زيت الفتيس: أغيره دلوقت و لا مااغيروش؟

السيارة ٤٠٥ عملة ١٦١ الف اخر ستة منهم أنا اللي عاملهم. الفتيس بينقل كويس
السؤال : متي يجب علي تغيير زيت الفتيس( مش قادر احكم من خلال اللون و ماسالتش صاحبها اللي فات عن ميعاد تغييره).

زيت الفتيس لايتم تغييرة .. فقط بيتزود لو نقص .. حسب كتالوج السيارة .

العربية مانيوال ولا أوتوماتيك؟؟؟
زيت الأوتوماتيك يتم تغييره كل 60 ألف كم كحد أقصى في أغلبية ماركات العربيات.
زيت المانيوال يتم تغييره كل 80-100 ألف كم
وده كلام الكتالوجات والمصنعين.
موضوع تزويد أي زيت بيكون مجرد استسهال وليس الصيانة السليمة. الموضوع مش مجرد كمية ومنسوب، وإنما معدلات لزوجة وخواص فيزيائية. زيت المانيوال بيتعرض لإجهادات ميكانيكية كبيرة نتيجة دورانات التروس والنقلات وحرارة إلى نوع ما. لذا يفضل تغييره

طب أغيره فين. العربية اوتوماتيك ١٦٠ الف كيلو يعني لو كان يستعير كل ٦٠٠٠٠ الف كيلو يبقي فاضل ٢٠ الف و اغير بفرض انه كان في الماضي يتم تغييره بانتظام

هوا حتي لو مكانش بيغير بأنتظام أنت تغير من دلوقتي بأنتظام ومتستناش ال 20 الف كيلو دوول لانه ممكن يكون مغيروش قبل ما يبيع, معظم اللي بيبقي هيبيع مش بيصرف علي العربية.
فأنت يا أما تكلمة تسأله كان بيعمل صيانه فين وتروح لو كام مكانيكي شاطر وبيفهم وغيره قبل كدا هيبقي أوفر لك
غير كدا بما أنها أتوماتيك أنصحك بالتوكيل أحسن لك أو اي مركز خدمة, لو لاقيت حد بره كويس هيبقي أرخص لك وأوفر كتير بس تتأكد أنو أشتغل فيها قبل كدا عشان ميجربش عليك والعك كتير..

كلم صاحبها شوف كان بيغيره فين وأعرف هوا غيره أخر مرة أمتي

مرة أشترينا عربية كان محطوط لها زيت موتور 10الاف كيلو, ولما جيت أغيره أكتشفت أنو مكنش مغيرة وأني مشيت علي زيت القديم يعني قعد جوا العربية 20 الف كيلو وطبعا كانت بتسخن وكنا في الصيف وكنت مفكر انو عشان الحر.
الغلطة اني سمعت كلام صاحبها من غير فاتورة,
لو انت معاك فاتورة انو غير الزيت أطمن, لو مش معاك حاول تكشف علي الزيت شوف يمشي 20 الف كمان ولا لأ.