ياريت وحوش الاسبرانزا يساعدونى !!

**ahmedg0g0** · 05-03-2012 11:39 AM

بسم الله الرحمن الرحيم

السلام عليك و رحمة الله

انا قررت اشترى عربية زيرو و ربنا يخلينا الصين
انا معايا لادا 2105 طبعا غنية عن التعريف مش هغلط فيها كتيـــر :D المهم انها كرهتنى فى العربيات و المستعمل بس لما احب اروح خناقة باخدها معايا
قولت اجرب الجديد بقى و لاقيت ان اسبرانزا فىها اوبشن حلوة و فى نفس الوقت سعرها حنين فى عربيتيــن عجبونى a516 و a113

المهم بقى انى عايزكم تساعدونى فى الاختيار و انا لسه مش عارف الاسعار بظبط ياريت تفيدونى
مع العلم بردو ان فى ناس كتيــــــــــــر قالولى انى اصلا غلط لما فكرت انى اشترى صينى طبعا السبب معروووووف مصر كلها بتخاف من الصينى و انا اولهم بس انا شايف ان العربية انتشرت اوى و ماشيه اهى بس يهمنى رأيكم طبعا انتوا جربتوها و اسأل مجرب !
عشان ماطولش عليكم انا طمعان فى كرمكم هتعبكم شوية
انا عايز شرح تفصيلى ممل جدا جدا جدا
عن مميزات العربيتين دول و لو فى احسن منهم بردو قولو ماتتكسفوش
انا عايز الموضووووع ده يبقى مرجع لاى واحد فكر فى يوم انه يشترى صينى
اسيبكم بقى تردو

**mramzy** · 05-03-2012 12:45 PM

ههههههههههههههههههههههههه ههههههههههههههههههههههههه ههه
انا عندى 516 عربيه وحشه وبايخه ومالهاش لازمه
قبل منها كان عندى ماتركيس 2006 اتوماتيك
وعلاشن كده لو فكرت انى اغير الاسبرانزا
هاشترى اسبرنزا بس مش هاتابع مع الوكيل فيه مراكز كتير احسن وارخص
وصناعيه برضه كتير بقت بتفهم فيها

**ahmedg0g0** · 05-03-2012 05:53 PM

شكرا على الرد يا استاذ رمزى
بس ازاى بايخة ؟ هههه
غريبة فى العربيات دى ...... يعنى فعلا لما ركبت دى زعلت على الماتركس ؟؟؟؟

**osa92003** · 05-03-2012 07:07 PM

هو حضرتك لسه بتقول الصينى وحش هههههههههه يابشا العربيات الصينى زاد تمنها فى مصر مش اقل من عشره الاف جنيه شوف الاسبرنزا والبرليانس وغيره كتير وطبعا تمنها زاد لانها وحشه ويييييع كمان ههههههه اللى عايز اقوله لك ان غبور اعلن من يومين ان انتاج الفيرنا وقف وهيصنع ايه ؟؟ المفاجاه صينى جيلى اللى هى وحشه
ياباشا المارد الصينى زى المارد الكورى قبل كده داخل بقوه والعربيات زى الفل وفيه اوبشن كتير جدا وباسعار معقوله وزى كل العربيات حافظ على العربيه دايما تريحك

**hugan** · 05-03-2012 08:59 PM

90000 كيلو استهلاك
احسن من عريات تانيه كتير واغلي منها في السعر

كل اللي عايزه من عربيه تلاقيه فيها
الكلام علي ال 516

**ALshahba** · 13-03-2012 02:30 PM

لو عايز عربية كبيره وواسعه للاسره وليك ...... اشتري 516
لو استخدام شخصي او عائلة صغيره.............. اشتري 113

وبصفة عامة لاتتوقع انك حتلاقي اسبيرانزا العربية اللي مافيهاش غلطه !!! حتلاقي فيها بعض المشاكل ... ولكن حاجات خفيفه لا تعوق عن الحركه وصيانتها فى الوكيل متاحه وسهله

وللعلم ممكن تواجه فيها مشكلة ولكنك متقبلها بروح خفيفه .... كده حتعيش معاك عمر كويس وبدون مشاكل

ولو خايف من الصيني .... خد تمنه واشتري كوري مستعمل

**khaled_Saga** · 13-03-2012 02:53 PM

المشاركة الأصلية كتبت بواسطة alshahba

لو عايز عربية كبيره وواسعه للاسره وليك ...... اشتري 516
لو استخدام شخصي او عائلة صغيره.............. اشتري 113

وبصفة عامة لاتتوقع انك حتلاقي اسبيرانزا العربية اللي مافيهاش غلطه !!! حتلاقي فيها بعض المشاكل ... ولكن حاجات خفيفه لا تعوق عن الحركه وصيانتها فى الوكيل متاحه وسهله

وللعلم ممكن تواجه فيها مشكلة ولكنك متقبلها بروح خفيفه .... كده حتعيش معاك عمر كويس وبدون مشاكل

ولو خايف من الصيني .... خد تمنه واشتري كوري مستعمل

كلام سليم .. الاختيار بين ال 516 و ال 113 يرجع ليك حسب نمط الاستخدام
اما عن العيوب والمميزات فأعتقد عيوب ومميزات العربيتين مش هتفرق كتير بم انهم اسبرنزات انما بصفة عامة عن المميزات والعيوب دور فى المنتدى هتلاقى موضوعات مكتوبة بالتفصيل
رأييى متشتريش مستعمل نهائى نهائى (انا فهمت من كلامك (صاحب الموضوع) انك رافض المستعمل وانا أؤيد الرأى ده). انا كان معايا جولييت كورى بتاعت بلادها بس كانت معاقين وعليها مشاكل وحوارات ده غير المصاريف كل شوية وبعض العيوب الشايعة فى اللانوس من عدم اتزان وثبات وغيره فغيرت لاسبرنزا ام 11 زيرو. مفيش شك فيها بعض المشاكل ولكن بعد مرور سنة و 10500 كم الحمد لله موقفتش كسفتنى فى مرة كلها بس شوية اصوات تزييق او تصفير او صوصوة على حاجة عايزة تتظبط فى التوكيل وهكذا واعتقد ده حال كل العربيات.