لو سمحتو ياشباب حد يفدنى الله يجزيكم خير

انا اسمى محمد من الاقصر فى عرض اتعرض عليا من كام يوم وانا فى حيره شديده مش عارف اعمل ايه فايريت اهل الخيره فى الاوبل يدلونى
فى عربيه اوبل فكترا موديل 1997 كامله اتوماتيك 2000سى سى مع واحد صحبى عايز يدهانى ب55 الف جنيه مع العلم العربيه راشه بره وعايزه شويه تعديلات فى حدود 3 الاف جنيه عشان ترجع تمام بس هى فيها شويه كماليات مش بطاله زى جنوط سبور _ زنون _كاسيت سى اصلى بتاع اوبل المهم مش هطول عليكم
انا كنت عايز اعرف هل السعر تمام ولا ده العادى دلوقتى
وبالنسبه فى الترخيص ايه ظروفه بعد التعديل الجديد يعنى هدفع كام فلوس كل ماهاجى ارخص
وثالثا واخيرا استهلاك الاوبل 2000 سىسى فى البنزين ايه ظروفه

والف شكر لكل الى هيسعدنى

بص يا سيدي ... انا هاقولك المفيد .. انا في شمال الصعيد و انت في الصعيد الجواني ... اول حاجه اسال عليها عندك علي قطع الغيار متوفره ولا لاء ... علشان ماعتقدش انها موجوده عندكم ...
تاني حاجه و هيا اهم حاجه .... حاله العربيه .. سيبك من الكماليات و الكلام الفاضي ده ... امسك اساس العربيه و شوف العربيه حالتها ايه .. و ايه اللي بايظ بالظبط .. و راجع عليها كلها .. لاءن الالماني غالي في قطع غياره بالذات في العفشه و الفرامل .. و دي الحاجات اللي ماينفعش تسترخص فيها ....
بالنسبه للسعر مقدرش افيدك فيه .. استني حد من شباب الاوبل يرد عليك ...
بالنسبه للترخيص هايبقي 2000 سيسي و هاتدفع 500 جنيه في السنه باين ...

عموماً استني برضه حد من شباب الاوبل يفيدك اكتر ...
(بس انا مانصحكش بيها ...)

اولا العربية سعرها غريب !!!
اسنهلاك البنزين هتلاقية عالى شوية دى 2.0 كامة واحدة
حاجات اية اللى ب 3الاف
معرفش اية نظام التوكيل والميكانيكية وقطع الغيار عندكوا انا مرة قابلت واحد فى التوكيل جاى من الزقازيق لأن مفيش حد هناك بيشتغل بيفهم فيها كلة بيفتى ويعك وهيا مش بتاعة عك

بيتهيألي السعر ده هنا كويس قوي..
بس ده علي اعتبار ان العربية هنا سوقها ماشي كويس جدا..
وتوكيلاتها كتير.. و قطع غيارها الاصلي متوفرة..
لكن عندك اهو بيشو جابلك المفيد..
وممكن يكون ده السبب اللي مخليه ينزل في سعر العربية شوية..
وقولنا برضه فيها ايه عايز تغيير ب 3 الاف جنيه..
العفشة كلها بالمساعدين بتاعتها اقل من الرقم ده وحتي لو بالطنابير..

اقتباس:

---

المشاركة الأصلية كتبت بواسطة Ahmad Allawy

العفشة كلها بالمساعدين بتاعتها اقل من الرقم ده وحتي لو بالطنابير..

---

دة جديد وللا مستعمل؟!!!
اذا كان طقم المساعدين بيدخللوا فى 1500 لوحدة برة التوكيل دة غير الطنابير والمقصات والبيض والبلى الواحدة ورا ب 500 بردوا برة التوكيل
فى التوكيل موضوع تانى خالص

اقتباس:

---

المشاركة الأصلية كتبت بواسطة NoNaMe

دة جديد وللا مستعمل؟!!!
اذا كان طقم المساعدين بيدخللوا فى 1500 لوحدة برة التوكيل دة غير الطنابير والمقصات والبيض والبلى الواحدة ورا ب 500 بردوا برة التوكيل
فى التوكيل موضوع تانى خالص

---

تمنهم بلشتاين الماني 1300 جنيه..
يمكن من غير تمن البلي.. ..
بس كده العربية هتغير عفشة كاملة..
لو الموضوع كده بس مش مشكلة.. برضه تعتبر معقولة مش كده..؟؟
لو بقية العربية زي الفل يعني و مش محتاجة مصاريف..
انا اصلي مش فيكتراوي..
انا كورساوي وانت عارف يا حمادة.. يعني اسعاري في الفيكترا تقريبية..
انتو ادري بالتفاصيل بقي..

