جات على البنزين
يالا معادتش تفرق :angry26:
جات على البنزين
يالا معادتش تفرق :angry26:
حتي مع استخدام المواصلات هتكون اسعارها عالية دا غير تاثيره علي نقل اي حاجة و اسعار الاكل هتولع
مكتوب ان الميكروباصات هتاخد 3200 لتر
استهلاك الميكروباصات التويوتا
الموتور الديزل
موتور سعته2982 سى سى
4 سليندر فى خط واحد
اقصى عزم 286 عند 1200 rbm
ونظام الوقود حقن متعدد النقاط
معدل استهلاك الوقود 9.3 لتر لكل 100 كم
بناقل حركة مانيول من 5 سرعات والفئة الاخرى بناقل حركة اتوماتيك من 4 سرعات
يعني ال 3200 يكفوا تقريبا 30000 كيلو في السنة
يعني تقريبا 85 كيلو في اليوم
يعني الميكروباص الي بيروح اكتوبر او التجمع او حلوان
هيخلص حصته من اول طلعة ليه في اليوم
هيكمل بقية اليوم بالسعر الحر الي احنا هندفعه
دا في الوقت الي المفروض الناس الي هتتجه لاستخدام المواصلات هتزيد
كدا اصلا الي مكانش عنده عربية و بيستخدم مواصلات هو اكتر واحد هيتنفخ
يأبن اللذينهاقتباس:
المشاركة الأصلية كتبت بواسطة Sehsss
:36_2_33::36_2_33:اقتباس:
المشاركة الأصلية كتبت بواسطة m.nabeeh
لما يبقي متوسط مرتبات المصريين زي برا يبقي نتحاسب علي البنزين زيهماقتباس:
الراجل حاطط المتوسط الادنى و ده مش عيب
لو عرفنا ان الوقود برة مصر في متوسط سعر 8 جنيه للمستهلك حنعرف ان حتى ال 3 جنيه مش وحش
عايزين يخلوا لتر البنزين ب 3 جنيه ؟
لا يا عم خليه ب 10 جنيه
بس ارفع دخلي بنفس النسبة و انا موافق على الكلام ده
لكن ترفع سعر السلعة مع ثبات الدخل يبقى كده الحكومة بتسرقنا بالاكره
بصراحة فكرة ممتازة ولكن
كمية البنزين المدعم لازم تزيد ولتكن مثلا (2000 لتر سنوى ) بحسبة متوسط حركة السيارات الملاكى وبسعر 1.5 جنيه وليس 1 جنيه والباقى بالسعر الحقيقى
ولكن بالنسبة للسولار لازم تزيد كمية السنوية المدعمة لان بالطريقة دى كل حاجة هتزيد فى البلد .
+!11111111111111111111111اقتباس:
المشاركة الأصلية كتبت بواسطة mazagangee
حرام بجد كل حاجه هتولع دا الجاز لما غلي اتنين جنيه السوقين رفعو الاجره للضعف
الناس دي مش حاسه بالي الناس بتعيشه
افشل مرحله تعيشها مصر بجد ولي يوم من ايام النظام القديم
باشااقتباس:
المشاركة الأصلية كتبت بواسطة ahmedkhairy
ممكن تشرحلي ايه وجه الامتياز في البلوة السودة دي ؟
والله عال العال
أنا بستهلك يوميا 10 لتر بنزين
يعني المشروع الجبار ده يكفيني 100 يوم من 365 يوم في السنة ب 1000ج
يعني 2650 لتر بنزين ب 3ج
يعني حوالي 8000 جنيه غير الـ 1000 الأولانية يعني 9000 جنيه
عشان أروح وارجع من شغلي بس بدون أي مشاوير منيلة بستين نيلة تانية
يعني اللتر واقف عليا ب 2.47ج
يعني زيادة 33% مصاريف بنزين
يعني استهبال وضرب على قفا المواطن المصري
يعني (....................)
يعني كل واحد (....................)
يعني من الآخر كده (........................)
