الحمد لله على سلامته يا جورج وربنا يشفيه ان شاء الله
عرض للطباعة
الحمد لله على سلامته يا جورج وربنا يشفيه ان شاء الله
ألف حمدا لله على سلامته يا هندسة.
الحمد لله على سلامتة يا جورج و اهم حاجة انه بقى كويس دلوقتي
طمننا علية اول باول الله يخليك
الف حمد الله ع سلامة اخوك
للأسف النقل اغلبهم بيسوق بغباء و التاكسيات و الميكروباصات العن
الف سلامه على اخوك
الحمد لله علي كل شئ
و الف حمد لله علي سلامته
و موضوع العظام يحتاج شوية صبر و التزام بالتعليمات
و ان شاء الله يقوم منها بالسلامة قريبا جدا
م.حاتم السباعي
الحمد لله على سلامته
و ربنا يقومه بالسلامة إن شاء الله.
الف سلامة عليه و ربنا يتم شفاه على خير
بس هاقولك على نصيحة بخصوص العضمة التانية اللي ماتثبتتش بشريحة و قالولكم ممكن تلحم لوحدها يفضل تتثبت من دلوقتي بشريحة احسن و لو سألت دكتور كبير هايقولك تتثبت افضل
لان الكسر دا حصل عندي و العضمة التانية دي مالحمتش لوحدها ولا حاجة و فضلنا مستنين سنة و نص انها تلحم و مالحمتش و كانت مسببالي الم رهيب في المشي و الحركة و مؤخرا عملت فيها عملية تانية مخصوص من شهرين و برضو ركبت فيها شريحة
مثال تاني لزوج واحدة صاحبتي برضو نفس الكسر و الدكتور ماثبتهاش و لحمت غلط و معووجة و اضطروا يعملوا فيها عملية يكسروها و يثبتوها تاني عدل
معلش يمكن كلامي يقلقك بس انا قلت انصحك و برضو استشيرا دكتور او اتنين كبار غير اللي عملكم العملية و ربنا يتم شفاه على الف خير و الحمد لله ان الاصابات كلها عظام بس لان من رحمة ربنا ان العضم بيلحم و بيرجع لطبيعته غير لا قدر الله اي اصابات تانية منعرفش كان ممكن تكون ايه
و ربنا يكفر بيه عن سيئاته و يجعله في ميزان حسناته ان شاء الله
الله يسلمكم جميعا
هو دلوقتي أحسن كتير
بقي يمشي 3 متر بعكاز و 2 ساندينه .... ده تقدم كبير جدا
الحمد لله