اقتباس:

---

المشاركة الأصلية كتبت بواسطة Ahmad Allawy

تمنهم بلشتاين الماني 1300 جنيه..
يمكن من غير تمن البلي.. ..
بس كده العربية هتغير عفشة كاملة..
لو الموضوع كده بس مش مشكلة.. برضه تعتبر معقولة مش كده..؟؟
لو بقية العربية زي الفل يعني و مش محتاجة مصاريف..
انا اصلي مش فيكتراوي..
انا كورساوي وانت عارف يا حمادة.. يعني اسعاري في الفيكترا تقريبية..
انتو ادري بالتفاصيل بقي..

---

ياباشا ولا يهمك كلنا اوبلاوية ;)
بس حتى لو 1300 وعندك 1000 بليتين بس ورا ادى كدا 2300 ولسة مجبناش حاجة :)
فى التوكيل بقى ممكن تلاقى نفسك بتتكلم فى 5 او 6 االاف بلى عجل بس :)

بس احنا مش عارفين اية هنا اللى محتاج 3 الاف بردوا :)

العربيه عامله كام كيلو؟
السعر انا شايفه قليل كتير عن العادى
يمكن عشان عندكم مفيش قطع غيار ولا توكيل محترم؟

اولا اود ان اشكر كل من ساعدنى وبجد انتو رجاله قوى
ثانيا العربيه انا لسه كنت راكبها من شويه المروحه بتاعتها مش بتشتغل مع العربيه
بيشغلها بسلكتين من تحت كده (دايركت) على حد قوله
ثالثا بتعمل نتشه لما تيجى تطلع بيها قلى الفتيس عايز يتظبط
رابعا عايزه تظبيط فى العفشه يعنى مثلا لما تاخد مطب بتحس بيه قوى فى العربيه
خامسا وده الاهم التكيف مش شغال
ياريت ياشباب حد يفدينى اشتريها ولا ابعد عنها على الرغم ان قطع غيرها هنا شبه مدعومه بس انا بنزل القاهره كتير
والف مليون شكر

اقتباس:

---

المشاركة الأصلية كتبت بواسطة mimysheckles

العربيه عامله كام كيلو؟
السعر انا شايفه قليل كتير عن العادى
يمكن عشان عندكم مفيش قطع غيار ولا توكيل محترم؟

---

على فكره هى شبه العربيه الى فى الصوره مع اختلاف البيبان بس نفس اللون ونفس الفاونيس والجنط يشبه شويه

اقتباس:

---

المشاركة الأصلية كتبت بواسطة xx7mada

اولا اود ان اشكر كل من ساعدنى وبجد انتو رجاله قوى
ثانيا العربيه انا لسه كنت راكبها من شويه المروحه بتاعتها مش بتشتغل مع العربيه
بيشغلها بسلكتين من تحت كده (دايركت) على حد قوله
ثالثا بتعمل نتشه لما تيجى تطلع بيها قلى الفتيس عايز يتظبط
رابعا عايزه تظبيط فى العفشه يعنى مثلا لما تاخد مطب بتحس بيه قوى فى العربيه
خامسا وده الاهم التكيف مش شغال
ياريت ياشباب حد يفدينى اشتريها ولا ابعد عنها على الرغم ان قطع غيرها هنا شبه مدعومه بس انا بنزل القاهره كتير
والف مليون شكر

---

of course no it seems car condition is not good no one make bridge to connect the cooling fan especially Opel

اقتباس:

---

المشاركة الأصلية كتبت بواسطة xx7mada

اولا اود ان اشكر كل من ساعدنى وبجد انتو رجاله قوى
ثانيا العربيه انا لسه كنت راكبها من شويه المروحه بتاعتها مش بتشتغل مع العربيه
بيشغلها بسلكتين من تحت كده (دايركت) على حد قوله
ثالثا بتعمل نتشه لما تيجى تطلع بيها قلى الفتيس عايز يتظبط
رابعا عايزه تظبيط فى العفشه يعنى مثلا لما تاخد مطب بتحس بيه قوى فى العربيه
خامسا وده الاهم التكيف مش شغال
ياريت ياشباب حد يفدينى اشتريها ولا ابعد عنها على الرغم ان قطع غيرها هنا شبه مدعومه بس انا بنزل القاهره كتير
والف مليون شكر

---

يافندم لا شكر علي واجب..
و اكيد لو كنا نقدر نساعد اكتر من كده مكانش حد فينا هيتأخر..
موضوع المروحة اللي بيدورها بسلكتين ده مش مريح..
وده انا شايف فيه حاجة مش كويسة.. لسبب واحد..
ان ده معناه ان مفيش قطع غيار خالص.. وده وحش لأنك ممكن تكون في حاجات تعبانة في العربية و ماشي بيها كده لحد ما تلاقيها وتغيرها..
يا اما كمان ان الصنايعية اللي اشتغلوا في العربية وحشين.. وده اسوأ..لأن مش الاوبل اللي يتعمل فيها كده..
وممكن لو حد مش فاهم كويس لعب فيها يعمل مصايب.. ربنا يستر..
بيتهيألي الفتيس مش هو اللي محتاج ظبط.. مكن حاجات تانية.. بس مش عارف ايه بالظبط..
العفشة كمان فيها شغل.. وده هيبقي مكلف شوية..
موضوع قطع الغيار ده خطر شوية.. يا اما هتركنها لحد ما تجيب حاجة من القاهرة..