الله يخرب بيوتكوا ياللي ماسكينها هتضيعونا أكتر ما احنا ضايعين
200 لتر بنزين مدعم شهريا لمالك السيارة الخاصة
القاهرة ـ طاهر سليمان:
http://www.ahram.org.eg/MediaFiles//...2012_55_39.jpg
انتهت الهيئة العامة للبترول من إعداد منظومة متكاملة وبرنامج زمني يتم تنفيذه علي مدي السنوات الخمس المقبلة لترشيد دعم المواد البترولية بالموازنة العامة للدولة.
وتتضمن المنظومة عددا من الاجراءات لخفض قيمة دعم المنتجات البترولية بنحو35 مليار جنيه خلال السنة الاولي, والمعروف ان حجم الدعم بالموازنة الاخيرة وصل لنحو110 مليارات جنيه.
وتشمل المنظومة تحديد قيم مالية تمثل حصصا مدعمة يحصل عليها الافراد بالاسعار الحالية, تمثل متوسط الاستخدامات النمطية لهذه المنتجات, واقترحت المنظومة والمعروضة حاليا علي مجلس الوزراء وهناك اتجاه لإقراره بالفعل تعديل سعر بيع البنزين95 ليتناسب مع سعر التكلفة, مع بيع كوبونات لمالكي السيارات المستخدمة للبنزين عن طريق دفتر كوبونات بقيمة2500 جنيه لكل سيارة بما يعادل نحو200 لتر شهريا لكل سيارة اي نحو6 لترات يوميا تقريبا يتم توزيعها عند ترخيص السيارة كل عام. وما يزيد عن هذه القيمة المدعمة سيتم بيعه بأسعار مختلفة, وسيتم تطبيق هذه المنظومة علي مبيعات السولار ولكن بكميات واسعار مختلفة. وبالنسبة للغاز الطبيعي فقد تم تعديل اسعار الغاز للصناعات كثيفة الاستخدام للطاقة وبعض الصناعات الاخري بنسبة30% بدءا من العام الحالي, وتتضمن المنظومة بيع الغاز الطبيعي لمصانع الاسمدة طبقا لمعادلة سعرية ترتبط بسعر بيع المنتج النهائي بحد ادني4 دولارات للمليون وحدة حرارية وذلك بالنسبة للمصانع التي تقوم بتصدير جزء من انتاجها للخارج. وتلتزم المصانع التي تعتمد علي الغاز كمادة خام أو كوقود بسداد جزء من مسحوباتها بالدولار بما يعادل نسبة ما يتم تصديره للخارج من المنتج النهائي. وبالنسبة للسوق المحلية وهو ما يخص الفلاح يظل سعر ما يستهلكه من منتجات بترولية كما هو دون تغيير, وتشمل ايضا ترشيد دعم اسطوانات البوتاجاز عن طريق توزيع كوبونات للمستحقين اعتبارا من الشهر الحالي, وبالنسبة للمازوت تتضمن المنظومة تعديل اسعاره لتصبح1250 جنيها للطن لانه يستخدم لاغراض صناعية, وبذلك نضمن وصول الدعم لمستحقيه. وتتضمن منظومة ترشيد الدعم تغليظ عقوبات التعامل غير القانوني في التداول او الاستخدام او غش اي منتج بترولي وتكون عقوبته السجن المشدد.
