سبارك لايت ام a113

**omar_saad** · 06-03-2012 02:16 AM

السلام عليكم ورحمة الله و بركاته
اعضاء المنتدي الكرام - ايهما افضل شيفرولية سبارك لايت زيرو ام اسبرانزا a113 زيرو - رجاء لا تبخلو علي بالمعلومات - خاصة من مالكي السيارتين - بما اني افضل السيارات الصغيرة فكرت في هذه السيارات
- بالنسبة لي - انا اميل اكثر الي سبارك - توكيل جيد و اسم معروف - و لكن بصراحة لم اركبها من قبل و اعلم ان السيارة من حيث التقفيل جيدة - ومن حيث الاتساع اسبرانزا هي الافضل - الموتور اقوي - رجاء رجاء رجاء من يستطيع مساعدتي و يعطيني اجابة وافية علي الاسئلة التالية :
هل سبارك واسعة بشكل كافي داخليا
هل تصلح للسفر
مدي اتساع الشنطة الخلفية
العفشة
الاتزان مع السرعة
استهلاك البنزين ايه اخباره
طبعا سعر السيارتين متقارب و ان كنت سمعت ان اسبرانزا سوف يرتفع سعرها قريبا
جزاكم الله خيرا
و السلام عليكم ورحمة الله و بركاته

**lordlato** · 06-03-2012 01:57 PM

سبحان الله كنت ناوى اعمل نفس المقارنة :)

ياريت رجالة المنتدى يفيدونا و خصوصا انى ناوى اقسط طبعا عشان مفيش سيولة :( فأيهم أكثر إعتمادية و تعيش معاك مش اقل من 4 سنين و أسعار قطع غيارها معقولة و متوفرة و يكون فى ميكانيكية بيفهموا فيها عشان ما اتحوجش دايما للتوكيل لأن الاتنين توكيلهم اى كلام زى ما قريت من كلام الأعضاء

و أخبار عفشة السبارك إيه مع المطبات الكتير و الحفر و الدقدقة أصل أنا من الزقازيق و الشوارع عندنا ما تتوصفش الصراحة

و أيهم سعر إعادة بيعها معقول يعنى عشان الواحد لو ربنا كرمه و حب يغير بعد فترة و لا الاتنين بعد 4 او 5 سنين سعرهم هيقع او بمعنى مش هيكون فى فرق بينهم فى إعادة البيع ؟

**MohammedAladel** · 06-03-2012 03:07 PM

أنا عامة مبحبش العربيات الصغيرة دى بس أنا أؤيد سبارك علشان شيفورليه بالرغم إن شيفورليه فى الملاكى هنا فى مصر مش عاجبنى خاااالص بس أكيد سعر إعادة بيع سبارك هيكون أعلى من a113

**Dr'AhmZZong** · 06-03-2012 04:02 PM

a113 عربية أثبتت كفاتها جدااااااااااا .. و كفاية توكيلها انه احسن من منصور ..

**Sehsss** · 06-03-2012 04:56 PM

نصيحة عن تجربة لقريب لي بلاش a113 فيها مشاكل في الكهرباء ولمض في التابلوه بتنور عربية غريبة وكانت مجنناه دا بالإضافة إن عفشتها سيئة جدا وبتهبد وترزع، وعلى فكرة التوكيلين سواء منصور أو أبوالفتوح أسوأ من بعض