لخبراء السفر لدولة الأمارات

**KemozTanta** · 06-03-2012 12:26 AM

هو لسة الجواز مطلعش بس اعتقد هيبقي أخصائي اجتماعي علي اساس انه كلية خدمة أجتماعية.
و طب الشركات اللي بتعلن عن فيزا شهر بالتأشيرة والتذكرة ب4000 جنية دا نصب ولا اية وهل هو لو الفلوس دلوقتي معاه لازم يخرج لعمان مثلا او اى بلد جمبة عشان يغير الفيزا لعمل وفلوس الضمان متروحش , طب هو هيغير فيزا السياحة لعمل ازاى .. قصدك بقي لما يكون اشتغل وكدا ويجيب جواب من الشغل اكيد ويغير الفيزا

**wel00000** · 06-03-2012 07:43 AM

[color="blue"][size="4"]تغير الفيزا دلوقت هيبقى فيه رسك كبير عشان فعلا معظم فيز العمل واقفة...

**أحمد كمال** · 06-03-2012 09:14 AM

المشاركة الأصلية كتبت بواسطة kemoztanta

هو لسة الجواز مطلعش بس اعتقد هيبقي أخصائي اجتماعي علي اساس انه كلية خدمة أجتماعية.
و طب الشركات اللي بتعلن عن فيزا شهر بالتأشيرة والتذكرة ب4000 جنية دا نصب ولا اية وهل هو لو الفلوس دلوقتي معاه لازم يخرج لعمان مثلا او اى بلد جمبة عشان يغير الفيزا لعمل وفلوس الضمان متروحش , طب هو هيغير فيزا السياحة لعمل ازاى .. قصدك بقي لما يكون اشتغل وكدا ويجيب جواب من الشغل اكيد ويغير الفيزا

شهر بالتاشيرة و التذكرة ب 4000 للامارات؟ لو كده قول له يتوكل على الله طبعا ...... بس شوف هيختاجوا منه اوراق ايه ...... السكة اللي انا باطلع منها التاشيرات دي مضمونة بنسبة 90% (نادرا ما بتترفض) و ما بتحتاجش أي اوراق غير جواز سفره و صورة شخصية ......

بغض النظر دافع ضمان أو لأ ..... انت ما فهمتش قصدي ....... هو لو دخل الامارات بتاشيرة سياحة و طلع له تاشيرة عمل لازم يخرج من الامارات و يخشها تاني .....تاشيرة العمل هتكون اما يمضي عقد مع شركة و الشركة تقدم له عليها و تطلعها له ....... ساعتها لازم يخرج و يخش ........ و الفلوس مش هتروح عليه طالما ختم خروج قبل انتهاء صلاحية تاشيرة السياحة ......

**swimmer25** · 06-03-2012 10:24 AM

فيه شركة طيران اسمها fly dubai بتقدم علي التأشيرات بس تكون حاجز تذكرة عندها ذهاب وعودة لانها شركة اماراتية
بس دي بتطلع من مطار اسكندرية بس...ممكن تخلي اصحاب اخوك يسالوله

تأشيرة زيارة متنفعش غير يكون حد من قرايبك موجود وبيقدملك علي تأشيرة ولازم اثبات القرابة (درجة اولي بس أعتقد) وموثق كمان من السفارات والخارجية

تأشيرة السياحة عادية ... اما زي ما قلتلك او شركة سياحة بتحجز معاها طيران وفندق وشركات السياحة في مصر كتير بس مش عارف بصراحة اللي بيقول عليه احمد بيه

لازم تعرف هو رايح اي امارة...عامة الشارقة أسعارها أرخص في كل حاجة بس مش كتير..فعلا الامارات غالية شوية

**hytham** · 06-03-2012 05:00 PM

يا عم محمد ما تقولش كده عيب احنا كلنا اخوات هنا
ربنا يكرمه ان شاء الله في سفريته
و ياريت تطمني عمل ايه و انا تحت امرك في اي وقت

**walidzakzok** · 06-03-2012 05:15 PM

بص ياباشا تاشيرات العمل واقفة من ساعة الثورة ...اخوك هيجي سياحة وبعد ماييجي هيعمل ايه بعديها اذا كانت تاشيرات العمل واقفة اساسا يبقى الفلوس هتضيع فى الارض.

لو اصحابه عندهم شغل ليه قولهم يبعتولو تاشيرة عمل على طول لزومها ايه اللفة دي.

وعلى فكرة اي حد بيسافر على مرتب قليل بيضرب نفسه بالجزمة .البلد هنا غالية وعشان تعيش عيشة تحترم بيها نفسك ماينفعش يبقى المرتب قليل.

خد الكلام من الناس اللي موجودة فعلا فى البلد ومتاخدش كلام الناس اللي مش عايشة فى البلد

**مصطفى فؤاد** · 31-07-2014 01:33 AM

انا يا اخواتي واقع ف مشكلة كبيرة و طويل و ارجو منكم ان تستحملوني
الحين انا عندي 19 سنة عشت ف دولة الامارات 17 سنة و نص و ابويا و امي و اختي عايشين هناك و عمتي عمانية و انا و اخوية الحين قاعدين ف مصر علشان الجامعة انا اصلي مصري و مو واخد الجنسية الاماراتية ولا ابويا واخدها .
الحين المشكلة اني عايز اسافر الامارات فيزا عمل و الشغل او العمل مش مشكلة لأن ابويا بقاله ف الامارات 27 سنة و يقدر يشغلني عند اي حد من معارفه او صحابه بس المشكلة الحين ان ابويا بيقولي لازم اخلص الجامعة و الجيش بالذات علشان اقدر اسافر و انا مش طايق البلد الي هي مصر و مش عارف اعيش فيها و انا عايز اسافر فيزا عمل ف سئلت ناس كتير و قلولي انه لازم اخلص الجيش اهم حاجة و ممكن اخد تصريح سفر من الجيش لأني ف جامعة بس ابويا بيقولي التصريح ده مش هينفع اني اعمل فيزا عمل التصريح ده لو فيزا زيارة او سياحة بس ف انا مش عارف اعمل ايه و لو سافرت فيزا زيارة ممكن اكسرها و هينفع اني اكسرها ولا لأ و فيزا الزيارة واقفة ولا شغالة ؟!
و عندي صاحب ف كندا معاه الجنسية الكندية و انا عايز اسافرله فيزا زيارة و بعدين اتجوز و اخد الجنسية بس المشكلة ان السفر من مصر لأي دولة مستحيل ف ممكن اني اسافر الامارات فيزا زيارة لو شغالة يعني و بعدين اسافر من الامارات ل كندا زيارة ولا لأ ؟!
و ارجو منكم المساعدة :(