وصرح المهندس هاني ضاحي الرئيس التنفيذي لهيئة البترول بان الهيئة تقدمت بالدراسة الي مجلس الوزراء لضمان وصول دعم المنتجات البترولية الي مستحقيه وترشيد قيمة الدعم في الموازنة العامة للدولة وذلك في منظومة متكاملة ومقترحات ببرنامج زمني وتشتمل علي عدة اسس من بينها الربط بين اسعار الوقود المختلفة حسب المحتوي الحراري لها, ومراعاة الخدمات التي تقدم لعدد كبير من المستخدمين من المواطنين خاصة من يستخدمون النقل العام او نقل السلع الغذائية او الزراعية, والتوسع في توصيل الغاز الطبيعي للمنازل وقمائن الطوب والمنشآت التجارية والصناعية المرخصة وتموين السيارات بغرض تخفيض استهلاك البنزين والبوتاجاز والسولار, مع تشديد الرقابة علي تداول المنتجات المدعمة في الاسواق, واستمرار التوسع في خطط توصيل الغاز الطبيعي للمنازل والمنشآت السياحية والصناعية مثل قمائن الطوب والمصانع والتوسع في انشاء محطات تموين السيارات بالغاز الطبيعي ومحطات خاصة لسيارات هيئة النقل العام في مناطق تجمعها.
واضاف ضاحي ان الخطة تتضمن التأكيد علي كافة الجهات الحكومية لتحويل السيارات العاملة بها لتعمل بالغاز الطبيعي خلال فترات زمنية محددة تتناسب مع انشاء محطات تمويل السيارات بالغاز علي مستوي الجمهورية, مع توجيه هيئة النقل العام وشركات نقل الركاب الخاصة والعامة وجميع الجهات الحكومية عند اصدار خطط الاحلال والتجديد للسيارات او شراء سيارات جديدة ان تعمل بالغاز الطبيعي, مع ربط الاستخدامات الترفيهية مثل اليخوت والمراكب العائمة علي محطات تمويل معينة لبيع السولار لها بالاسعار العالمية, ومراجعة عدد ساعات العمل بالمحلات التجارية اسوة بالمطبق في امريكا واوروبا, وتعزيز الاستفادة من مصادر الطاقة الجديدة والمتجددة وتحفيز المستثمرين لاقامة مشروعات لانتاج هذه الطاقة, ودعم وبيع السخانات الشمسية عن طريق تقديم تسهيلات من البنوك, ودعم دور البحث العلمي للبحث عن وسائل جديدة مثل البيوجاز, مع بدء حملة قومية لترشيد استهلاك الطاقة.
رغم ان استخدامى قليل
والـ 200 لتر يكفونى وزيادة كمان
بس انا ضد هذه القرارات
ضد انهم يخنقونى اكتر ما انا مخنوق
كل شيئ عاوزيين يحددوه من أول النسل
الى الانترنت
الى اسطوانات الغاز
الى البنزين
وياريتنا بناخد خدمات حقيقية
كل حاجه بالطوابير وبالغم الأزلى
عندك الزيوت فين الدعم اللى عليها
بالعكس اسعارها اغلى من اى مكان فى العالم
أى حد جاى من بره يسمع سعر جركن الزيت بيجيله صرع
سعر الزيوت تتضاعف كام مرة فى الكام سنة الماصية
ده غير المصاريف والرسوم والضرائب اللى بيخدوها فى المرور
مش هما رفعوا اسعار الترخيص والضرائب للعربيات الأعلى من 1600 سى سى
علشان البنزين بردو
جايين يرفعوا دلوقتى من حته تانية
ده غير الجمارك والهبل اللى بيحصل فيها
ربنا ينتقم منهم دنيا وآخرة
بلد الكوبونات
بعد نجاح تجربة كوبون البوتاجاز
وكوبون العيش المدعم
وكوبون البنزين
قريبا فى مصر
كوبون الهواء
والانترنت المحدود
:36_2_55[1]:
الهواء ياجماعه مورد هام من موارد الدولة
والحكومة بتبذل جهود مضنية وبتدفع استثمارات كبيرة لتنقية الهواء
والحصول على اوكسوجين لإتمام عملية التنفس والتمثيل الغذائى
