السلام عليكم..
انا يا جماعه و زي اي مصري قرف من حال الكورة المصرية.. و مستني احلام كبيرة زي كاس العالم و بطولة اوروبا..
مستني بفارغ الصبر البطولة دي..
سألت و عرفت ان قنوات الجزيرة الرياضية ممكن تكون متاحة في باقات للشو تايم.. و باقات لأوربيت..
وكذلك كانت المفاجأة انها متاحة لوحدها.. في اشتراك شهري قيمته 10 جنيه.. (ايوة عشرة جنيه..)
المهم اتصلت و سألت و تابعت لحد ما روحت اشترك و كانت المفاجأة..
ان الكارت بتاع الجزيرة واللي بيركب في الكامة بتاعت الرسيفر.. بيعمل مشاكل مع اغلب انواع الرسيفرات..
(وخصوصا الانواع المشهورة و المتداولة و اللي معظم الناس عندها منها..)
اكيد مش مقصودة.. بس هو بيعمل مشاكل و بيفصل و بيعمل حركات مش ولا بد..
المهم وجب التحذير.. ان لو في حد ناوي يروح يشترك.. يكون عارف المعلومتين دول الاول..
الكارت نفسه تمنه 88 جنيه..
الاشتراك الشهري 10 جنيه.. و اقل حاجة 6 شهور..
يعني الموضوع كله هيتكلف 148 جنيه بالتمام و الكمال..
هتاخد معاك ايه؟؟ البطاقة ووصل كهربا او غاز..
الاهم من كده.. ان الرسيفر بتاعك يكون واحد من الانواع دي..
واللي هي بس اللي بتشغل الكارت بتاع الجزية..
وادي لستة الانواع المتاحة..
UEC 660/700/720/725/728/990
GALAXIS
PANASAT NOVA
EURO STAR
TECHNOSAT 7000 IRD
HUMAX 5400 Z
HUMAX IRCI-ACE
COSHIP (SHOWTIME)
دي بالظبط الانواع زي ما مكتوبة في الورقة اللي اخدتها منهم في فرع السي ان اي.. CNE
انا سألت في فرع ميدان الجزائر..
معلش انا اسف مش عارف مكان الفروع التانية فين..,
Tel: +(202) – 347 3394/345 9350
Fax: +(202)- 345 2441
Address : 175, Sudan St.,
El Mohandessin , Giza,
Egypt.
PO. 545 Attaba- Cairo, Egypt.
Email: Info@cne-ptv.com
http://www.cne-ptv.com/contact_us.htm
المفضلات