وحش فى الجرى تحس انها عايزة تطير بس نسيو يركبولها جناحات و ثبات القطر و قوة و اتزان على الطريق منقطع النظير .... توكل على الله و هقلك كلمه اللى مركبش المانى مركبش عربيات

كلام بجد يطمن لان في ناس كتير زيحلاتي بردو خايفين من قطع غيار الفولكس والالماني وكده
انا حتي بفكر اشتري بولو كلاسيك 2001 وبردو خايف من اسعار قطع غيارها ولانها مش منتشره في مصر فياريت لو حضرتك عندك فكرة عنها وعن قطع غيارها تقولي واكون شاكر لك جدا

انا جبت العربيه يا شباب الله أكبر عربيه عجيبه فعلا صاروخ ارض ارض ما شاء الله ومع العلم اني جبتها اوتوماتيك جميله جدا بجد بس عايز اعملها سيرفيس وعايز حد يفيدني ولو عنده العربيه دي بنفس الموديل ده يقولي بيعمل ايه من صيانات وقطع غيار وهرفع الصور للعربيه قريب جدا ان شاء الله بس بجد انصح اي حد عايز يشتري عربيه مستعمله يجيب العربيه دي بس اهم حاجه حالتها انا شوفت عربيات شكلها جميل بس متهانه اخرة حاجه انها حقا سياره يعتمد عليها وسياره ممتازه جدا ومريحه جدا وواسعه جدا جدا