انا بصراحة رأيي متاخدهاش.. يا فرحتي فيها جنوط و زينون..
بس اساس العربية هيكلفك كتير عشان ترجع حالتها تطمن تمشي بيها..
رأيي تشوفلك هنا واحدة هتكون اغلي شوية.. بس هتبقي مرتاح فيها.. و مش هتصرف عليها كتير في حاجات اساسية.. عايز تصرف في دلع جنوط و زينون و كده براحتك.. لكن هتبقي حاجات مش ضرورية..
وبرضه استني رأي عفاريت الفيكترا هنا هيفيدوك اكتر..

ولو انت من النوع اللي ممكن تاخد عربية تشدها و كده.. لو عايز العربية دي تاخدها علي 50 او يمكن اقل كمان..
عشان هتفرمك شغل و الشغل ده هيتعمل هنا في القاهرة.. و قطع غيار كتير..

اقتباس:

---

المشاركة الأصلية كتبت بواسطة HISHAM80

of course no it seems car condition is not good no one make bridge to connect the cooling fan especially Opel

---

بالظبط كده .. شغل المسكنات ده ان دل علي شيء يدل علي ان العربيه متبهدله ...:scooter:

اقتباس:

---

المشاركة الأصلية كتبت بواسطة xx7mada

العربيه انا لسه كنت راكبها من شويه المروحه بتاعتها مش بتشتغل مع العربيه
بيشغلها بسلكتين من تحت كده (دايركت) على حد قوله
ثالثا بتعمل نتشه لما تيجى تطلع بيها قلى الفتيس عايز يتظبط
رابعا عايزه تظبيط فى العفشه يعنى مثلا لما تاخد مطب بتحس بيه قوى فى العربيه
خامسا وده الاهم التكيف مش شغال
ياريت ياشباب حد يفدينى اشتريها ولا ابعد عنها على الرغم ان قطع غيرها هنا شبه مدعومه بس انا بنزل القاهره كتير
والف مليون شكر

---

اقتباس:

---

المشاركة الأصلية كتبت بواسطة xx7mada

على فكره هى شبه العربيه الى فى الصوره مع اختلاف البيبان بس نفس اللون ونفس الفاونيس والجنط يشبه شويه

---

واضح ان العربيه متبهدله
كان من الاسهل تقول ايه اللى فيها سليم :)
شوف انا رأيى هيبقى مختلف عن شباب اوبل اللى سبقونى بس مش معاكس ليهم
يعنى ايه؟
يعنى انا من رأيى تشوفلك عربيه ليها مركز صيانه معتمد وقطع غيار متوفره عندكوا
عشان هتتعب لو جبت عربيه تحفه زى الفكترا بس كل ما يحصل حاجة لا قدر الله تدوخ على ما تصلحها او تعرف العيب فيها ايه ده بعد ما الناس اللى بتفتى تكون بوظتلك حاجات تانيه بجانب المشكله الاساسية

بالنسبة للعربيه دى واضح انها كانت بتاعت شاب وغاوى ترويش وجرى وتنطيط وبهدل عفشه العربيه والموتور
طبعا صعب اقولك روح اكشف على الموتور شوف حالته ايه
انا من رأيى ابعد عن العربيه دى
وابعد عن اوبل لو ملوش قطع غيار ولا خدمه كويسه عندكوا
العربية بتبقى اكنك فاتح بيت ولازم تراعيها وتصونها كل شويه
بجد هتتعب لو الحاجات اللى فولتلك عليها مش متوفره

