ازاي اعرف التريوس صيني ولا ياباني؟ وهل الموجود دلوقت كله صيني؟
عرض للطباعة
ازاي اعرف التريوس صيني ولا ياباني؟ وهل الموجود دلوقت كله صيني؟
لو تيريوس الشكل القديم زيرو تبقى صيني.
هى دى مشكله فى اى عربيه عامه فهتلاقى قطع غيار اصليه و مليون نوع تانى مضروب و أكيد ارخص بكتير من الاصلى و احسن حل علشان تريح دماغك و تطمن ان حضرتك تشترى من حد يكون بيعمل الصيانه داخل التوكيل و ده هيفيدك فى كذا حاجه منها انك هتطمن ان الصيانات الدوريه بتتعمل فى اوقاتها و قطع الغيار هتكون اصليه و كمان غالبا هتلاقى قراءه اخر عداد كيلومتر( علشان اللى بيلعبوا فى عداد الكيلومتر) و كمان العربيه هتبقى فى الضمان لكن لو اشتريت من حد ما بيعملش الصيانه هيبقى انت و حظك و فى الأغلب هيكون اما بيوفر فلوس التوكيل او بيكسل يعمل الصيانات فى مواعيدها و هتلاقى ناس كتير من اللى بيبيعوا بيكتبوا فى اعلان البيع ان جميع الصيانات بالتوكيل و بالفواتير و ما بيبقاش عندهم مانع من الكشف فى التوكيل فالافضل لو ما كنتش هتجيب زيرو تجيب من حد زى كده و بالتوفيق.
جزاك الله خيرا يا Land_Cruiser علي معلوماتك القيمه بارك الله فيك
انا بصراحه مسافر امريكا لما ارجع شهر 8 عايز اشتري عرييه مستعمله بس كويسه عجابني تيريوس
ممكن تقعد معايا سنه ولما ارجع تاني ابيعها بس مش عايز اقضي السنه تصليح
انا بتابع اخبار التيروس علشان اقدر اقرر
لو عندك نصايح بالنسبه لشراء التيروس يا ريت تفيدني جزاك الله خيرا
العفو حضرتك احنا اخوات. هى التيريوس اختيار موفق و اليابانى عامه اعطاله قليله و من هنا لشهر ٨ لسه فى فتره كويسه احتمال يظهر بدائل بس لو حضرتك نويت عليها يبقى تبقى عامله كيلومتر قليل و يا ريت الجر الرباعى و مستعمله علشان سعر اعاده البيع و اخيرا الكشف فى التوكيل عليها منعا للمفاجات الغير ساره
اى موديل ينفع التوكيل يكشف عليه و يكتب لحضرتك تقرير مفصل بحاله العربيه و ما تحتاجه و كمان هيتكلف كام بس انا معرفش الدايهاتسو تحديدا التكلفه كام و المبلغ بيختلف من توكيل لاخر يعنى النيسان مثلا ٣٥٠ج بينما ال بى ام ٩٠٠ج بس دى سهل جداً تعرفها عن طريق احد الملاك او حتى عن طريق مكالمه تليفونيه للتوكيل
خلاصة الكلام
التريوس القديم موديلات من 99 الي 2003
ياباني ومفيش حاجه اسمها قطع غيار بتركب عليها صيني
ده موتور 1300 وده موتور 1600 كود تاني خالص
الشبه من برا فقط
الصيني اسمها اكسبلوجن وكيلها المسلمي
اي كلام غير كده استنتجات واجتهدات ليس لها اساس من الصحة