الموضوع: كابلات التليفون اتسرقت !! ما الحل !

سلام عليكم

الحمد لله الخطوط رجعت ومده قطعها استمرت حوالى اسبوعين بالظبط

المشاركة الأصلية كتبت بواسطة night_whisper

حصل الموضوع دة عندنا من كام شهر و قاعدنا شهرين و نصف بدون تليفون
مفيش حل الا usb internet
لان الموضوع دة بيأخذ وقت عقبال ما يركبوا كابلات جديدة

انا فعلا عملت زى ما حضرتك قلت شحنت ف نفس الشهر اول مره ب 50 ادتنى جيجا ونص خلصوا شحنت ب 150 ادتنى 7 جيجا فاضل منهم 5 جيجا لسبب واحد ان الحمد لله التليفونات اتصلحت

المشاركة الأصلية كتبت بواسطة mahmoudyoussif

انت زعلان عشان لسه مسروق .... طب ايه قولك انو مسروق عندنا من 6 اشهر وجابولنا فاتوره كمان

معلش ربنا يعوض عليكم .. اشتكوا فيهم كتير

المشاركة الأصلية كتبت بواسطة bunsh_fox

ربنا يعوض عليك ان شاء الله وينتقم منهم واحد واحد ,, وبالنسبة للفلاشة خليك فى الاشتراك شهرى (فاتورة) افضل من كروووت =يعنى بتديك 7 جيجا فى شهر مقابل 175 جند وبعد 7 جيجا يطبق سياسة استخدام ام عادل !!!




على رأيك !!
دوووول بقوااا شربة خلاص ...

الحمد لله انها رجعت وربنا يعوض علينا وعليك انا فعلا عملت كده ب 150 جنيه ف موبنيل اخدت 7 جيجا ونت صاروخ بأمانه وبعد ما يخلصوا بتنزل السرعه ل 64

المشاركة الأصلية كتبت بواسطة mr_safwt

احنا بقالنا شهرين فى عين شمس مقطوع ومجاش لسة
تقريبا شركات الموبيل بتدى نسبة للى بيسرقوا الكابلات عشان يخلوا الناس تشغل الموديم

اه عندى صحابى هناك بيقولولى ان بدؤا تركيب هناك بس فى اول المنطقه واخرها فى حته كده الجيش مش عارف يحمى الكابلات فيها ف هيعملوا اسمنت مسلح يدفنوا تحتوا الكابلات وهياخد وقت

المشاركة الأصلية كتبت بواسطة mohabelnegm

يظهر أن الموضوع ممنهج و منظم! هنا فى شرم الشيخ لسه الكابلات مسروقة من أسبوع لمنطقة الغرقانة كلها و الموضوع ده مش أول مرة يحصل بعد الثورة.

هو فعلا ممنهج واللى سارقين عارفين مكان الكابلات وغالبا حد من الشركه نفسها

المشاركة الأصلية كتبت بواسطة shaddadfalcon1

حصل معايا وفضلت كتيير رايح جي علي السنترال وفي الأخر الراجل جاب الشركه ورحت انا دفعت فلوس للعمال اللي هيحفرو يركبو السلوك الجديده

الحمد لله انه رجعلك