باركولى هكون جيناوى ومحتاج مساعه بسرعه
السلام عليكم
انا عضو معاكم ومتابع من فتره قصيره وديه اول مشاركه ومحتاج دعمكم
اولا اعرفكم بنفسى انا محمود طالب فى كليه هندسه
بالمناسبه انا اول مره هشترى عربيه فى حياتى واول مره اسوق عربيه ياريت تكونو جنبى فى التجربه المرعبه ديه
1/انا عاوز اعرف احسن معرض فى القاهره ايه اشترى منه العربيه او من الزقازيق انا هشتريها كمان اسبوع.
2/انا مش هينفع اجبها من التوكيل علشان انا عاوز اقسط تقسيط مباشر يعنى من غير بنك انا عاوز ادفع 70 الف واقسط 23 الف على اربع اقساط هدفعهم من الشغل والله المستعان انا كلمت الاحمدىوقالى الكلام ده ينفع وكلمت القرش الى فى المرغنى وقالى الكلام ده مينفعش فانتم ايه رايكم.
3/انا عاوز اطلع رخصه فى اسرع وقت انا مرور القليوبيه ايه الورق المطلوب وبتاخد وقت اد ايه وعلى فكره انا خايف يخلونى اعيد الاختبارات علشان انا مش سويق ايه احسن حل ممكن تقولهولى.
4/حد يعرف موديل 2013 هيكون نفس الشكل ولا ايه.
5/ترشحولى انهو لون انا عاجبنى الفضى وانا هجبها اوتو.
6/طلب اخوىانا مش عارف هستلم العربيه ازاى وخايف البس فى عربيه تكون فيها عيوب فهل ممكن حد من الاخوه الافاضل يستلم معايه العربيه انا عارف ده طلب تقيل شويه بس انا مليش حد ممكن ارجعله غيركم بليز ساعدونى.