الموضوع: اجمد ريس فى مصر بل فى العالم

ههههههههههههههههههه بس عاوز اقلك انها قديمة اوي اقدم من الجبنة القديمة
بس تسلم ايدك

المشاركة الأصلية كتبت بواسطة shaddadfalcon1

هي الصوره مضحكة وان كانت مش ظريفه قوي يعني بس ماهو ده الوضع اللي بيبقي اي حد راكب ريس وحد راكب وراه بيبقي عليه

كتيييييييير شوفت بنات راكبين ورا ولاد وبتبقي حاضناه جدا جدا جدا والمنظر بيبقي اسود وانيل من كده بكتيير لدرجة تخلي اعصاب الناس اللي في الشارع تتعب فمابالك باللي سايق :)

فكرتنى بواحد راكبه وراه بنت شعرها طول و عمال يطير على ريس و ده طاير فضل رايح راجع و خايلنا كان معايا واحد صحبى و راجل كبير معانا يعرفه هوا فى عربيه كانت معايا الراجل ده كان عايز يشتريها .

المهم لف عند منطقه نادى الشمس و بتاع الريس عده مره رايح و راجاع فى الشارع و أختفى خلاص المهم .. حب يجرب العربيه فى صلاح سالم و يجرى شويه فى نص الشارع برضو سامعين صوت الريس بيجرى و مش فاكر عدى من جانبنا ولا على الناحيه التانيه .. نزلنا الراجل ده ركب و روح راجعين فى صلاح سالم لقينا الناس متجمعين كتير أوى عند صور الكليه الحربيه و مدخل مسرح النهار ولا بقى اسمه مسرح التلفزيون لفينا نشوف الحادثه .. كالأتى الموتوسيكل حتت الشاسيه مخبوط على الجنب و الفيبر متكسر فى كل حته .. و تخيلو حتت من المخ سايحه فى الشارع و دم طبعا و هما كانو شالوهم مغطينهم بجرايد .. ربنا يلطف بعباده ... شوفوا هوا كان فرحان قد أيه و هوا واخدها وعمال يجرى ميعرفش ان دقايق و هايموت !!

مش عارف حكيت ليه بس دايما بفتكر الحكايه دى لما اشوف واحده مسكه فى واحد على بيك ..
اللهم أحسن خاتمتنا جميعا و اكفنا شر الطرق