الموضوع: تقرير بالصور عن تشغيل لمبة التشيك انجين للالنترا 2009

المشاركة الأصلية كتبت بواسطة top_10group

طبعا بشكر العضو المحترم Sheka صاحب موضوع ( اخيرا لمبه التشيك في النيو اكسنت ) لانه اتاح لنا الفرصة للتجربة.
المهم كل اللى هتحتاجة مفك صليبة نظييييييييف يستحسن يكون جديد بايد قصيرة.
هنقوم بالخطوات كالتالى :
1- فك مسمارين الوش اللى هما فوق





2- شد الوش من تحت لفوق. فى الاول هتلاقيه معصلج شوية عشان الكليبسات جامدة لكن هيتفك.
3- فك فيشة عداد الرحلات اللى هى فى اليمين. كدة الوش حر الحركة لكنه ماسك بحته جلد تحت






4- عشان تفك حتة الجلد دى هنفك الفيبرة اللى فوق الدريكسيون






ودى عبارة عن 2 مسمار صليبة زى اللى فى الصور








بعد متفك الفيبرة هتطلع الوش كله بالفيبرة على جنب برة

5 - هتلاقى لوحة العدادات فيها 4 مسامير 2 فوق واتنين تحت هتفكهم عادى

6- بعد الفك هتشد اللوحة براحة عشان فيها فيش من ورا.

7- هتفك فيشتين واحدة سوداء شمال وواحد بيضاء يمين.

8- كدة بقت لوحة العدادات فى ايدك هتقلبها وهتلاقىها متغطية ببلاستيكة بيضاء على كليبسات هتفكها عادى.

9- هتلاقى تحت يمين مكان ثلاث لمبات
- الاولى شمال مش موجودة وهى دى موضوعنا
- اللى فى النص دى لمبة الزيت موجودة وطبعا هنسيبها
- الاخيرة يمين دى لمبة الاير باج ودى اللى هنحطها فى المكان الفاضى
وطريقة فك اللمبة انك هتلفها شمال سنة صغيرة وبعدين تحطها فى المكان الفاضى وتلفها يمين وبكدة مبروك لمبة التشيك

الله ينور عليك

تقرير ممتاز و تشكر عليه
و أرجو من كل الاخوة اللي معاهم نفس الموديل و هايكرروا نفس التجربة تكون مشاركتهم بهذا الموضوع مع أضافة المزيد من الصور لزيادة التوضيح خاصة بعد فك لوحة العدادات كي تزيد الاستفادة للجميع

متشكر جدا
كان نفسى اصور وانا بفك لكن نسيت والله
ومجاليش قلب افك تانى عشان اصور لانى مصدقت انها اشتغلت