حاجه غريبه في الزجاج الامامي

**HeMa_LanCeR** · 03-06-2008 08:15 PM

يا شباب انا الزجاج عندي اتكسر من شهر كده وده كان بسبب حاجه عندي في الاكاديميه وقعت عليه
المهم روجت غيرته ب جريش وكان عامل 310 وطبعا فكينا قاعده المرايا علشان نلزقها المهم اتفكت وكله تمام وبعد اسبوع لاحظت ان في شرخ شكله مدور عند الحته بتاعت المرايا فا روحت للراجل قالي ماتقلقش بس ماتحمل علي المرايا جامد وفعلا من ساعتها ما جتش جنبها المهم امبارح لقيت المرايا وقعت والشرح سرح بتاع واحد سنتيمتر كده قولت لأ اروح الحقه وفعلا روحت عملته بالماده اللي بتوقفه وبعد كده فوجئت انهارده ان الشرح كبر بتاع 3 سنتيمتر كمان

انا سؤالي هنا ان الراجل وهو بيلحم الازاز قالي ان السبب في شرخه هو اللزق المستخدم في المرايا لأنه مع الشمس بيشد وطبعا شد الازاز معاه وانه ليه لزق مخصوص
فا انا عايز اعرف هل الكلام ده صحيح مع العلم اني مش هغير الازاز غير لما الرخص تتسحب وابقي اروح اجيبها غير كده هسيبه حرام ازازين في كام شهر

**Goodle** · 03-06-2008 08:55 PM

ربنا يعوض عليك

بانتظار ردود الخبراء

**mrghost** · 03-06-2008 09:46 PM

جرب تروح لواحد تانى واسأله يمكن يعرف يعالجهولك وربنا يعوض عليك

**boty50** · 03-06-2008 09:53 PM

هو فعلا" عزيزي لية لزق مخصوص
وبييجي في انبوبة صغيرة جدا ولها بوز
زي القطارة ، والمفروض مايعملش اي
شد او ضرر للزجاج

انصحك تروح مرة تانية وتصلحة
بس شوف التصليح راح ياخد كام علي
الشرخ الجديد مع العلم انة بيكون فية اثر
خفيف او بسيط بواقي الشرخ

فيعني احسبها صح انك تعالج او تغير مرة
ثانية الزجاج علشان مكان المرايا كدة حايبقي
تحتة لحام او انك تغبر مكان المرايا تحت او فوق
شوية علشان التحميل مايكونش علي نفس المكان

وبعدين لما تيجي تلصق المرايا ، فك قطعة الحديد
اللي بتركب فيها المراية وركبها وظبطها كويس بالمكان
وسيبها لمدة يوم كدة تلصق بدون مراية بعدين ركب
المراية فيها واربط علي مسمار الربط بالراحة

وربنا معاك

**moby** · 03-06-2008 11:15 PM

المشاركة الأصلية كتبت بواسطة boty50

هو فعلا" عزيزي لية لزق مخصوص
وبييجي في انبوبة صغيرة جدا ولها بوز
زي القطارة ، والمفروض مايعملش اي
شد او ضرر للزجاج

انصحك تروح مرة تانية وتصلحة
بس شوف التصليح راح ياخد كام علي
الشرخ الجديد مع العلم انة بيكون فية اثر
خفيف او بسيط بواقي الشرخ

فيعني احسبها صح انك تعالج او تغير مرة
ثانية الزجاج علشان مكان المرايا كدة حايبقي
تحتة لحام او انك تغبر مكان المرايا تحت او فوق
شوية علشان التحميل مايكونش علي نفس المكان

وبعدين لما تيجي تلصق المرايا ، فك قطعة الحديد
اللي بتركب فيها المراية وركبها وظبطها كويس بالمكان
وسيبها لمدة يوم كدة تلصق بدون مراية بعدين ركب
المراية فيها واربط علي مسمار الربط بالراحة

وربنا معاك

عزيزى
ممكن أعرف الاصق يباع فين ؟؟
لأنى محتاجه ضرورى لأنى أعانى من مشكلة الاصق ..
ولك خالص الشكر

**medozaed** · 03-06-2008 11:20 PM

ماظنش ان سبب الشرخ ده لزق المرايه يعنى الزق دا قوى لدرجه انه يكسر الزجاج لما يتمدد دا الزجاج بيبقى قوى جداا ممكن الازاز الى انتا كنت جايبه يكون فيه عيب صناعه او شرخ مكانش باين او كان متدارى تحت قعده المرايه

**boty50** · 03-06-2008 11:46 PM

عزيزي موبي

اسف جدا" لأني ماعرفش أماكن البيع في مصر
لأني مقيم بالكويت حاليا

عندنا هنا بيتباع عند الوكيل زي الغانم وكيل شيفورلية
لأن من زمان قوي قوي وهم بيركبوا المرايات في الزجاج
بعكس الياباني زمان كان بيبقي في السقف

انا بس حبي احط صورة للتوضيح علشان يبقي سهل
علي اي يشتري زيه

**HeMa_LanCeR** · 04-06-2008 02:42 PM

اشكر كل من قام بالرد علي موضوعي
وانا سألت عند كذا واحد أن الزجاج يتصلح فقالي هيتراوح سعره في التصليح من 150 الي 200 جنيه وطبعا ده كتير فا هجيب واحد جديد احسن بس عندي سؤال
انا سألت علي الطبقه الواحده لقيته ب 100 جنيه فهل حد هنا جربه علشان انا باردو مقلق منه بس هعمل ايه التاني ب 310 ومكاملش شهرين

**bee** · 05-06-2008 12:13 PM

بص يا باشا
طالما الشرخ مش كبير
هتروح لبتاع الازاز يعمل حواليه دايره وبكده مش هيمشي
وتلزق المرايه فوق او تحت شويه وتداريها من بره بأي استكر صغير هيكون شكله كويس لانه في المنتصف ..

ومتقلقش بسيطة

تحياتي