انا جيت متاخر زي كل مرة بس طبعا احمد و محمد و noname قايمين بالواجب
بص يا باشا انا مش مستريح للسعر دة العربية دي لو نضيفة بالجنط و الزينون اللي فيها مش هتقل عن 58000 بس حكاية المروحه اللي بتشتغل بسلكتين دي ما تتعملش في الاوبل عيب اوي يعني انا كنت هشتري من واحد صاحبي فكترا بردة و كانت حلوة و لاقيته عامل نفس حكاية المروحه دي فكيت نفسي علي طول
حاجة من الاتنين يا هو مهمل عشان يسيب العربية بتاعتة كده يا هو غصب عنه عشان مافيش قطع غيار
و تظبيط عفشة يعني اية اقل تظبيط عفشة في الفكترا يعني شوية جلب مش اقل من 1000 جنية دة غير المساعدين و البلي و حاجات تانية ممكن تتطلعلك
و انتوا نسيتوا التكييف اللي مش شغال برده ممكن يكون حاجة صغير و ممكن لا قدر الله لا كباس مثلا
لو الموضوع في دماغك قوي اسال علي قطع غيارها عندك و الميكانيكية بتوعها و حاول ترفعها و تبقي متاكد جدا هو زي ما noname قال سعرها غريب

ان متغاظ قوي من حكاية المروحه مش الاوبل اللي يحصل فيها كده:arghh:

معلش انا جيت متاخر قوى
بس الحالة اللى انت بتوصفها كدة للعربية دى حالة صعبة قوى لعربية اوبل
واضح جدا ان صاحب العربية مش مهتم بيها والعربية متبهدلة ومن راى اى عربية اوبل متبدهلة هتصرف عليها كتير قوى بس مش هتقدر ترجعها لحالها

اقتباس:

---

المشاركة الأصلية كتبت بواسطة xx7mada

ثانيا العربيه انا لسه كنت راكبها من شويه المروحه بتاعتها مش بتشتغل مع العربيه
بيشغلها بسلكتين من تحت كده (دايركت) على حد قوله

---

انا المنظر دة لو شوفتة فى 128 مش هشتريها..حراااام يعنى
كدة حالة العربيى باينة اوى يعنى مستنى حالة العربية تبقى عاملة ازاى من واحد بيدور المروحة بسلكتين !!!!! دة هتلاقى فيها لعب وعك وبهدلة للصبح
ابعد عنها العربية بالمنظر دة هتفتح معاك مصاريف بالهبل دة اذا كان على كلامك انت ومن غير لما تكشف عايز شغل عفشة وميانيكا ودورة التبريد والتكييف
وبعدين قطع الغيار عندك شبة معدومة وهى كل لما يحصل فيها حاجة هتركنها لحد ماتنزل مصر تجيبها وترجع !!! وممعنى ان قطع غيارها معدومة ان تقريبا مفيش حد عارف فيها يعنى اذا كان حد اشتغل فيها يبقى شغل عك زى موضوع المروحة دة

اشترى دماغك..

متشكرين قوى ياجماعه على الافاده دى
بس العربيه عجبانى قوى يعنى مينفعش اخدها واجى بيها القاهره واظبط الحاجات الى فيها دى
وعلى فكره هوه صحاب العربيه شاب روش وبيقولى انه كان مهتم بالعربيه بس هوه معزور اليومين دول عشان كده عايز 55 الف غير كده كان بعها باكتر من السعر ده

ايه رائكم اعمل ايه

اقتباس:

---

المشاركة الأصلية كتبت بواسطة xx7mada

متشكرين قوى ياجماعه على الافاده دى
بس العربيه عجبانى قوى يعنى مينفعش اخدها واجى بيها القاهره واظبط الحاجات الى فيها دى
وعلى فكره هوه صحاب العربيه شاب روش وبيقولى انه كان مهتم بالعربيه بس هوه معزور اليومين دول عشان كده عايز 55 الف غير كده كان بعها باكتر من السعر ده

ايه رائكم اعمل ايه

---

والله لو العربية داخلة دماغك قوي..
هاتها و تعالي اكشف عليها هنا..
وشوف هتكلفك تصليح كام..
وشوف الموضوع مستاهل همه ولا لأ..
ده بس عشان هي عاجباك.. مش عشان حالة العربية..

اقتباس:

---

المشاركة الأصلية كتبت بواسطة xx7mada

متشكرين قوى ياجماعه على الافاده دى
بس العربيه عجبانى قوى يعنى مينفعش اخدها واجى بيها القاهره واظبط الحاجات الى فيها دى
وعلى فكره هوه صحاب العربيه شاب روش وبيقولى انه كان مهتم بالعربيه بس هوه معزور اليومين دول عشان كده عايز 55 الف غير كده كان بعها باكتر من السعر ده

ايه رائكم اعمل ايه

---

من الكلام اللى بتقولة ازاى يعنى مهتم بيها..اومال لو مش مهتم؟؟!!!
لو عجباك الفكترا دور على حالة نضيفة
عموما انت طلبت رأينا وفى الاول والاخر دة قرارك ورأيك انت

متشكر قوى ياحمد انت ونونمى وكل اللى ساهم فى افداتى
وعلى رائكم انا اجى مصر ادور على حاله نضيفه احسن
بس رائكم القى فين اوبا فكترا حاله نضيفه وهتكون فى حدود كام