ايه موضوع العربيات النصين ده؟؟؟؟؟؟؟؟؟؟؟

**lanos2004** · 06-03-2012 07:11 PM

الى بيتقفش لو العربيه ملعوب فى بصمه الشاسيه --طب ما العربيات كل يوم بتتدغدغ على الطرق هتترمى يعنى --تغير بصمه الشاسيه هوة الى فيه مصيبه لانه تزوير فى اوراق رسميه--وموضوع المتانه دة كلام فاضى لان العربيه اصلا عبارة عن اجزاء ولحومه وياريت حد يدينى عربيه بى ام نصين هكون مبسوط جدا

**Ahmed_selmy** · 07-03-2012 10:06 AM

انا اعرف ان فيه ناس بتظبط النصين مش بتوع بعض, يعنى مثلا ياخد نص امامى فيرنا على نص خلفى لانوس ويقيفهم على بعض ويحط موتور 2000سى سى, وبيبقوا عارفين ايه الانصاص اللى بتركب على بعض.

**ahma8** · 07-03-2012 12:57 PM

استاذ يا برعى

**lanos2004** · 08-03-2012 09:03 PM

طب انا اعرف ناس مركبه نصين بسبب الحوادث ولا العربيه اتعوجت ولا اتفكت ولا اى حاجه بالعكس دى اجمد من بتاعت المصنع

**M.Ayman** · 10-03-2012 03:20 AM

المشاركة الأصلية كتبت بواسطة lanos2004

طب ما اصلا العربيه الزيرو كلها لحمات وبعدين تتعوج ازاى هيه حتت صاج دة شاسيه ولحام كل الحديد بيتلحم ويبقه قوى جداااااااااااااااا هيه عيبها الوحيد انها مخالفه قوانين المرور فقط لا غير

يا فندم العربيه كلها لحامات اه بس من المصنع و دخلت اختبارات متانه كتير علشان توصل للتوكيل و الموزع , عموما انا كنت لسه عندالبشمهندس احمد سابق و بيأكدلى انه لو النصين ملحومين عند حد كويس قوى مش هتفك و لا هتتعوج و كمان اكتشفت ان فى الانصاص انواع يعنى انا قسمت العربيه اتنين منين فى طرق كتير اكترها انتشارا و احسنها اللى بيقسم من الشنطه - مع انى برضه مش مطمن للكلام ده - و قالى ان معظم الايفوهات اللى بتنزل الاوتوكروس نصين .

المشاركة الأصلية كتبت بواسطة ahmodium

كل العربيات ال bmw الكابورليه اللي في مصر عباره عن نصين...القصه انك بتجيب نصين من واحد بتاع استيراد...وبتجيب ورق للعربيه من عربيه نفس الموديل عامله حادثه...يعني من الاخر بتشتري رخصتها بتاعتها...وبعدين بتغير رقم الموتور من ورق الافراج الجمركي بتاع قطع الغيار الاستيراد اللي انت جايبه نصين...والموضوع بيمشي وعمره مستحيل يتقفش...لأنك قانونيا اشتريت عربيه عامله حادثه وجددتها وجيبتلها نص قدماني او نص وراني ايا كان..دي معلوماتي من ميكانيكي حكالي القصه دي مره

:) لا يا ياباشا برضه اتأكدتلك و هو بيتقفش بس طلع بيتظبط و بيتعدى

و كل سنه و انت طيب يا باشا , بس ده فى حالة انك واخد رقم شاسيه من عربيه لعربيه تانيه ..... انما لو مثلا العربيه اللى عمله حادثه حادثتها ورا و هى سليمه من قدام و انت بقى غيرتلها نص ورانى و سقطت فى حوضها كده انت ماشى فى السليم و العربيه كانت عامله حادثه و انت صلحتها محدش ليه حاجه عندك . -فى حاجه بس مش متأكد منها و هحاول ارد عليكم فيها قريب هل المخالفه فى انى اجيب شاسيه لانسر موديل 99 و احطه على لانسر موديل 2000 تانيه ولا كمان لو على موديل 99 -

المشاركة الأصلية كتبت بواسطة lanos2004

الى بيتقفش لو العربيه ملعوب فى بصمه الشاسيه --طب ما العربيات كل يوم بتتدغدغ على الطرق هتترمى يعنى --تغير بصمه الشاسيه هوة الى فيه مصيبه لانه تزوير فى اوراق رسميه--وموضوع المتانه دة كلام فاضى لان العربيه اصلا عبارة عن اجزاء ولحومه وياريت حد يدينى عربيه بى ام نصين هكون مبسوط جدا

تقريبا كده رديت على كل كلام حضرتك فى الردين السابقين :) و ان شاء الله اول ما اعرف معلومات اكتر هقولكم يا جماعه باذن الله و انا اسف على الرد المتأخر بس والله الدنيا متلخبطه معايا فى الوقت

.

**M.Ayman** · 10-03-2012 03:24 AM

المشاركة الأصلية كتبت بواسطة ahmed_selmy

انا اعرف ان فيه ناس بتظبط النصين مش بتوع بعض, يعنى مثلا ياخد نص امامى فيرنا على نص خلفى لانوس ويقيفهم على بعض ويحط موتور 2000سى سى, وبيبقوا عارفين ايه الانصاص اللى بتركب على بعض.

هو فى فعلا حاجات زى دى بس دى كمان اضعف من الانصاص العاديه لانه بيبقى فى فرق فى الشاسيهين فلازم يبقى اللى بيجمع عارف ايه يركب على ايه و بنا يسترها معانا كلنا