حد يعرف تكلفه كبوت العربيه كربون كام
وهل فى منه انواع ولا ايه
ولوحد جربه يقولى على عيوبه لو سمحتم
عرض للطباعة
حد يعرف تكلفه كبوت العربيه كربون كام
وهل فى منه انواع ولا ايه
ولوحد جربه يقولى على عيوبه لو سمحتم
انزل هاته من التوفيقيه انضف واحد المتر عامل 35 جنيه والكبوت بياخد متر ونصف يعنى حوالى 50 جنيه وتنزل عند اى حد بتاع اكسسورات يركبهولك هياخد 50 جنيه كمان وده علشان انا كنت هعمل كده وسالت على كل حاجه بس قالولى انه بعد فتره لما تيجى تشيله هيخلى لون العربيه مطفى ويضيع لمعه الفبريكه
معلش كربون ايه ده .اللهى هو فرش الكبود من جوه يعنى
ياريت متركبوش لانه بيخلى العربية لون ولون بعد ازالته
لان فى جزء معرض للشمس وجزء تانى لا
معلش بس ،، ممكن التوضيح
حضرتك عايز تعمله ستكير كاربون ؟؟ ولا كاربون فايبر فعلاً ؟؟؟
لنه تفرق ساعتها في الشكل و المضمون و السعر
انا عايز اغير شكل الكابوت لانه فيه باروما وكمان مش متساوى
فقولت اغطيه باى حاجه تداريه بس
فياريت تقولولى اعمل فيه ايه
طيب تمام
سهلة اوي
1- أعمل البارومة الي فيه علشان متسرحش !! و مش لازم حتى بعد كده تعملها بالدوكو :)
2-أشتري ستيكر كاربون و ألزفه بنفسك ،، ولو ملزقتوهوش قبل كده !! يبقى هو الراجل بتاع الأكسسوارات يلزقهولك
و لكن أحترس من المرور ،، شامم نفسه الأيام دي و الستيكر أصلاً مخالف
خد بالك عشان فية انواع رخيصة بتاثر على الدهان
انا حاطط خط عالكبوت من قدام علشان عربيه تلت نقل ريحت عالكابوت وفعصت حته و من تحت فيها الدعامات فصعب تترد غير لما تترش فعملت خط اسود بطول العربيه وكويس شغال وعديت علي كام لجنه و رخص وعادي ولاحد كلمني انا من اسيوط والحمدلله واخرهم اشيله قدامهم وخلاص
الكاربون فايبر ،، هو عبارة عن ألياف ،، صلبة و خفيفة الوززززززن جداً و ليها شكل مميز ،،
بيتعمل منه اجزاء للسيارة ،، علشان يضمن الخفة في الوزن ،، و المتااااانة
زي دي كده https://www.google.com.eg/search?um=...j2l2l0.frgbld.
اما الستيكر ،، ده عبارة عن لزق ،، يعطي شكل الكاربون فايبر فقط لا أكثر
في منه ألوااااااان بالهببببببل !!! بس لو لاقيت بقا !!!:)))
طب معلش يا رجاله لو حبيت اعمل الاكصدامات بس هيبقي في مشكله مع المرور في عربيات اصلا بتنزل اكصدامتها غير لون العربيه
بلاش كربون
لا يتعمل عاااادي الأكصدام :)
شكرا يا باشا على الرد
بس كان عندى سؤالين كمان
انا كنت عايز اعمل السقف انا عربيتى جين2 سلفر ... هل لو عملت السقف اسود يبقى فيه مشكله مع المرور ولا عادى؟؟
تانى سؤال هل الكربون الفيبر او الستيكر بياثر على الدهان بتاع العربيه فى المستقفب لو حبيت اشيلوه؟؟
السؤال التالت الكربون الفيبر و الاستيكر كل واحد منهم تكلفته تقريبا فى رينج كام؟؟
و اسف على الاطاله و شاكر سعه صدرك لقراءه اسالتى و الرد عليها
طب يا استاذ سمسم الفايبر اساس بيتعلم وعلي اليوتيوب الكبوت الفايبر كابربون هما بيعملوه وبتكلفه رخيصه جدا عن طريق نوع معين من الفيبر لونه اسود غير العادي الموجود وده لو اتعمل هيبقي رخيص جدا وممكن يتثبت عل يالرخصه وهو برضه بيتحط علي الكبوت القديم بس بيكون زي الرش
ده مش بيبقى كاربون فايبر !!
ده بيبقى مادة بتتحط على الكارود القديم بتغطييييه خالص ،، و بيترش عليها مادة لميع كده ،ن تديله نفس نفس نفس بظظظظبط شكل الكاربون فايببر !!
و لكن طبعاً بيبقى مش كاربون فايبر
الكاربون فايبر ده بيبقى وزنه خفييييييييف جداً بالنسبة لوزن الكابود الأصلي مثلاً و أمتن كتير !!
و لكن في الحالة الي حضرتك بتقول عليها ! بيبقى الكابود أتقل وزناً لأنه تم طلائه بمادة .. و هوا هوا نفس المتانة بتاعته :)
شكل على الفاضي يعني :)
على العموم في ناس بتعمل الحاجات الي أنت عايزها كاربون فايبر !! هنا في القاهرة :)
كل شيء ممكن بالطبع !! :) و لكن الحرفة ،، و الخامات ،، و الوقت... كل دي عوامل بتقف قدام الواحد لما يعوز يعمل حاجة زي دي :)
فى محل فى حدائق القبة كويس جدا
متابع
متابع