وديه صورة لقناع الوجه اللى هيستخدمه المواطنين المصريين قريبا
[img3]http://img641.imageshack.us/img641/2167/1332021.jpg[/img3]
للمزيد من التفاصيل عن هذا الإختراع زوروا الموضوع التالى
http://www.nilemotors.net/Nile/248610-o-oo-oo-o-43.html
حسبي الله ونعم الوكيل على دي وزارة ودي قرارات كلها غلط في غلط يعني نعمل ايه المفروض نولع بعربياتنا بالالف لتر اللي في السنة دول ولا نعمل ايه بالزبط ياعم عايزين يشيلوا الدعم خالص ماشي يتشال مفيش مانع بس يدولنا مرتبات زي العالم ويبطلوا يسرقونا بان العربية عندنا بثمنها 3 مرات برة البلد دي حاجة تحرق الدم بجد
والله فكرة ممتازة ياريت تتنفذ حتى لو هدفع اكتر بس هتكون المصلحه اكبر
ده في ناس بتنزل السوبرماركت على اول الشارع بالعربية
انا استهلاكى 3500 كيلو شهريا يعنى اجمالى 4000 لتر سنوى
يعنى هادفع بعد الالف لتر الاولى 9 الاف جنيه + الاف الاصليه يعنى 10 الاف جنيه سنويا بنزين
دول تقريبا 2600 زياده عن التكلفه الحاليه ل 4000 لتر ينزين 92 اللى باحطه
الحمد لله من قبل ومن بعد, والله ربنا هايحاسبنى حساب عسير على الفلوس اللى دفعتها فى العربيه دى وفيه ناس مش لاقيه العيش الحاف وانا بافكر ف البنزين!!!
ردا بس علي الناس اللي بتقول تاخد فلوس زي بره و بعدين يحاسبوهم اللتر ب 8 ج زي باقي العالم ..
في المانيا ( كمثال ) متوسط الدخل اقل من 1100 يورو للفرد و سعر اللتر 1.4 يورو ..
و بالقياس علي مصر ..
مين فيكم يا أساتذه معاه عربيه و دخله أقل من 1100 جنيه ؟؟
لكن بره مفيش لف في الشوارع و مفيش حد بيسكن بعيد عن شغله ب 150 كم !! و طبعا الطرق موفره للبنزين لأنها ما بتوقفش كتير ..
و في النهايه هوا قرار مش وقته خاااالص
تعالو نتكلم بموضوعية
دلوقت الوقود المدعم ده بيكلف الدولة مليارات
وفي نفس الوقت
الفقراء بيستخدمه
والاغنياء بيستخدموه
الافراد بيستخدموه والشركات بيستخدموه
...
يعني بيستفيد من الدعم ابو العينين .... ومنصور عامر .... وكل مليونيرات مصر
وبيستفيد منه الاجانب اللي في مصر
وبيستفيد منه شركات السياحة
وبيستفيد منه الشركات الاستثمارية
وبيستفيد منه السفارات والبعثات الديبلوماسية
اكتر من كدة بيتهرب برة مصر بالاسعار العالمية
وبالتحديد الى غزة عبر الانفاق
....
يبقى المنطق بيقول اننا لازم نرشد استخدامه
انا مؤيد للقرار ده
بس ممكن نراجع الكميات المخصصة لكل سيارة
ممكن نطالب باعادة النظر في الحصص السنوية دي
لكن المبدأ لا بد منه ..
... والشق الثاني اللي لابد منه هو الخبز
اللي البلد بتدعمه والناس بيأكلوه للبهايم والفراخ
لازم برضو يتم ترشيده باي طريقة
الي شايفه انه يبقى باقات , يعني انا مثلا يكفيني ف السنه 1200 لتر
غيري يكفيه 600 لتر
غيري هايحتاج 5000 لتر
كل واحد يبقى ليه حصه حسب استهلاكه و علي اساسها تتاخد الضريبه و هكذا
لكن نظام اني هاخد عدد معين من اللترات دا كلام مش مظبوط و لو اتطبق يبقى الحكومه بتاعتنا شويه حراميه عايزين يخنقو علي الشعب و يسرقوه اكتر ماهو مسروق !
فعلا اكيد مش معقوله هيوحدوا اسعار البنزين اكيد ده لل80 واللى تزيد مشاويره عن كده يحط 90 بقى او 92