أريد حلا (الصراصير)

**alfath8** · 05-03-2012 10:58 PM

السلام عليكم الجواب باين من عنوانه الصراصير عايز وسيلة ابادة تامة ليها اعمل ايه
حد يقولى على اى منتج يقضى على الصراصير تماما
بجد زهقت فعلا

**memohamada** · 05-03-2012 11:12 PM

اسأل فالصيدليات على بوريك اسيد Boric acid , دى بودرة بتتباع بتخلطها مع زبادى او عيش مبلول بحيث تعمل عجينة و تحطها فى اماكن خروج الصراصير ... وبعد كدة مش هتشوف ولا صرصار

**mohabelnegm** · 05-03-2012 11:22 PM

-تغطية البلاعات فى ألأحواض و ألأرضية قبل النوم أو عند الخروج من البيت و خصوصا بلاعة حوض المطبخ
-كل أسبوع أو أسبوعين رش نوع من أنواع المبيدات أو المطهرات القوية حول و فى البلاعات
-مراعاة النظافة التامة و خصوصا فى المطبخ بمعنى مثلا عدم ترك ألأطباق فى الحوض و بها بواقى أكل أو أى فتافيت على رخام المطبخ..لأبد من انظافة أول بأول فى المطبخ و حتى ألأرضية لابد من نظافتها بمطهر قوى من وقت للتانى
-أنبوبة البوتجاز لابد من رشها بالبيروسول أو ببخاخة مياة بديتول عند تغييرها بأخرى لأن ديه من أسباب عدوى الصراصير للشقة
- أستخدم العجينة الخاصة بالصراصير بكثافة جوة علب المطبخ و حواليها و تحتها كل سنة مرة

ان شاء الله مش هاتشوف صرصار فى البيت لو طبقت الكلام ده لأن ديه تقريبا كل ألأجراءات اللى ممكن تكافح بيها الصراصير

**alfath8** · 05-03-2012 11:28 PM

المشاركة الأصلية كتبت بواسطة memohamada

اسأل فالصيدليات على بوريك اسيد boric acid , دى بودرة بتتباع بتخلطها مع زبادى او عيش مبلول بحيث تعمل عجينة و تحطها فى اماكن خروج الصراصير ... وبعد كدة مش هتشوف ولا صرصار

جربنا مفيش فايدة

المشاركة الأصلية كتبت بواسطة mohabelnegm

-تغطية البلاعات فى ألأحواض و ألأرضية قبل النوم أو عند الخروج من البيت و خصوصا بلاعة حوض المطبخ
-كل أسبوع أو أسبوعين رش نوع من أنواع المبيدات أو المطهرات القوية حول و فى البلاعات
-مراعاة النظافة التامة و خصوصا فى المطبخ بمعنى مثلا عدم ترك ألأطباق فى الحوض و بها بواقى أكل أو أى فتافيت على رخام المطبخ..لأبد من انظافة أول بأول فى المطبخ و حتى ألأرضية لابد من نظافتها بمطهر قوى من وقت للتانى
-أنبوبة البوتجاز لابد من رشها بالبيروسول أو ببخاخة مياة بديتول عند تغييرها بأخرى لأن ديه من أسباب عدوى الصراصير للشقة
- أستخدم العجينة الخاصة بالصراصير بكثافة جوة علب المطبخ و حواليها و تحتها كل سنة مرة

ان شاء الله مش هاتشوف صرصار فى البيت لو طبقت الكلام ده لأن ديه تقريبا كل ألأجراءات اللى ممكن تكافح بيها الصراصير

الف شكر على النصايح بس احنا من حيث النضافة دى حدث ولا حرج الطبق ممكن يتغسل كل ربع ساعة حتى لو متاكلش فيه بس مش عارف حاسس انهم عاملين هجمة شرسة على المطبخ وبدأوا يتنقلوا منه للبيت وهما كلهم صغييرين بس طبعا شئ متعب جدا مش عارف تسيب اى حاجة مكشوفة خالص ولو نسيت حاجة مكشوفة انسى خلاص افترسوها

**mohabelnegm** · 05-03-2012 11:36 PM

المشاركة الأصلية كتبت بواسطة alfath8

جربنا مفيش فايدة

الف شكر على النصايح بس احنا من حيث النضافة دى حدث ولا حرج الطبق ممكن يتغسل كل ربع ساعة حتى لو متاكلش فيه بس مش عارف حاسس انهم عاملين هجمة شرسة على المطبخ وبدأوا يتنقلوا منه للبيت وهما كلهم صغييرين بس طبعا شئ متعب جدا مش عارف تسيب اى حاجة مكشوفة خالص ولو نسيت حاجة مكشوفة انسى خلاص افترسوها

خليك بس وراهم لغاية لما تطفش أبوهم, هوا الموضوع عايز بس شوية متابعة أنك ماتزهقش من المكافحة , هما لما يلاقوا ان كل الظروف ضدهم هايطفشوا بلا رجعة . هوا فعلا موضوع مستفز جدا أنك تحس أن فى شيء أو حد محتل بيتك و أنت مش عارف تعمل معاه حاجة:) ده فعلا ألأحساس..بس هارجع و أقولك عن تجربة أنك لو أستمريت فى ألأجراءات ديه هتلاقيهم فجأة طفشوا بلا رجعه ان شاء الله

**Screenplays** · 05-03-2012 11:44 PM

معلش انا في حاجه مش فاهمها في اللغز ده ... ازاي الصراصير ظاهره كده في الشتا ؟ حتي الصراصير ماشيه بدون قوانين ... انا معاك في بورسعيد و معندناش اي نوع من انواع الحشرات في البيت

**Ghamrawy** · 06-03-2012 01:16 AM

المشاركة الأصلية كتبت بواسطة screenplays

معلش انا في حاجه مش فاهمها في اللغز ده ... ازاي الصراصير ظاهره كده في الشتا ؟ حتي الصراصير ماشيه بدون قوانين ...

يا باشا احنا فى ثورة و فى انفلات امنى يعنى هى الصراصير مالهاش نفس؟

**Screenplays** · 06-03-2012 01:32 AM

ههههههههههههههههههههههه اه صحيح هي جت علي الصراصير

**homme49** · 06-03-2012 01:46 AM

أرجو متابعة الرابط التالى فى المنتدى
http://www.nilemotors.net/Nile/253465-a.html

و قراءة تعليقات المشاركين فى شهر 10 /2011
و أقترح عليك اللجوء إلى شركات رش المبيدات بشرط ترك الشقة مرشوشة و مغلقة تماما لمدة أسبوع
أنا جربت تلك الطريقة و ثبت فعاليتها لمدة سنتين لكل مرة أقوم فيها برش الشقة
و التكلفة تكون فى حدود مبلغ مائتى جنيه

**egyptiandiver** · 06-03-2012 02:30 AM

اسأل فالصيدليات على Kirox for crawling insects

الموضوع: أريد حلا (الصراصير)

LinkBack

أدوات الموضوع

عرض

أريد حلا (الصراصير) - انشر الموضوع فى :

-

-

المواضيع المتشابهه

بعد التضييق على (الترامادول).. (برشام الصراصير) يعود للمشهد ويحتل الصدارة

أريد حل

أريد مساعدتكم

أريد تدريبا

الكلمات الدلالية لهذا الموضوع

المفضلات

المفضلات

ضوابط المشاركة